Раздел: Хабарҳо

ДУШАНБЕ, 17.04.2024. /АМИТ «Ховар»/. Маротибаи аввал байни тарбиятгирандагони муассисаҳои таҳсилоти томактабии шаҳри Душанбе озмуни шаҳрии «Ҷаҳондонӣ аз забондонист» гузаронида мешавад. Озмун дар айни замон ҷараён дошта, ба амалигардонии «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025» ва «Барномаи давлатии такмили таълим ва омўзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» бахшида шудааст. Дар ин хусус ба АМИТ «Ховар» сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.

Идома

ДУШАНБЕ, 18.04.2024. /АМИТ «Ховар»/. Барои омодагии ҳамаҷониба бобати ташкил ва баргузории озмунҳои сатҳи ҷумҳуриявӣ, аз ҷумла Озмуни ҷумҳуриявии «Илм-фурӯғи маърифат» дар шаҳри Душанбе машварати омӯзишӣ доир гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Идома

ДУШАНБЕ, 18.04.2024 /АМИТ «Ховар»/. Президенти Ҷумҳурии Узбекистон Шавкат Мирзиёев имрӯз дар доираи сафари давлатӣ ба Ҷумҳурии Тоҷикистон ба майдони «Дӯстӣ»-и шаҳри Душанбе ташриф оварда, дар пояи муҷассамаи асосгузори давлатии тоҷикон Исмоили Сомонӣ гулчанбар гузошт, хабар медиҳад мухбири АМИТ «Ховар».

Идома

Суратгузориши АМИТ «Ховар» аз истиқболи Президенти Ҷумҳурии Узбекистон муҳтарам Шавкат Мирзиёев аз ҷониби Президенти Ҷумҳурии Тоҷикистон муҳтарам Эмомалӣ Раҳмон дар Фурудгоҳи байналмилалии Душанбе, 18.04.2024

Фоторепортаж со встречи Президента Республики Узбекистан уважаемого Шавката Мирзиёева Президентом Республики Таджикистан уважаемым Эмомали Рахмоном в Международном аэропорту Душанбе, 18.04.2024

ДУШАНБЕ, 11.04.2024 /АМИТ «Ховар»/. Шанбеи сеюми моҳи апрел ҳамасола дар мамлакат Рӯзи пойтахти Ҷумҳурии Тоҷикистон - шаҳри Душанбе таҷлил мегардад.

Мавриди ёдоварӣ аст, ки дар солҳои соҳибистиқлолӣ бо дастуру ҳидоятҳои Президенти мамлакат муҳтарам Эмомалӣ Раҳмон ва талошҳои Раиси шаҳри Душанбе муҳтарам Рустами Эмомалӣ кӯчаю хиёбонҳои пойтахт навсозӣ гардида, бо нақшу нигори миллӣ оро дода мешаванд.

Имрӯзҳо кӯчаю хиёбон ва гулгаштҳои пойтахт ба макони писандидаи сокинон ва меҳмони шаҳр табдил ёфтаанд. Хиёбони Раҳмон Набиеви ноҳияи Синои пойтахт аз ҷумлаи онҳост, ки чанд сол пеш навсозӣ шудааст.

ДУШАНБЕ, 11.04.2024 /АМИТ «Ховар»/.  Дар доираи Фестивали гулҳо таҳти унвони «Сайри гули лола» гулпарварони Ҷамъияти саҳомии кушодаи «Фурудгоҳи байналмилалии Хуҷанд» низ бо шинонидани гулу буттаҳо ва дарахтони ҳамешасабзу ороишӣ ин фестивалро гузаронида, барои пешвозгирии меҳмонону сайёҳон саҳни онро ба гулгашт табдил додаанд. Дар ин хусус АМИТ «Ховар» бо истинод ба  ин фурудгоҳ хабар медиҳад.

Бояд гуфт, ки фестивали «Сайри гули лола» бо мақсади таъмини иҷрои Амри Президенти Ҷумҳурии Тоҷикистон аз 12 декабри соли 2023 ва густариши корҳои ободониву сабзазоркунӣ дар шаҳраку деҳот, шаҳру ноҳияҳо ва  вилоят баргузор мегардад.

ДУШАНБЕ, 06.04.2024. /АМИТ «Ховар»/. Дар вилояти Хатлон 5 миллиону 243 ҳазор бех гулу гулбуттаҳо, аз ҷумла 647 ҳазору 487 дона гули лола, 888 ҳазору 475 бех гули садбарг ва 3 миллиону 707 ҳазор бех гулҳои мавсимӣ шинонида шудааст. Дар ин хусус зимни баргузории Фестивали гулҳо таҳти унвони «Сайри гули лола» дар шаҳри Бохтар иттилоъ дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Хатлон.

Идома

БОХТАР, 03.04.2024 /АМИТ «Ховар»/. 2 апрел дар китобхонаи ба номи Шамсиддини Шоҳини шаҳри Бохтар фестивали «Ҳафтаи китоб барои кӯдакон ва наврасон» оғоз гардид, иттилоъ медиҳад хабарнигори минтақавии АМИТ «Ховар».

Идома

ДУШАНБЕ, 01.04.2024 /АМИТ «Ховар»/. Агентии миллии иттилоотии Тоҷикистон «Ховар», Кумитаи телевизион ва радио, Хадамоти алоқа, вазоратҳои фарҳанг, маориф ва илм, кумитаҳои кор бо ҷавонон ва варзиш, рушди сайёҳӣ, идораи нашрияҳои «Ҷумҳурият», «Народная газета», «Садои мардум», «Минбари халқ» ва маҷаллаи «Бонувони Тоҷикистон» бо мақсади иҷрои банди 27-и ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон дар соли 2024 барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмуни «Вассофи Ватан»-ро эълон менамоянд.

Идома

ДУШАНБЕ, 01.04.2024. /АМИТ «Ховар»/. Дар рӯзи якуми даъвати баҳорӣ 200 ҷавони шаҳри Турсунзода ихтиёран ба сафи Қувваҳои Мусаллаҳи Ҷумҳурии Тоҷикистон рафтанд. Дар ин хусус ба АМИТ «Ховар» дар Мақомоти иҷроияи ҳокимияти далватии шаҳри Турсунзода хабар доданд.

Идома