Дар Академияи миллии илмҳои Тоҷикистон бахшида ба Рӯзи Парчами давлатии Ҷумҳурии Тоҷикистон дар мавзуи «Парчам-рамзи давлатдории миллӣ» конференсияи илмию амалӣ баргузор шуд.
Дар ҷамъомад дар мавзуъҳои «Парчам-рамзи давлатдорӣ ва ватанпарварӣ», «Тасвири парчами Каёнӣ дар сиккаҳои қадима», «Парчам-рамзи истиқлоли давлатӣ» сухан рафт. Қадршиносии Парчами давлатӣ арҷгузориву ифтихор аз давлат, аз гузашта, имрӯз ва фардои халқ буда, яке аз омилҳои муҳими худшиносӣ ба ҳисоб меравад.