Дар толори таълимгоҳи рақами 65-уми ноҳияи Шоҳмансури шаҳри Душанбе, бо иштироки сардори Сарраёсати маорифи пойтахт, муовини раиси ноҳияи мазкур, мудири шӯъбаи маорифи ноҳия ва кормандони соҳаи маориф конфронси августии аҳли маорифи ноҳияи номбаршуда, баргузор гардид. Дар намоиши мазкур мудири шӯъбаи маорифи ноҳияи Шоҳмансур Ҷамила Мӯсоҷонзода доир ба «Баланд бардоштани сатҳу сифати таълим, ва ҳамзамон аз баъзе норасогиҳои соҳа, ки таи соли сипаришуда, мушоҳида гардид, суханронӣ намуд. Ҳамзамон дар як вақт бо иқдоми масъулини Сарраёсати маорифи шаҳри Душанбе ва шӯъбаи маорифи ноҳияи номбаршуда, як зумра собиқадорони соҳа,аз ҷумла бархе аз директорону омӯзгорон ва мудирони Муассисаҳои томактабӣ ва мураббияҳо, инчунин дигар кормандон, ки шогирдонашон дар озмуну олимпиадаҳо ширкат варзида, комёбӣ ба даст овардаанд, бо нишони «Аълочии маорифи ҶТ» ва ифтихорномаю туҳфаҳо қадрдонӣ шуданд.
Раздел: Хабарҳо
Ҷамъбасти Олимпиадаи даставии «Ҷоми пойтахт».
Бо иштироки муовини Раиси шаҳри Душанбе Одилзода Дилбар сардори Сарраёсати маорифи шаҳри Душанбе ва намояндагони Муассисаи давлатии «Маркази ҷумҳуриявии дарёфт ва рушди истеъдодҳо» Маросими ҷамъбасти истироҳати тобистонаи хонандагони болаёқат ва Олимпиадаи даставии Ҷоми Пойтахт дар ш. Душанбе баргузор гардид. Ёдовар мешавем ки аз санаи 15 то 21 августи соли 2022 дар истироҳатгоҳи беруназшаҳрии «Зимчуруд» истироҳати хонандагони болаёқат ва Олимпиадаи даставии «Ҷоми пойтахт» ташкил карда шуд, ки дар он зиёда аз 200 нафар хонандагон аз муассисаҳои таълимии вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ ширкат варзиданд.
Сохтмони бинои иловагӣ дар назди МТМУ №48.
Бинои нави иловагии Муассисаи таҳсилоти миёнаи умумии рақами 48-уми ноҳияи Шоҳмансури шаҳри Душанбе дар арафаи анҷомёбӣ қарор дорад. Сохтмони бинои мазкур аз моҳи июли соли 2021 оғоз ёфтааст. Бинои иловагии таълимгоҳ аз 4 ошёна ва таҳхона иборат буда, он барои 640 хонанда дар як баст пешбинй шудааст. Муассисаи таълимӣ аз 31 синфхона, кабинетҳои фаннии химия, биология, физика 5-адад кабинет барои фанни техналогияи меҳнат барои писарон ва духтарон, синфхонаҳои лингафонй ва техналогияи иттилоотй, китобхона бо толори хониш ва электронй, толори фарҳангй дорои 384 ҷойи нишаст, толори варзишӣ барои 194 нафар, ошхона дорои 216 ҷойи нишаст иборат мебошад.
Сохтмони МТМУ №42 дар ш. Кӯлоб.
Корҳои сохтмонӣ дар бинои иловагии Муассисаи таҳсилоти миёнаи умумии рақами 42-уми шаҳри Кӯлоб дар сатҳи хуб ҷараён дошта, иншооти мазкур барои 240 хонанда пешбинӣ шудааст. Тибқи лоиҳа иншооти мазкур аз ду ошёна ва аз 10 синфхонаи таълимӣ иборат мебошад. Хотиррасон менамоем, ки дар шаҳри Кӯлоби вилояти Хатлон 50 Муассисаи таълимӣ фаъолият дошта, хонандагон аз паи таҳсил ҳастанд. Дар замони соҳибистиқлолӣ бошад дар шаҳру деҳоти минтақаи Кӯлоб 32 бинои нав ва 203 синфхонаи иловагӣ дар назди мактабҳо барои зиёда аз 12480 ҷойи нишаст сохта ба истифода супорида шудааст.
Сохтмони Муассисаи томактабии №30.
Бо дастгирии Мақомоти иҷроияи ҳокимияти давлатии шаҳри Душанбе Муассисаи томактабии №30- юми ноҳияи Шоҳмансури пойтахт бо тарҳи наву замонавӣ пурра аз навсозӣ карда шуда истодааст. Ба иттилои масъулин Кӯдакистони номбурда аз бинои 3 ошёна ва таҳхона иборат буда, барои 204 нафар кӯдак пешбинӣ шудааст. Хотиррасон менамоем, ки кӯдакистон аз кабинетҳои таълимӣ, толори фарҳангӣ, расмкашӣ, толори варзишӣ, ҷойи хоб, ошхона ва дигар кабинетҳои корӣ иборат мебошад.
Таъмини муассисаҳои таҳсилоти умуми бо китобҳои дарсӣ.
Ҳамасола аз ҷониби нашрияи Вазорати маориф ва илми кишвар китобҳои дарсӣ ба чоп расида, пешкаши таълимгирандагон гардонида мешавад. Бино ба иттилои манбаъ тибқи нақшаи дурнамои чопи китобҳои дарсӣ барои Муассисаҳои таҳсилоти умумии ҶТ дар соли 2022 чопи 30 номгӯӣ китоби дарсӣ ба теъдоди 2млн, 330 ҳазор нусха чоп гардида, пешниҳоди Муассисаҳои таълимии кишвар гардонида шуда истодааст. Китобҳои дарсие, ки имрӯзҳо нашр шуда истодаанд, аз мазмуну муҳтаво, сифат ва риояи қоидаҳои имлои забони тоҷикӣ аз китобҳои солҳои пешин ба куллӣ фарқ доранд.
Машварати августии омӯзгорон.
Дар Муассисаи таҳсилоти миёнаи умумии рақами 55-уми ноҳияи Шоҳмансури шаҳри Душанбе бо иштироки омӯзгорони фанҳои гуманитарӣ - ҷамъиятӣ ва намояндагони Сарраёсати маорифи шаҳри Душанбе, инчунин кормандони маорифи ноҳияи Шоҳмансур тадбири омӯзишӣ - дастурдиҳӣ гузаронида шуд. Дар ин ҷамъомад бархе аз муовинони директорон оид ба тарбия дар мавзуи «Сабаб ва омилхои пастравии маънавиёти хонандагон» маърӯза намуда, роҳҳои пешгирии онро бо мисолу андешахои ҷолиб баён доштанд.
Оғози даври дуюми озмуни ҷумҳуриявии «Тоҷикистон-Ватани азизи ман» дар ш. Душанбе.
Дар Донишкадаи давлатии фарҳанг ва санъати Тоҷикистон ба номи М. Турсунзода даври 2-юми озмуни ҷумҳуриявии «Тоҷикистон-Ватани азизи ман» оғоз гардид. Тибқи маълумот соли равон дар даври якуми озмун 3374 нафар довталабон иштирок намуданд, ки аз ин шумора 1323 нафар ба даври дуюм роҳхат гирифтанд. Аз теъдоди роҳхатгирифтагон тибқи раддабандии синнусолӣ, ки дар низомномаи озмун пешбинӣ шудааст, 742 нафарро аз 12 то 17-сола ва 581 нафарро аз 18 то 30-сола ташкил медиҳанд.
Таъминот бо китобҳои дарсӣ.
Дар соли равон маъмурият ва мудири китобхонаи таълимгоҳи №62 ш. Душанбе зиёда аз 900 адад китобҳои тозанашрро ба ин макон ворид намуда, тақсимоти онро ба хонандагон оғоз намудаанд. Айни ҳол, дар таълимгоҳ 1467 хонанда ба таҳсил фаро гирифта шуда,аз ин шумора 164 нафарашро талабагони синфи 1-ум ташкил медиҳад. Таъминоти китоб ба хонандагон то санаи 1-уми сентябри соли равон идома меёбад.
Омодагӣ ба соли нави хониши 2022-2023.
То оғози соли нави хониш рӯзҳои ба шумор боқӣ мондааст. Айни замон дар аксари Муассисаҳо корҳои таъмири ҷорӣ пурра ба анҷом расидааст. Аз ҷумла, Муассисаи таҳсилоти миёнаи умумии №55 ноҳияи Шоҳмансури ш. Душанбе барои соли нави таҳсили 2022-2023 ҳамаҷониба омодааст. Тамоми синфхонаву кабинетҳои муассисаи мазкур аз таъмир бароварда шуда, бо асбобҳои зарурии хониш таҷҳизонида шудааст. Ёдовар мешавем, ки дар Муассиса 63 синфхона барои 3020 хонанда ва ду озмоишгоҳ барои фанҳои физика ва химия мавҷуд мебошад.
