Раздел: Хабарҳо

Дар доираи нақша чорабиниҳои Сарраёсати маорифи шаҳри Душанбе ва шуъбаи маорифи ноҳияи Фирдавсӣ ин навбат дар Муассисаи таҳсилоти миёнаи умумии рақами 128-и ноҳияи Фирдавсӣ семинар машварати омӯзишии директорони Муассисаҳои таълимии ноҳия баргузор гардид. Ба иттилоъи масъулин баргузории чунин машваратҳо анъанавӣ гардида, ҳадафи асосии он беҳтар намудани таълиму тарбия ва ҷори намудани роҳу усулҳои нави таълим мебошад. Тавре мушоҳида намудем нахуст ширкатдорон дар дарсҳои омӯзгорони таълимгоҳи мазкур ширкат варзида, фаъолияту донишандӯзии хонандагон  ва тартиби дарсгузаронии омӯзгоронро баҳогузорӣ карданд.

ДУШАНБЕ, 22.02.2024 /АМИТ «Ховар»/. Дар Қасри ҷавонони ба номи Лоиқ Шералии шаҳри Хуҷанд таҳти унвони «Меваҳои истиқлол» намоиш-фурӯши корҳои эҷодии донишҷӯёни факултети санъати тасвирӣ ва дизайни Донишгоҳи давлатии Хуҷанд ба номи академик Бобоҷон Ғафуров баргузор гардид. Дар ин хусус АМИТ «Ховар» бо истинод ба Донишгоҳи давлатии Хуҷанд хабар медиҳад.

Идома

ДУШАНБЕ, 22.02.2024 /АМИТ «Ховар»/. Дар Тоҷикистон оид ба ҳифзи бабри барфӣ тадбирҳои муассир андешида шуда, бо қарори  Ҳукумати Ҷумҳурии Тоҷикистон «Барномаи давлатӣ  оид ба ҳифзи бабри барфӣ дар Ҷумҳурии Тоҷикистон барои солҳои 2024-2028» қабул гардид. Барнома  дар се марҳила -солҳои 2024-2026, соли 2027 ва соли 2028 амалӣ гардида, имконият фароҳам меорад, ки барои  ҳифзу нигаҳдории бабри барфӣ- ин ҳайвони нодир ва зери таҳдиди маҳвшавӣ қарордошта тадбирҳои амалӣ андешида шаванд.

Идома

ДУШАНБЕ, 23.02.2024 /АМИТ «Ховар»/. Имрӯз дар марҳилаи  худшиносии миллӣ ва ҳимояи ҳувияти давлатӣ барои Тоҷикистони соҳибистиқлоли мо ва халқи некманиши он мафҳумҳои Ватан ва ватандӯстӣ, ҳувияти миллӣ ва ифтихори миллӣ арзишу қимати бештар пайдо намудаанд. Зеро дар ҷаҳони пурихтилофу ноамни  имрӯза барои амнияти мамлакати азизамон ва ҳимояи марзу буми муқаддаси он муҳаббат ба Ватан ва арзишҳои миллии он, ифтихори миллӣ ва нангу номуси ватанпарастӣ беш аз ҳар вақти дигар кафолати ягонагиву ватандӯстии мо мебошанд.

Идома

ДУШАНБЕ, 15.02.2024 /АМИТ «Ховар»/. Хонандагони Литсейи хусусии «Нур» дар ноҳияи Шахринав дар Озмуни умумирусиявии илмӣ-таҳқиқотӣ дар шаҳри Москваи Федератсияи Русия иштирок намуда, сазовори 2 медали тилло ва 3 медали биринҷӣ шуданд.

Идома

ДУШАНБЕ, 15.02.2024. /АМИТ «Ховар»/. Даври якуми Озмуни ҷумҳуриявии  «Фурӯғи субҳи доноӣ китоб аст» дар соли 2024 моҳи март ва даври дуюми он  моҳи май баргузор мегардад, иттилоъ дода шуд дар ҷаласаи якуми ҳайати Комиссияи Озмуни ҷумҳуриявии «Фурӯғи субҳи доноӣ китоб аст» дар соли 2024, ки таҳти раёсати Раиси комиссияи озмун, муовини Сарвазири Ҷумҳурии Тоҷикистон Дилрабо Мансурӣ баргузор гардид. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Идома

ДУШАНБЕ, 13.02.2024. /АМИТ «Ховар»/. Имрӯз бо ташаббуси  шуъбаи адабиёти кӯдакон ва наврасони Китобхонаи миллии Тоҷикистон бахшида ба Ҳафтаи забон ва адабиёти рус дар ҳошияи Рӯзи ҳадяи китоб барномаи фарҳангӣ баргузор шуд.

Идома

ДУШАНБЕ, 14.02.2024. /АМИТ «Ховар»/. Аз 15 феврал то 6 март дар шаҳри Душанбе барои дарёфти «Ҷоми Раиси шаҳри Душанбе» Мусобиқаи кушоди варзишӣ оид ба волейболи касбӣ ва ғайрикасбӣ байни занону духтарони вазорату идораҳо ва ташкилоту муассисаҳо доир мегардад. Дар ин хусус қарори Раиси шаҳри Душанбе муҳтарам Рустами Эмомалӣ ба тасвиб расид. Дар ин хусус АМИТ «Ховар» бо истинод ба шуъбаи иттилооти дастгоҳи Раиси шаҳри Душанбе хабар медиҳад.

Идома

ДУШАНБЕ, 12.02.2024. /АМИТ «Ховар»/. Охири моҳи апрели соли равон дар Тоҷикистон Фестивали гулҳо таҳти унвони «Сайри гули лола» ҷамъбаст мегардад. Ғолибони фестивали мазкур бо Шоҳҷоиза (Гран-при), дипломҳои дараҷаи 1, 2, 3 ва шахсони ташаббускор, роҳбарони корхона, муассиса ва дигар ташкилот, ки дар он фаъолона иштирок менамоянд, бо «Ифтихорнома» ва «Сипоснома»-и Кумитаи рушди маҳали назди Президенти Ҷумҳурии Тоҷикистон қадрдонӣ мешаванд. Дар ин хусус АМИТ «Ховар» бо истинод ба Кумитаи рушди маҳал хабар медиҳад.

Идома

ДУШАНБЕ, 13.02.2024. /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон намоиши асарҳои эҷодии Арбоби ҳунари Тоҷикистон Анваршо Сайфудинов таҳти унвони «Нигоҳи пурасроре ба гетӣ» баргузор гардид. Дар ин хусус ба АМИТ «Ховар» дар Донишкадаи давлатии санъати тасвирӣ ва дизайни Тоҷикистон хабар доданд.

Идома