Раздел: Хабарҳо

Дар Муассисаи таҳсилоти миёнаи умумии рақами 1-уми ноҳияи Рӯдакӣ даври ноҳиявии олимпиадаи фаннӣ байни наврасон оғоз гардид. Тибқи иттилоъ олимпиадаи фаннӣ миёни наврасон аз рӯйи 13 фанни таълимӣ гузаронида шуда, шумораи умумии хонандагон зиёда аз 1300 нафарро ташкил медиҳад. Олимпиадаи мазкур дар миёни хонандагони синфҳои 5,6,7 ва 8 - и Муассисаҳои таълимӣ роҳандозӣ карда шуда, тибқи низомнома аз ҳар як фанни таълимӣ 6 нафарӣ ба даври минтақавӣ роҳхат пайдо мекунанд. Хотиррасон менамоем, ки даври аввали олимпиадаи мазкур дар Муассисаҳои таълимӣ гузаронида шуда, беҳтаринҳо ба даври ноҳиявӣ роҳ ёфтаанд ва марҳилаи ноҳиявӣ ғолибонро барои даври минтақавӣ муайян месозад.

ДУШАНБЕ, 27.11.2023 /АМИТ «Ховар»/. Донишҷӯи кафедраи забонҳои форсӣ ва чинии Донишгоҳи давлатии Хуҷанд ба номи академик Бобоҷон Ғафуров Суруш Раҷабов дар озмуни минтақавии Осиёи Марказӣ, ки ба мавзуи дониши фарҳанг ва таърихи Фаронса бахшида шуда буд, сазовори ҷойи аввал гардида,  барои иштирок дар озмуни байналмилалӣ роҳхат гирифт.

Тавре АМИТ «Ховар» бо истинод ба Донишгоҳи давлатии Хуҷанд хабар медиҳад, озмун ба тариқи онлайн гузаронида шуда, дар он шунавандагони 7 маркази Алянс Франсэз аз Тоҷикистон, Қазоқистон, Қирғизистон ва Узбeкистон иштирок намуданд.

Ин озмун аз тарафи Фонди Алянс Франсэз дар Париж ташкил шуда, 3 ғолиби сатҳи байналмилалӣ барои такмили дониш тобистони оянда ба Фаронса сафар менамоянд.

ДУШАНБЕ, 27.11.2023 /АМИТ «Ховар»/. Ҳайати Туркманистон таҳти роҳбарии муовини Раиси Девони вазирон  Тангригули Атахаллиев барои иштирок дар  ҷаласаи 12-уми Комиссияи муштараки байниҳукуматии Тоҷикистон ва Туркманистон оид ба ҳамкории тиҷоратӣ-иқтисодӣ ва илмӣ-техникӣ ба Ҷумҳурии Тоҷикистон ташриф овард.

Идома

ДУШАНБЕ, 24.11.2023. /АМИТ «Ховар»/. Имрӯз дар Китобхонаи миллии Тоҷикистон бо иштироки 115 довталаб даври ниҳоии Озмуни ҷумҳуриявии ««Тоҷикон»-оинаи таърихи миллат» оғоз гардид. Озмун аз 24 то 28 ноябр дар Китобхонаи миллии Тоҷикистон баргузор гардида, маросими ҷоизасупорӣ ба ғолибон 1 декабр дар назар дошта шудааст.  Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Идома

ДУШАНБЕ, 24.11.2023. /АМИТ «Ховар»/. Мехоҳам бо ифтихору қаноатмандӣ иброз намоям, ки ҳоло мардуми шарифи Тоҷикистон, бахусус, насли ҷавону ояндасози мо сиёсати бунёдкоронаи Ҳукумати мамлакатро дастгирӣ намуда, хуб дарк намудаанд, ки эҳтироми рамзҳои миллӣ, аз ҷумла Парчами давлатӣ маънои ифтихор аз давлати соҳибистиқлол, арҷгузорӣ ба гузаштаи халқи бостониамон ва заҳмати содиқона ба хотири фардои ободи Ватани маҳбубамонро дорад, — чунин омадааст дар Паёми шодбошии Президенти Ҷумҳурии Тоҷикистон муҳтарам Эмомалӣ Раҳмон ба муносибати Рӯзи Парчами давлатӣ.

Идома

ДУШАНБЕ, 24.11.2023. /АМИТ «Ховар»/.  23 ноябрз дар Вазорати маориф ва илми Ҷумҳурии Тоҷикистон бахшида ба Рӯзи Парчами давлатии Ҷумҳурии Тоҷикистон конференсияи илмӣ-назариявӣ баргузор гардид. Зимни он гуфта шуд, ки парчам давоми садсолаҳо мояи ифтихору ғурури гузаштагони мо буда, дар қатори рамзу аркони давлатдорӣ мақому манзалати махсус дорад. Дар ин хусус ба АМИТ «Ховар» дар маркази матбуоти Вазорати маориф ва илм хабар доданд.

Идома

Ҳамватанони азиз!

Ҳамаи шуморо ба муносибати Рӯзи Парчами давлатӣ, ки рамзи муқаддаси соҳибдавлативу соҳибихтиёрӣ, ифодагари орзуву ормони миллӣ ва арзишҳои олии тамаддуни халқи тоҷик мебошад, самимона табрик мегӯям.

Идома

ДУШАНБЕ, 23.11.2023 /АМИТ «Ховар»/. 23 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ҷиҳати иштирок дар саммити Барномаи махсуси Созмони Милали Муттаҳид барои иқтисодиёти Осиёи Марказӣ ба шаҳри Бокуи Ҷумҳурии Озарбойҷон ташриф оварданд.

Дар Фурудгоҳи байналмилалии Боку Президенти Ҷумҳурии Тоҷикистон муҳтарам Эмомалӣ Раҳмонро муовини якуми Сарвазири Ҷумҳурии Озарбойҷон ва дигар шахсони расмӣ самимона истиқбол гирифтанд.

Ба истиқболи меҳмони олиқадр майдони фурудгоҳ бо парчамҳои давлатии ду мамлакат оро ёфта, афсарони Қаровули фахрӣ саф оростанд.

Дар Академияи миллии илмҳои Тоҷикистон бахшида ба Рӯзи Парчами давлатии Ҷумҳурии Тоҷикистон дар мавзуи «Парчам-рамзи давлатдории миллӣ» конференсияи илмию амалӣ баргузор шуд.

Дар ҷамъомад дар мавзуъҳои «Парчам-рамзи давлатдорӣ ва ватанпарварӣ», «Тасвири парчами Каёнӣ дар сиккаҳои қадима», «Парчам-рамзи истиқлоли давлатӣ» сухан рафт. Қадршиносии Парчами давлатӣ арҷгузориву ифтихор аз давлат, аз гузашта, имрӯз ва фардои халқ буда, яке аз омилҳои муҳими худшиносӣ ба ҳисоб меравад.

Чорабинии мазкур бо садо додани суруди миллӣ оғоз гардид. Сипас дар бораи парчами милии Тоҷикистон ба таври соддаву фаҳмо маълумот пешниҳоди дустрӯякон гардонида шуд. Дар идомаи тадбири мазкур хурдсолон бо лафзи ширини кӯдакӣ дар бораи Ватан, Тоҷикистон ва Парчам шеърҳо қироат намуданд. Сипас рақси мавзуни кӯдакон ба маҳфил ҳусну таровати махсус зам кард. Онҳо бо шавқи зиёд мерақсиданду шодӣ мекарданд ва хушҳол аз он буданд, ки дар чунин давлати ободу зебо Тоҷикистон умр ба сар мебаранд. Хотиррасон менамоем, ки ин чорабиниро гуруҳи омодагӣ ба мактаб дар сатҳи хуб гузарониданд.