ДУШАНБЕ, 20.11.2023 /АМИТ «Ховар»/. Дастаи мунтахаби наврасони Тоҷикистон (U-15) оид ба футбол аввалин бозии дӯстонаи ба нақша гирифтаро бо дастаи Русия анҷом дод. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Бозӣ дар Варзишгоҳи марказии Душанбе баргузор шуда, бо пирӯзии дастаи наврасони Русия – 3:0 анҷом ёфт.

21 ноябр дастаҳои мунтахаби наврасони то 15-солаи Тоҷикистон ва Русия дар Душанбе бозии дуюми санҷишиашонро анҷом медиҳанд. Ин бозӣ дар Варзишгоҳи марказии Душанбе баргузор шуда, соати 11:00 оғоз мегардад.

ДУШАНБЕ, 20.11.2023 /АМИТ «Ховар»/. Бо дастгирии Мақомоти иҷроияи ҳокимияти давлатӣ ва саҳми соҳибкорону сокинони маҳаллӣ аз оғози соли равон 11 км роҳҳои байнидеҳавии деҳоти “Работ”-и шаҳри Турсунзода  бетонпӯш ва 3 км асфалтпӯш гардиданд. Дар амалӣ намудани корҳои ободонӣ саҳми соҳибкорони маҳаллӣ ва ҷавонони фаъоли деҳот назаррас мебошад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.

 Дар ҷараёни боздид роҳбарияти шаҳр бо корҳои бетонпӯшкунӣ дар деҳаҳои Қипчоқ ва Ширкент шинос шуд.

Барои анҷоми корҳои бетонпӯшкунӣ ба сокинони деҳаи Хайробод, ки зиёда аз 1,5 км роҳи байнидеҳавиро пурра аз таъмир бароварданд, изҳори сипоси роҳбарияти Мақомоти иҷроияи ҳокимияти давлатии шаҳри Турсунзодаро расонида шуда, ба фаъолону саҳмгузорони деҳа Сипосномаи раиси шаҳр тақдим гардид.

ДУШАНБЕ, 19.11.2023 /АМИТ «Ховар»/. Инак, озмуни панҷуми ҷумҳуриявии «Фурӯғи субҳи доноӣ китоб аст», ки монанди ҳама ташаббусҳои неки дигар дар мамлакатамон бо ибтикор ва дастгирии Президенти Ҷумҳурии Тоҷикистон муҳтарам Эмомалӣ Раҳмон рӯи кор омадааст, ҷамъбаст гардид. Мо шоҳиди онем, ки давоми панҷ сол ин озмун ҳар сол бошукуҳтару ҷолибтару мутантан аз соли пешин мегузарад ва ин далели мавриди таваҷҷуҳи баланди ҳам иштирокчиён ва ҳам ташкилкунандагон, хусусан таваҷҷуҳ ва ғамхории хоссаи Ҳукумати мамлакат қарор гирифтани он мебошад. Чунин нигоштааст Шоири халқии Тоҷикистон, ходими адабии АМИТ «Ховар» Камол Насрулло дар ҳошияи Озмуни ҷумҳуриявии «Фурӯғи субҳи доноӣ китоб аст».

Идома

ДУШАНБЕ, 19.11.2023. /АМИТ «Ховар»/. Тавре қаблан иттилоъ додем, моҳи декабри соли равон дар Тоҷикистон 115-солагии Қаҳрамони Тоҷикистон, Арбоби сиёсию давлатӣ, муаррихи барҷаста, шарқшиноси машҳури тоҷик, доктори илми таърих, профессор, Ходими хизматнишондодаи илми Ҷумҳурии Тоҷикистон академик Бобоҷон Ғафуров ҷашн гирифта мешавад. Ба ин муносибат 14 ноябри соли равон дар ноҳияи Бобоҷон Ғафуров Президенти Ҷумҳурии Тоҷикистон муҳтарам Эмомалӣ Раҳмон аз рӯйи муҷассамаи академик Бобоҷон Ғафуров, ки дар саҳни Осорхонаи ҷумҳуриявии академик Бобоҷон Ғафуров қомат афрохтааст, парда бардоштанд.

Идома

ДУШАНБЕ, 19.11.2023 /АМИТ «Ховар»/. Иқдоми таърихии Ҷумҳурии Тоҷикистон, ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон давоми зиёда аз ду даҳсола дар сатҳи ҷаҳонӣ вобаста ба об ва иқлим пешниҳод, қабул ва амалӣ гардида, ба мавҷудияту рушди ояндаи ҷомеаи инсонӣ робита дорад, саривақтӣ аст. Зеро таърихи мавҷудияти зиёда аз шашҳазорсолаи табори ориёинажод, хосатан миллати тоҷик гувоҳ бар он аст, ки фитрати сириштии он ба созандагӣ моил буда, дар ин росто, зимни ҳалли ин ё он масъалаи миллӣ манфиат ва амнияти кулли инсоният дар мадди назар гирифта мешуд. Чунин баёни андеша намудааст Раиси Вилояти Мухтори Кӯҳистони Бадахшон Алишер Мирзонабот оид ба саҳми Президенти Ҷумҳурии Тоҷикистон муҳтарам Эмомалӣ Раҳмон  дар ҳалли масъалаҳои глобалии вобаста ба об ва иқлим.

Идома

ДУШАНБЕ, 17.11.2023 /АМИТ «Ховар»/. Хадамоти алоқаи назди Ҳукумати Ҷумҳурии Тоҷикистон ба ду ширкати ватании бахши хусусӣ иҷозатномаи ворид намудани каналҳои байналмилалии баландсуръати дастрасӣ ба шабакаи глобалии Интернетро дод. Дар ин хусус АМИТ «Ховар» бо истинод ба Хадамоти алоқа хабар медиҳад.

Ин тадбир дар Тоҷикистон бо мақсади баланд бардоштани суръати Интернет ва паст намудани арзиши он андешида мешавад. Ин иқдом  муҳиму зарурӣ буда, барои кам намудани арзиш ва баланд бардоштани сатҳу сифати хизматрасонии дастрасӣ ба Интернет шароити мусоид фароҳам меорад.

Он ҳамчунин ба ташкили фазои рақобати солим дар соҳаи алоқаи барқӣ ва ҷалби сармояи хусусӣ ба бахши телекоммуникатсияи мамлакат мусоидати фаъол менамояд.

Ёдовар мешавем, ки ин тадбир баҳри иҷрои супориши Президенти Ҷумҳурии Тоҷикистон муҳтарам Эмомалӣ Раҳмон аз 23 декабри соли 2022 ҷиҳати беҳтар намудани сифати хизматрасонӣ, паст намудани арзиши хизматрасонии алоқаи мобилию интернет ва дастрас гардонидани интернети баландсуръат дар тамоми минтақаҳои мамлакат ба роҳ монда шудааст.

ДУШАНБЕ, 17.11.2023. /АМИТ «Ховар»/. Охири моҳи ноябр дар шаҳри Душанбе даври чоруми Озмуни ҷумҳуриявии ««Тоҷикон»-оинаи таърихи миллат» баргузор мегардад. Даври чоруми озмун тариқи барномаи махсуси компютерӣ, ки аз ҷониби Пажуҳишгоҳи рушди маориф ба номи Абдураҳмони Ҷомии Академияи таҳсилоти Тоҷикистон таҳия гардидааст, гузаронида мешавад. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Идома

ДУШАНБЕ, 17.11.2023 /АМИТ «Ховар»/. 17 ноябр дар ҳошияи ҷаласаи 56-уми пленарии Ассамблеяи Байнипарламентии давлатҳои иштирокчии Иттиҳоди Давлатҳои Мустақил дар шаҳри Бишкек Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд. Дар ин хусус АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон хабар медиҳад.

Дар оғоз ҷонибҳо аз тавсеаи муколамаи байни роҳбарони палатаҳои болоии парламентҳои ду давлат, ки хусусияти мунтазам касб намудааст, изҳори қаноатмандӣ намуданд.

Таъкид гардид, ки соли равон раванди густариши муносибатҳои дуҷониба идома дода шуд.

Зимни сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон, ки моҳи май амалӣ гардид, дар байни ду давлат Эъломияи ҳамкории ҳампаймонӣ ба имзо расид, ки аз сатҳу муҳтавои баланди ҳамкории дуҷониба гувоҳӣ медиҳад.

Дар идомаи суҳбат ҷонибҳо оид ба вазъ ва дурнамои таҳкими ҳамкории ду давлат дар бахшҳои гуногун, аз ҷумла тақвияти минбаъдаи робитаҳои байнипарламентӣ ибрози назар намуданд.

ДУШАНБЕ, 17.11.2023 /АМИТ «Ховар»/. 17 ноябр дар доираи сафари корӣ ва дар ҳошияи ҷаласаи пленарии 56-уми Ассамблеяи Байнипарламентии давлатҳои иштирокчии Иттиҳоди Давлатҳои Мустақил дар шаҳри Бишкек Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар Конфронси байналмилалӣ бахшида ба 95-солагии нависандаи халқии Қирғизистон Чингиз Айтматов иштирок ва суханронӣ намуданд. Дар ин хусус АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон хабар медиҳад.

Идома

ДУШАНБЕ, 17.11.2023 /АМИТ «Ховар»/. Дар Театри мусиқӣ- мазҳакавии ба номи Камоли Хуҷандӣ бахшида ба 115-солагии Қаҳрамони Тоҷикистон, академик Бобоҷон Ғафуров таҳти унвони «Масъалаҳои мубрами таърих ва фарҳанги Осиёи Марказӣ» бо иштироки доираи васеи олимони ватаниву хориҷӣ конференсияи байналмилалӣ баргузор гардид. Дар ин хусус ба АМИТ «Ховар» дар Донишгоҳи давлатии Хуҷанд хабар доданд.

идома