ДУШАНБЕ, 04.09.2023. /АМИТ «Ховар»/. Бахшида ба Рӯзи китоб имрӯз дар Муассисаи давлатии «Китобхонаи миллӣ»- и Дастгоҳи иҷроияи Президенти Ҷумҳурии Тоҷикистон намоиш-фурӯши китобҳои тозанашр, Рӯзи дарҳои боз ва намоиши ҳунарҳои мардумӣ доир шуд. Дар он ҳамзамон як зумра фаъолони соҳаи китобдорӣ қадрдонӣ шуданд, иттилоъ медиҳад АМИТ «Ховар».

Доир намудани ин гуна рӯзҳо дар Китобхонаи миллӣ ба ҳукми анъана даромада, ба сокинони мамлакат имкон медиҳад, ки бо толорҳои хониши китобхона аз наздик шинос шаванд.

Сурат-гузориши АМИТ «Ховар» аз ҷараёни баргузории ин чорабинӣ пешниҳод мегардад.

ДУШАНБЕ, 04.09.2023 /АМИТ «Ховар»/. 3 сентябр дар мавзеи Ҳафткӯли шаҳри Панҷакент бахшида ба 32-солагии Истиқлолияти Ҷумҳурии Тоҷикистон Ниммарафони дуюми кушоди кӯҳӣ баргузор гардид. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.

Масофаи ниммарафон 21 километру 97 метр муқаррар шуда, барои иштирок дар он варзишгарон аз тамоми манотиқи мамлакат ва аз 13 давлати хориҷӣ, ба монанди Узбекистон, Беларус, Чин, Ҳиндустон, Нигерия, Белгия, Кения, Англия, Покистон, Африқои Ҷанубӣ, Австралия, Ҳиндустон ва Чин иштирок намуданд.

Ҳамаи варзишгарон масофаи 21 км 97 метрро тай намуда, аз зебоиҳои Ҳафткӯл ҳаловат бурданд. Баъзе аз иштирокчиён давандаҳои ҳаваскор буда, танҳо барои тамошо ва хушҳолӣ ин масофаро тай намуданд ва бо зебоиҳои Ҳафткӯл ва Тоҷикистони биҳиштосо шинос шуданд.

Хотиррасон мешавем, ки ниммарафони варзишӣ бо ибтикори Мақомоти иҷроияти ҳокимияти давлатии шаҳри Панҷакент, Кумитаи рушди сайёҳии назди Ҳукумати Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раёсати ҷавонон ва варзиши вилояти Суғд, Федератсияи варзиши сабуки Ҷумҳурии Тоҷикистон ва ширкати сайёҳии «Сайри Бӯстон» доир гардид.

Ба ғолибони ниммарафон аз 500 то 5000 сомонӣ мукофоти пулӣ инъом гардид.

Ғолибони Ниммарафони дуюми кӯҳӣ дар мавзеи Ҳафткӯли шаҳри Панҷакент:

Мардон

Зуҳуршои Наҷмиддин (Тоҷикистон)

Самариддин Азимов (Тоҷикистон)

Бобоҷон Якимов (Тоҷикистон)

Аҳкомиддин Каримзода (Тоҷикистон)

Меҳробҷон Одинаев (Тоҷикистон)

Бонувон

Раҷабмоҳ Абдуллоева (Тоҷикистон)

Маҳина Баротова (Тоҷикистон)

Марҷона Маҳкамова (Тоҷикистон)

ДУШАНБЕ, 04.09.2023. /АМИТ «Ховар»/. Бахшида ба Рӯзи китоб имрӯз дар Муассисаи давлатии «Китобхонаи миллӣ» аз ҷониби Корхонаи воҳиди давлатии таъминот ва савдои «Китоб» намоиш-фурӯши китобҳои тозанашри нашриёти Вазорати фарҳанги Ҷумҳурии Тоҷикистон «Адиб», Сарредаксияи илмии «Энсиклопедияи миллии тоҷик», «Ирфон», «Адабиёт ва бачагона» ва нашриёти дигар баргузор шуд, хабар доданд ба АМИТ «Ховар» дар китобхонаи мазкур.

Дар намоиш-фурӯши китобҳо осори адибони классику муосири тоҷик ва ҷаҳон ба ҳаводорони китоб пешниҳод гардид. Ҳамзамон намоиш ва фурӯши ҳунарҳои мардумӣ аз ҷониби ширкатҳо ва муассисаҳои таҳсилоти умумӣ ва литсейҳои пойтахт пешниҳоди ҳозирин гардонида шуд. Зимни чорабинии мазкур ҳамчунин Рӯзи дарҳои бози Китобхонаи миллӣ эълон  шуд, ки он ду рӯз идома хоҳад ёфт. Ҳунарнамоии ансамбли бачагонаи Филармонияи давлатии Тоҷикистон аз дигар бахши Рӯзи китоб буд.

Ёдовар мешавем, ки Рӯзи китоб дар Тоҷикистон шуруъ аз 4 сентябри соли 2007 ид мешавад. Дар ин рӯз Пешвои миллат муҳтарам Эмомалӣ Раҳмон пешниҳод намуда буданд, ки 4 сентябри соли 2007 – рӯзи гузоштани хишти аввали Китобхонаи миллӣ Рӯзи китоб эълон шавад. Маросими ифтитоҳи бинои нави Китобхонаи миллӣ дар арафаи ҷашни байналмилалии Наврӯз- 20 марти соли 2012 бо иштироки Президенти Ҷумҳурии Тоҷикистон муҳтарам Эмомалӣ Раҳмон баргузор гардид. Масоҳати умумии китобхона 44 ҳазору 78 метри мураббаъ буда, қисмати байни бино ду саҳифаи бозшудаи китобро ифода менамояд.

Дар раванди ҷаҳонишавӣ телевизион дар баробари ташаккул додани афкори ҷомеа,  инчунин воситаи муҳимтарини расонидани хабарҳои оҷил шинохта шудааст. 32  сол дар назди таърих хеле вақти кам  аст. Аммо  соҳаи телевизион дар ин муддат бо суръат пеш рафт. Хусусан, дар ин муддат яке аз аввалинҳо шуда дар миқёси Осиёи марказӣ бо ташаббуси Сарвари давлат телевизион барои кӯдакону наврасон дар Ҷумҳурии Тоҷикистон таъсис ёфт. Ҳанӯз аз солҳои аввали соҳибистиқлолӣ  Ҳукумати мамлакат масъалаи тарбияи мутахассисони соҳибмаълумот, баланд бардоштани сатҳи донишу малакаи касбӣ ва густариши тафаккури техникии кӯдакону наврасонро дар мадди аввал гузошта буд. Ин буд, ки Муассисаи давлатии «Телевизиони кӯдакону наврасон - Баҳористон» бо Қарори Ҳукумати Ҷумҳурии Тоҷикистон аз 1 августи соли 2006 № 350 таъсис дода шуд. Боиси ифтихор аст, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, мӯҳтарам Эмомалӣ  Раҳмон дар маросими ифтитоҳи Муассисаи давлатии «Телевизиони кӯдакону наврасон - Баҳористон» санаи 4 сентябр иштирок намуда,  бо пахши тугмачаи дастгоҳи паҳнкунандаи мавҷи телевизионӣ  фаъолияти ТВ «Баҳористон»-ро оғоз карда буданд. Мақсад аз таъсиси Муассиса дар  рӯҳияи инсондӯстиву ватанпарастӣ тарбия кардани кӯдакону наврасон, шиносоӣ бо арзишҳои волои милливу умумибашарӣ ва қонеъ гардонидани талаботи бадеию эстетикии онҳо мебошад.                                                                                        

Имрӯз ТВ "Баҳористон"  дар баробари анҷом додани рисолати худ-таълиму тарбияи насли наврас ва фароғат бахшидан, дар омода намудани кадрҳои соҳа низ нақши муассир дорад. Дар тӯли 17 соли фаъолият даҳҳо  дастпарварони ин даргоҳ чун мутахассисони варзида дар шабакаҳои гуногуни телевизионӣ фаъолияти худро идома дода истодаанд. Таваҷҷуҳи махсуси роҳбарияти олии кишвар ва Кумитаи телевиҳион ва радиои назди Ҳукумати Ҷумҳурии Тоҷикистон нисбат ба ин шабака пайваста эҳсос гардида, боиси дилгармии аҳли кормандони ин даргоҳ ба касбу кори худ  шудааст.

Рӯзи таъсисёбии "Телевизиони Баҳористон"  ба ҳамаи кормандон ва мухлисонаш  муборак бошад!

     БО КАМОЛИ ЭҲТИРОМ, РОҲБАРИЯТИ  "ТЕЛЕВИЗИОНИ БАҲОРИСТОН"

ДУШАНБЕ, 31.08.2023. /АМИТ «Ховар»/. Дар солҳои истиқлоли давлатӣ дар Тоҷикистон 3430 муассисаи нави таълимӣ барои қариб якуним миллион хонанда сохта, ба истифода дода шудааст. Ҳол он ки дар 70 соли замони пеш аз истиқлол дар ҷумҳурӣ ҳамагӣ 3229 муассисаи таълимӣ бунёд гардида буд. Ин маълумот дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» 23 декабри соли 2022 дарҷ гардидааст.

Мавриди ёдоварист, ки танҳо имрӯз, 31 август дар пойтахти мамлакат бо иштироки Президенти мамлакат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ 6 муассисаи таҳсилоти миёнаи умумӣ бо 3 ҳазору 380 ҷойи нишаст ва 2 муассисаи томактабӣ барои 350 нафар мавриди баҳрабардорӣ қарор гирифт.

Бояд тазаккур дод, ки соли равон дар ҷумҳурӣ аз ҳисоби ҳамаи сарчашмаҳои маблағгузорӣ 30 муасисаи таълимӣ ва бинои иловагӣ дар назди 4 муассисаи таълимӣ барои 8632 ҷойи нишаст дар як баст сохта, ба истифода дода шуд.

Дар Паём ба Маҷлиси Олии Ҷумҳурии Тоҷикистон Президенти мамлакат муҳтарам Эмомалӣ Раҳмон иброз доштанд, ки «дар панҷ соли охир танҳо барои рушди соҳаҳои маориф ва тандурустӣ 36 миллиард сомонӣ равона гардида, ҳиссаи маблағгузории соҳаҳои иҷтимоӣ дар ҳаҷми умумии хароҷоти буҷети давлатӣ 44 фоизро ташкил кард. Дар ин давра аз ҳисоби ҳамаи сарчашмаҳои маблағгузорӣ 842 бинои муассисаи таълимӣ барои 382 ҳазор хонанда, аз ҷумла дар соли 2022-юм 190 бинои таълимӣ барои 87 ҳазор хонанда сохта, ба истифода дода шудааст. Бо вуҷуди ин, корҳои то имрӯз дар ин самт амалигардида ҳоло ҳам басанда нестанд».

Бо ҳамин мақсад дар соли таҳсили 2023-2024 дар қаламрави ҷумҳурӣ аз ҳисоби ҳамаи сарчашмаҳои маблағгузорӣ сохтмони 312 бинои муассисаи таълимӣ ва бинои иловагӣ дар назди муассисаҳои таълимӣ барои 68 ҳазору 138 ҷойи нишаст ба нақша гирифта шудааст.

Дар айни замон теъдоди муассисаҳои таҳсилоти умумӣ дар ҷумҳурӣ 3967 ададро ташкил медиҳад. Аз ин шумора 301 адад муассисаи таҳсилоти ибтидоӣ, 431 адад муассисаи таҳсилоти умумии асосӣ ва 3235 адад муассисаи таҳсилоти миёнаи умумӣ мебошанд. Теъдоди муассисаҳои типи нав 159 адад буда, аз ҷумла 76 гимназия ва 83 литсей сабт шудааст. Нисбат ба ҳамин давраи соли таҳсили 2021-2022 дар мамлакат 27 муассисаи таҳсилоти умумӣ зиёд шудааст.

Шумораи умумии хонандагон 2 миллиону 232 ҳазору 114 нафарро ташкил медиҳад, ки аз он 1 миллиону 79 ҳазору 197 нафар духтарон мебошанд.

Тибқи таҳлили оморӣ, имсол тақрибан 220 ҳазор кӯдак ҳамчун хонандаи синфи якум ба мактаб мераванд.

ДУШАНБЕ, 31.08.2023. /АМИТ «Ховар»/. Дар арафаи Рӯзи дониш аз ҷониби Мақомоти иҷроияи ҳокимияти давлатии шаҳри Ҳисор ба 45 нафар ятими кулл, ки бо амри тақдир аз падару модар маҳрум шудаанд, либосҳои мактабӣ тақдим шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор хабар доданд.

Иқдоми мазкур дар партави сиёсати ятимпарваронаи Ҳукумати Ҷумҳурии Тоҷикистон ва ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон амалӣ гардид.

Дар сиёсати иҷтимоии давлату ҳукумат, ки ба фароҳам овардани шароити зиндагии шоистаи мардум равона гардидааст, табақаҳои ниёзманди аҳолӣ, бахусус ятимону бепарасторон авлавият дошта,  мавқеи хосро сазовор ҳастанд.

Ятимони кулл ба Пешвои маҳбуби миллат ва мақомоти иҷроияи ҳокимияти давлатии шаҳр барои дастгириву ғамхориҳои пайваста изҳори миннатдорӣ намуда, азм намуданд, ки илмҳои муосирро аз бар менамоянд, донишманду бомаърифат ба воя расида, ба арзишҳои миллӣ, Истиқлолияти давлатӣ арҷ мегузоранд ва ба халқу Ватани хеш хизмати содиқона менамоянд.

ДУШАНБЕ, 31.08.2023 /АМИТ «Ховар»/. 30 август дар шаҳри Берни Конфедератсияи Швейтсария Фестивал-намоиши хӯрокҳои миллӣ ва мусиқӣ баргузор гардид, ки дар он  имконияти сайёҳӣ ва ҳунарҳои мардумии Тоҷикистон низ муаррифӣ карда шуд. Дар ин хусус ба АМИТ «Ховар» дар Сафорати Ҷумҳурии Тоҷикистон дар Конфедератсияи Швейтсария хабар доданд.

Ба иттилои Сафорат, дар қатори дигар муассисаҳои дипломатии давлатҳо хӯрокҳои миллӣ, аксу ангора ва ҳунарҳои мардумии таҷассумгари таъриху фарҳанги Тоҷикистон ба  намоиш гузошта шуд.

Иштирокдорони Фестивал-намоиш ба гӯшаи Тоҷикистон таваҷҷуҳи хосса зоҳир намуда, аз ҷониби меҳмонон ба ҳунарҳои мардумӣ ва хӯрокҳои миллии тоҷикӣ баҳои баланд доданд.

Фестивали мазкур бо ташаббуси Котиботи давлатии Швейтсария оид ба масъалаҳои иқтисодӣ бо иштироки сафоратҳои кишварҳои хориҷии муқими Конфедератсияи Швейтсария баргузор гардид.

31 август Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Муассисаи таҳсилоти томактабии рақами 40-и ноҳияи Исмоили Сомонии пойтахтро ифтитоҳ намуданд.

Ба Пешвои миллат муҳтарам Эмомалӣ Раҳмон иттилоъ доданд, ки дар бинои Муассисаи таҳсилоти томактабии рақами 40 шароиту имконияти муосири ба таълиму тарбия фаро гирифтани 250 кўдак мавҷуд аст. Таълим дар 11 гуруҳ дар муассисаи томактабӣ бо забонҳои тоҷикӣ, русӣ ва англисӣ ба роҳ монда шудааст. Иншоот аз таҳхона ва 4 ошёна иборат буда, дар он 23 нафар бо ҷойи кори доимӣ таъмин гардиданд.Ба ғайр аз синфхонаҳои тарбиявӣ дар муассиса ошхона, толорҳои варзишию мусиқӣ, толор барои маҳфили кўдакон, ҳуҷраи тиббӣ, анбор барои нигоҳдории маҳсулоти хўрокворӣ ва дигар ҳуҷраҳои ёрирасон мавҷуд мебошанд. Ҳуҷраҳои алоҳидаи хобу истироҳати кўдакон бо таҷҳизоти муосир, аз қабили рахти хоб ва дигар ашёи фароғатӣ таъмин аст.

31 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Исмоили Сомонии пойтахт бинои хуштарҳу замонавии Муассисаи таҳсилоти миёнаи умумии рақами 53-ро мавриди баҳрабардорӣ қарор доданд.

Муассисаи таълимӣ аз 5 бинои бо ҳам пайвасти 4-ошёна иборат буда, мутобиқ ба меъёрҳои сатҳи ҷаҳонӣ дар масоҳати 0,76 гектар бунёд ёфтааст ва барои 2400 нафар хонанда дар ду баст пешбинӣ гардидааст.Мактаб аз 50 синфхонаи барҳаво, аз ҷумла кабинетҳои фаннии химия, физика, математика, биология, география, синфхонаҳои лингафонӣ, нақшакашӣ, таълими меҳнат барои писарон ва духтарон, синфхонаи компютерӣ, омодагии дифои ҳарбӣ, толори мусиқӣ ва хореографӣ, озмоишгоҳҳо, китобхона бо толори барҳавои хониш, китобхонаи электронӣ, ҳуҷраҳои корӣ барои омўзгорону кормандони муассиса, равоншинос, нуқтаи тиббӣ ва дигар иншооти ёрирасон иборат мебошад.

ДУШАНБЕ, 30.08.2023 /НИАТ «Ховар»/. В Худжанде завершился Чемпионат Таджикистана по футболу среди девушек до 13 лет (Лига U-13), который прошел при поддержке Федерации футбола Таджикистана и программы FIFA LEAGUE DEVELOPMENT. Об этом передает НИАТ «Ховар» со ссылкой на Федерацию футбола Таджикистана.

В Чемпионате Таджикистана по футболу среди девушек до 13 лет (Лига U-13) в Согдийской области принимали участие 8 команд. Игры проходили в формате «дома – выезд» в 1 круг.

В церемонии закрытия Чемпионата приняли участие  представители  Комитета по делам молодежи и спорта, Исполнительного органа государственной власти Согдийской области, Федерации футбола Согдийской области и женской футбольной лиги Таджикистана в Согдийской области.

Победители и призеры, а также лучшие игроки были награждены медалями, кубками и памятными статуэтками.

Зафаробод (Зафаробод)

Бунджикат (Шахристон)

Ашт (Ашт)