Дар Муассисаи томактабии рақами 124-уми ноҳияи Фирдавсии шаҳри Душанбе низ баҳри бе мушкилӣ сипарӣ намудани давраи тирамоҳу зимистони солҳои 2022-2023 тадбирҳои мушаххас андешида шудааст. Бино ба иттилоъи масъулин Кӯдакистони мазкур аз 12 гуруҳ иборат буда, ҳамаи онҳо дорои шароити мусоид мебошанд. Роҳбарияти Муассисаи мазкур барои бо гармӣ таъмин намудани гуруҳҳо аз таҷҳизоти гармитаъминкунандаи Боллер истифода карда, дар баробари ин ба миқдори муайян захираҳои иловагӣ доранд. Ҳолати кории таҷҳизотҳои гармидиҳанда пайваста назорат карда мешавад.
Раздел: Хабарҳо
Иштироки муваффақонаи хонандагон дар олимпиадаи байналмилалӣ.
Дар Олимпиадаи байналмилалии «Дониш дар Анталия» 20 нафар хонандагони шаҳри Душанбе сазовори ҷойи якум гардида, 28 нафар сазовори зинаи дуюм ва 47 нафар мақоми сеюмро соҳиб шуданд. Олимпиадаи мазкур дар шаҳри Анталияи Туркия доир гардид. Олимпиадаи мазкур миёни синфҳои 2-11 аз фанҳои математика, забони русӣ, забони англисӣ, география, физика, химия, биология, таърихи ҷаҳон, муҳити атроф, сайёҳӣ ва шоҳмот баргузор гардид.Дар олимпиадаи мазкур 1200 нафар иштирокчӣ аз давлатҳои Тоҷикистон, Қазоқистон, Узбекистон, Қирғизистон ва ғайра табодули маҳорат намуданд.
Стратегияи рушди маориф.
Дар ин чорабинӣ лоиҳаи «Интегратсияи таълими салоҳиятнокӣ ва омӯзиши омехта дар барномаҳои таълимии омӯзгорон» муаррифӣ гардид. Ба муносибати муаррифии лоиҳаи мазкур намояндагони Вазорати маориф ва илми Ҷумҳурии Тоҷикистон, омўзгорони Муассисаҳои таҳсилоти олии касбӣ, мутахассисон ва коршиносони соҳаи маориф иштирок намуданд. «Қабули «Стратегияи миллии рушди маорифи Ҷумҳурии Тоҷикистон барои давраи то соли 2030» барои таҳкими ислоҳоти низоми маориф, пайгирӣ аз ҳадафҳои наҷиби давлатдории миллӣ замина гузошта, дар кӯтоҳтарин фурсат илм ва маориф дар Тоҷикистон бо низомҳои пешқадами таҳсилоти ҷаҳонӣ ҳамқадам гардонида хоҳад шуд.
Оғози даври ноҳиявии олимпиада.
Дар таълимгоҳи рақами 72-юми ноҳияи Фирдавсии шаҳри Душанбе даври ноҳиявии олимпиадаи фаннӣ шурӯъ гардид. Ин тадбири ақлонию зеҳнӣ бо ибтикори Маркази рушди истеъдодҳои назди шуъбаи маорифи ноҳияи мазкур роҳандозӣ шуда,иштирокдорон аз рӯи 13 фанни таълимӣ савияи дониши худро месанҷанд. Дар ин тадбир 4 ҳазору 166 нафар довталаб ширкат намуда,аз фанҳои интихоб намудаашон сабқати дониш менамоянд. Соли равон дар ин олимпиада хонандагон аз синфи 5 то 11-ум иштирок менамоянд. Даври ноҳиявии олимпиада то санаи 6-уми моҳи равон идома меёбад.
Иштироки варзишгарони наврас дар мусобиқаи Осиёи марказӣ.
Дар Қасри варзишии шаҳри Хуҷанд мусобиқаи Осиёи марказӣ оид ба ушу доир гардид. Дар сабқати мазкур аз шаҳри Душанбе варзишгарон зери роҳбарии мураббии ҷавон Мавлон Сафаров иштирок карда, натиҷаҳои назаррас нишон доданд. Аз ҷумла, Элянора Файзова, Салмон Бадалов, Дилшод Раҳимзода ва Самиаллоҳ Саидов соҳиби мақоми аввал гардиданд.
Оғози Фестивали III дӯстии ҷавонону варзишгарони шаҳри Душанбе.
Дар Қасри теннис ва маҷмааи варзиши обии пойтахт, таҳти унвони «Зебоӣ, доноӣ ва тавоноӣ аз варзиш аст» Фестивали III дӯстии ҷавонону варзишгарони шаҳри Душанбе ифтитоҳ ёфт. Фестивал аз рӯи 7 намуди варзиш: гӯштини миллӣ, шоҳмот, тенниси рӯи миз, варзиши сабук, футбол, баскетбол, волейбол баргузор шуда, то 13 ноябр идома меёбад. Маросими ҷамъбасти он 14 ноябри соли 2022 дар назар дошта шудааст. Фестивали мазкур бо қарори Раиси шаҳри Душанбе муҳтарам Рустами Эмомалӣ ба 30 – солагии Иҷлосияи 16-уми Шӯрои Олии Ҷумҳурии Тоҷикистон бахшида мешавад.
Хабар
Хабар
Хабар
Омӯзиши забонҳои хориҷӣ дар Гимназияи ба номи Асадулло Ғуломов.
Омӯзиши забонҳои хориҷӣ талаботи давру замон аст. Ва ҷоннокнамоии ин масъала дар Муассисаҳои таълимии кишвар сол ба сол тақвият меёбад. Зеро тақвият ёфтани забономӯзӣ ба инкишофи зеҳнӣ, ҷаҳонбинӣ, сайқал ёфтани заковати хонанда мусоидат мекунад. Дар Гимназияи ба номи Асадулло Ғуломови ноҳияи Исмоили Сомонии шаҳри Душанбе ба ин масъала чораю тадбирҳои мушаххас андешида, таълими забонҳои англисӣ ва русиро ба омӯзгорони соҳибтахассус вобаста намуданд,ки ин ҷиҳат ба пешрафти таълиму тарбия мусоидат намуд. Дар Гимназияи ба номи Асадулло Ғуломов айни замон 2800 нафар хонанда ба таълиму тарбия фаро гирифта шудааст. 90 нафар омӯзгорони сохибтахассус бо истифода аз 30 адад тахтаи электронӣ ва 2 синфхонаи компютерӣ, муҷаҳҳаз бо 131 компютер ба хонандагон дарс мегӯянд.