Бахшида ба Рӯзи Парчами давлатӣ бо ибтикори Мақомоти иҷроияи ҳокимияти давлатии шаҳри Душанбе дар Майдони Истиқлоли пойтахт ҳамоиши тантанавӣ баргузор гардид. Дар ҳамоиши мазкур намоядагони сохторҳои ҷумҳуриявию шаҳрӣ, роҳбарияту донишҷӯёни Донишгоҳу донишкадаҳо ва дигар қишрҳои ҷомеа ширкат доштанд. Ин ҷамъомади сатҳи баланд бо садо додани Суруди миллии Ҷумҳурии Тоҷикистон оғоз гардида, дар идома роҳпаймоии оммавии осоишта ҷараён гирифт. Бояд гуфт, ки ин роҳпаймоӣ аз майдони "Истиқлол" оғоз гардида, то саҳни «Боғи Парчами давлатӣ» идома ёфт. Дар қисмати дигар аз ҷониби сарбозону афсарон машқҳои низомӣ гузаронида шуд, ки иҷрои ҳар як амали он дар дили насли наврасу ҷавон меҳру муҳаббат ва садоқат ба ватанро бедор месозад. Қисмати фарҳангии чорабинӣ низ хотирмон ҷараён гирифта, аз ҷониби аҳли санъат барномаи идона пешниҳод карда шуд, ки писанди ҳамагон гардид.
Раздел: Хабарҳо
Идомаи даври ниҳоии озмуни ҷумҳуриявии «Илм-фурӯғи маърифат» дар ш. Душанбе.
Давоми 3 рӯз аст,ки даври чоруми озмуни ҷумҳуриявии «Илм-фурӯғи маърифат» дар пойтахти азизамон шаҳри Душанбе ҷараён дорад. Ёдовар мешавем, ки имсол ба даври чоруми озмун 374 нафар роҳхат гирифт. Озмуни мазкур аз рӯи номинатсияи ихтироъкорӣ ва навоварӣ дар Институти геология, сохтмони ба заминҷунбӣ тобовар ва сейсмология доир гардида истодааст. Бояд гуфт, ки 66 нафар довталаб, 30 нафар хонанда, 17 нафар донишҷӯ ва 19 нафари дигар калонсолон аз рӯи номинатсияи ихтироъкорӣ ва навоварӣ дониши хешро месанҷанд. Бар асоси низомномаи озмун бо мақсади баҳогузорӣ намудан ба дониш, маҳорат ва малакаи довталабон аз ҷониби комиссияи озмун ҷадвали 10-хола муқаррар карда шудааст.
Рӯзи Парчам дар Муассисаи томактабии №7.
Муассисаи томактабии рақами 7-уми ноҳияи Шоҳмансури шаҳри Душанбе қабои идона ба бар дошт. Дар ин тадбир мураббиёну кӯдакон фаъолона ширкат варзида, доир ба Парчами миллӣ маълумот доданд. Гуфта шуд, ки Парчами давлатӣ рамзи сулҳу субот ва сарҷамъии миллати тоҷик буда, имрӯзи моро бо ояндаи дурахшон мепайвандад ва миллати фарҳангсолору тамаддунофари тоҷик ба он арҷу эҳтиром мегузорад. Мавриди қайд аст, ки дар як вақт дар гуруҳҳои Кӯдакистон низ машғулиятҳои намунавӣ бахшида ба ин сана роҳандозӣ карда шуд, ки дар он кӯдакон фаъолмандӣ нишон доданд.
Таҷлили «Рӯзи парчам» дар Кӯдакистони №41.
Дар Кӯдакистони №41-уми ноҳияи Исмоили Сомонии шаҳри Душанбе бахшида ба Рӯзи парчами давлатӣ чорабинии идона баргузор гардид. Дар тадбири мазкур дӯстрӯякон бо тайёрии ҷиддӣ ширкат варзида, дар васфи парчам шеъру сурудҳоро қироат намуданд ва ин аз он гувоҳӣ медиҳад, ки гузаронидани ҷашну маросимҳои миллӣ ҳар як насли хурдсолро водор месозад то аз рамзҳои давлатӣ ва муқаддасоти миллӣ огаҳ шаванд. Дар чорабинии мазкур тарбиятгирандагон дар тан либосҳои идона, ки рамзи парчами давлатиро таҷассум мекард, суруди умумиро иҷро намуданд, ки ҷолибу дилнишин буд.
Маросими кушодашавии даври ҷумҳуриявии озмуни «Илм-фурӯғи маърифат»
Дар Донишгоҳи миллии Тоҷикистон иштирокдорон маҳорати зеҳнии хешро аз рўи номинатсияҳои физика, астраномия, математика, технологияи иттилоотӣ ва биология санҷиданд. Ногуфта намонад, ки соли равон аз Донишгоҳи миллии Тоҷикистон 14 нафар донишҷӯ аз рӯи 7 наминатсия ширкат меварзанд. Дар рӯзи аввали озмун барои иштирокдорони фанни физика ва астрономия 5 - масъала аз барномаҳои таълимӣ пешниход гардида, ба онхо 3 соат вақт ҷудо карда шудааст.
Таҷлили Рӯзи Президенти ҶТ дар Литсейи №3.
Чорабинии мазкур ба муносибати Рӯзи Президенти ҶТ ва 30 солагии Иҷлосияи 16-уми Шӯрои Олии ҶТ бахшида шуд. Тадбири мазкур бо садо додани суруди миллӣ оғоз ёфт. Сипас хонандагон суруди умумиро дар васфи Тоҷикистон иҷро намуданд. Мавриди қайд аст, ки маҳз бо баргузории Иҷлосияи 16-уми Шӯрои Олии ҶТ сарнавишти халқи тоҷик ба куллӣ тағйир ёфт. Ва дар тадбири зикршуда, тавассути монитор ин лаҳзаҳои ҳассос манзури аҳли толор гардонида шуд. Дар ин ҷамъомад насли наврас тавонистанд, саҳначаи пурмуҳтавои ибратомӯзро таҳти унвони «Дуои модар» манзури ҳозирин намоянд. Саҳначаи мазкур лаҳзаҳои дар Иҷлосияи Шӯрои олии ҶТ ширкат варзидани сардори давлатро дар худ инъикос намуд, ки хеле диданию ҷолиб иҷро гардид.
Роҳандозии чорабиниҳои адабӣ-фарҳангӣ ба муносибати 30-солагии Иҷлосияи XVI Шӯрои Олии Ҷумҳурии Тоҷикистон.
Омўзгорону хонандагони Муассисаи таҳсилоти миёнаи умумии рақами 23-юми ноҳияи Шоҳмансури шаҳри Душанбе низ бахшида ба 30-солагии Иҷлосияи XVI Шӯрои Олии Ҷумҳурии Тоҷикистон чорабинии адабӣ-фарҳангиро роҳандозӣ намуданд. Ҳамоиши мазкур аз бахшҳои мухталиф иборат буда, нахуст хонандагон дар мавриди аҳамияти ин сана маълумот доданд. Гуфта шуд, ки Иҷлосияи XVI Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули Истиқлолияти миллӣ, таъйин намудани самти ҷараёни инкишофи ҷомеа дар солҳои баъдӣ ва пайгирӣ намудан аз принсипҳои талаботи бунёди ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард.
Роҳандозии семинару машваратҳои омӯзишӣ дар Муассисаҳои таълимӣ.
Бо мақсади баланд бардоштани сифати таълиму тарбия бо иқдоми Сарраёсати маорифи шаҳри Душанбе дар Муассисаҳои таълимӣ ва томактабии 4 ноҳияи пойтахт дар байни масъулин ва кормандони соҳа машваратҳои омӯзишӣ ба роҳ монда шуд. Ташкили чунин тадбирҳо саривақтӣ ва ба маврид буда, он барои омӯхтани таҷрибаи пешқадам ва дастгирӣ намудани мутахассисони ҷавон мусоидат мекунад. Чунин семинар - машварати омӯзишӣ дар таълимгоҳи рақами 22-юми ноҳияи Фирдавсии шаҳри Душанбе бо иштироки директорони Муассисаҳои таълимии ҳудуди ноҳия ва намояндаи шуъбаи маориф баргузор гардид. Бояд қайд намуд, ки роҳбарони Муассисаҳо дар як зумра соатҳои дарсии омӯзгорону директорон ширкат варзиданд.
Баргузории озмуни «Хонандаи сол».
Дар таълимгоҳи рақами 51-уми ноҳияи Фирдавсии шаҳри Душанбе бо мақсади ҷалби насли наврас ба китобу китобхонӣ ва дарёфти наврасони боистеъдод ва сухандону суханвар даври ноҳиявии озмуни «Хонандаи сол» баргузор гардид. Озмуни мазкур бо иштироки намояндагони шуъбаи маориф ва омӯзгорони соҳибтаҷрибаи ҳудуди ноҳия доир шуда, масъулин ҳадафу мақсадҳои асосии озмунро ба шогирдон фаҳмониданд ва онҳоро ба шартҳои ин сабқати зеҳнӣ - маърифатӣ шинос намуданд.Довталабон аз 11 фанни таълимӣ аз рӯи 5 шарти озмун дониш ва маҳорати хешро санҷиданд.
Бозгашти муваффақонаи варзишгарони тоҷик аз чемпионати ҷаҳон.
Дар Аморати Муттаҳидаи Араб чемпионати ҷаҳон оид ба ҷиу-ҷитсу миёни беш аз 65 кишвари ҷаҳон баргузор гардид, ки дар он варзишгарони тоҷик таҳти роҳбарии раиси Федератсияи миллии ҷиу-ҷитсуи Тоҷикистон Алиҷон Давлатов ширкат варзида ба гирифтани 10 медал, 2 тилло, 6 нуқра ва 1 ҷоизаи биринҷӣ мушарраф шуданд. Аз ҷумла, Сиёвуш Муқимов ва Абдукарим Самадов соҳиби унвони қаҳрамонии чемпионати ҷаҳон шуданд. Аҳмадҷон Наримов ҷои дуюм ва Муҳаммад Сангинов мақоми сеюмро касб карданд. Варзишгардухтари тоҷик Нозия Қосимова медали нуқра ба даст овард.
