Семинар-машварати равоншиносони Кӯдакистонҳои ноҳияи Исмоили Сомонӣ дар асоси нақшачорабиниҳои Раёсати маорифи шаҳри Душанбе ва шуъбаи маорифи ноҳияи мазкур, дар як моҳ ду маротиба баргузор карда мешавад. Чорабинии навбатӣ дар Муассисаи томактабии рақами 3-и ноҳияи Исмоили Сомонӣ бо иштироки равоншиносони Кӯдакистонҳои ҳудуди ноҳия сурат гирифт. Дар доираи семинар нахуст машғулияти омӯзишӣ бо иштироки тарбиятгирандагон дар мавзуъи «Об манбаи ҳаёт» баргузор гардида, дар ҷараёни он кӯдакон фаъолона иштирок намуданд.
Раздел: Хабарҳо
Баланд бардоштани сатҳи сифати таълим.
Бо иқдоми Сарраёсати маорифи ш. Душанбе дар Муассисаҳои таълимӣ ва томактабии 4 ноҳияи пойтахт дар байни масъулин ва кормандони соҳа машваратҳои омўзишӣ ба роҳ монда шуд. Чунин семинар-машварати омўзишию дастурдиҳӣ дар таълимгоҳи № 58 ноҳияи Фирдавсии ш. Душанбе бо иштироки директорони Муассисаҳои таълимии ҳудуди ноҳия ва намояндагони шуъбаи маориф баргузор гардид. Зимни машварат чанде аз соатҳои дарсии омўзгорони МТМУ №58 пойтахт мавриди санҷишу баррасӣ қарор гирифта шуд.
Артиши миллӣ-кафили сулҳу суботи комили ҷомеа.
Дар Китобхонаи миллии Тоҷикистон бо ташаббуси шуъбаи хизматрасонӣ ба шахсони имконияташон маҳдуд, бахшида ба 30 солагии таъсисёбии Артиши миллӣ, чорабинии идона баргузор гардид. Дар чорабинии мазкур кормандони Китобхона, собиқадорони ҷангу меҳнат, шахсони имконияташон маҳдуд ва ҳамчунин дӯстдорони каломи бадеъ ширкат доштанд. Нахуст масъулини китобхонаи мазкур суханронӣ намуда, аҳли нишастро бо рӯзи таъсисёбии Қувваҳои мусаллаҳи ҶТ табрику шодбош гуфтанд ва барояшон бурдборию сулҳу субботро таманно намуданд. Дар фарҷом аз ҷониби хонандагони фаъоли китобхона барномаи фарҳангӣ тақдим гардид, ки ба иштирокдорон писанд омад.
Таҷлили рӯзи Артиши миллӣ дар Муассисаҳои томактабӣ.
Ҳамоиши мазкур бо садо додани Суруди миллӣ оғоз гардида, дар он афсарону сарбозон, мураббияҳо ва кӯдакон ширкат намуданд. Нахуст дар чорабинӣ кӯдакони Муассисаи томактабии №83 пойтахт бахшҳои гуногунро пешниҳод карданд. Аз ҷумла онҳо тарзи иҷрои амалиётҳои ҷангиро нишон дода, дар раванди он машқҳои ҳарбиро пешниҳод намуданд. Бояд гуфт, ки дар ин ҷамъомад кӯдакон либосҳои низомиро ба бар карда, аз иҷрои амалҳои ба уҳда доштаашон ба пуррагӣ баромаданд. Саҳнаҳои пешниҳодшуда бештар дар мавзуҳои ҳифзу нигаҳбонии Ватан, ватандӯстӣ, эҳтирому арҷгузорӣ ба таъриху тамаддун ва дигар самтҳоро фарогир буд. Яке аз бахшҳои муҳим, ки сохтмони Нерӯгоҳи барқии обии Роғун буд, аз ҷониби кӯдакон дар сатҳи баланд иҷро карда шуд.
Суханронии Президенти Ҷумҳурии Тоҷикистон Эмомалӣ Раҳмон ба ифтихори 30-юмин солгарди таъсисёбии Қувваҳои Мусаллаҳи Ҷумҳурии Тоҷикистон.
Муҳтарам генералҳо, афсарон ва сарбозони Қувваҳои Мусаллаҳ!
Ҳозирини гиромӣ!
Имрӯз аз таъсисёбии Артиши миллии Тоҷикистони соҳибистиқлол, ки яке аз рукнҳои асосии давлатдории навини тоҷикон мебошад, сӣ сол сипарӣ мегардад.
ИДОМААртиши миллӣ сипари боэътимоди миллат.
Ба муносибати 30 -солагии рӯзи таъсисёбии Қувваҳои мусаллаҳи ҶТ дар Кӯдакистони №98 -уми ноҳияи Синои пойтахт маҳфили идона бо иштироки тарбиятгирандагон ва мураббиён баргузор гардид. Дар ин тадбир масъулин суханронӣ карда, дустрӯяконро ба ин рӯзи фархунда табрику таҳният гуфта, ба ҳар яки онҳо дар зиндагӣ комёбиҳои беназирро таманно намуданд. Сипас барномаи фарҳангии тарбиятгирандагон оғоз гардид. Дустрӯякон дар даст парчамҳо бо садо додани суруди дилнишин дар васфи ватан бо иҷрои амалу машқҳои гуногун ҳунарашонро ба ҳозирин нишон доданд.
Таҷлили рӯзи таъсисёбии Артиши миллӣ дар Муассисаҳои томактабӣ.
Дар ҷамъомад дӯструякони Кӯдакистони №124 пойтахт бо орзуҳои зиёд ба бар либоси низомӣ намудаанд, ки ин шаҳодат аз он медиҳад, ки кӯдакон низ бо ҳисси баланди ватандӯстӣ дар оянда мехоҳанд, дар ҳифзу ҳимояи марзу буми кишвар саҳмгузор бошанд. Қобили қайд аст, ки дар чорабинӣ кӯдакон бо руҳу илҳоми тоза дар васфи ватану диёри хеш порчаҳои шеърӣ қироат намуданд. Тавре мураббиёни Муассисаи мазкур иброз доштанд, мо пайваста барои пешвози санаҳои таърихии кишварамон дар кӯдакистон чорабиниҳои гуногун доир менамоем, то ин ки аз овони наврасӣ дар дили тарбиятгирандагон меҳри ватан афзун гардида, ҳимоя ва содиқона хазмат намуданро дар роҳи ватан ҳадафи асосии хеш қарор диҳанд.
Комиссияи олии аттестатсионии Тоҷикистон: «Китобҳои дарсӣ ва воситаҳои таълимӣ аз барномаи «Антиплагиат» гузаронида мешаванд».
ДУШАНБЕ, 21.02.2023. /АМИТ «Ховар»/. Комиссияи олии аттестатсионии назди Президенти Ҷумҳурии Тоҷикистон нақша дорад, ки китобҳои дарсӣ ва воситаҳои таълимиеро, ки аз ҷониби шуъбаи тахассусии комиссия зери шубҳа қарор мегиранд, аз барномаи «Антиплагиат» гузаронад. Дар ин хусус зимни нишасти матбуотӣ дар Комиссияи олии аттестатсионӣ иттилоъ дода шуд.
«Имрӯзҳо ба мушоҳида мерасад, ки дар саҳифаи аввали як китоби таълимие, ки ҳаҷман хурд аст, номи 4 муаллиф навишта шудааст. Ин амал шояд аз мантиқ берун бошад. Ва ё ҳоло муаллифоне ёфт мешаванд, ки матнҳоро аз забони русӣ тарҷума карда, худро мутарҷими матн неву муаллифи он менависанд, ки ин амалҳои онҳо, албатта, водор месозад, то ин гуна китобҳо аз санҷиш гузаронида шуда, шаффофият таъмин карда шавад»,- таъкид гардид дар нишаст.
Дар Комиссияи олии аттестатсионии Тоҷикистон барои муайян намудани асолати диссертатсияҳои воридшуда аз барномаи компютерии «Антиплагиат» васеъ истифода бурда мешавад. Ин барнома имкон дод, то ҳолатҳои зиёди асардуздӣ ошкор карда шаванд.
Масъулин тазаккур доданд, ки қаблан натиҷаҳои гуногуни санҷиши диссертатсияҳо тавассути барномаи компютерии «Антиплагиат»-и Комиссия аз як тараф ва муассисаҳои илмӣ ва таҳсилоти олии касбии мамлакат аз сӯйи дигар боиси ба миён омадани баҳсу норизоии зиёд гардида, ба мушкили ҷиддӣ табдил ёфта буд.
Комиссия дар мувофиқа бо Вазорати маориф ва илми ҷумҳурӣ ва Академияи миллии илмҳои Тоҷикистон тасмим гирифт, ки тибқи хоҳишу дархости довталабон санҷиши диссертатсия ва ё авторефератро тавассути барномаи компютерии «Антиплагиат»-и Комиссия тариқи онлайн ба роҳ монад.
Ҳоло ин раванд идома дорад ва натиҷаи асолати диссертатсияҳо назар ба солҳои пеш хеле беҳтар шудааст.
Иштироки муваффақонаи варзишгарони тоҷик дар чемпионати ҷаҳон.
Дар шаҳри Белгради кишвари Сербия чемпионати ҷаҳон оид ба муҳорибаҳои омехта доир гардид. Дар натиҷа ба дастаи мунтахаби Тоҷикистон муяссар шуд,то ба гирифтани 4 медали тилло, 2 нишони нуқра ва шаш ҷоизаи биринҷӣ мушарраф гардад. Аз ҷумла,Манижа Самадова, Отабек Раҷабов унвони қаҳрамониро ба даст оварданд. Ба иқрори масъулин иштироки муҳорибачиёни тоҷик дар муқоиса ба соли гузашта дар чемпионати ҷаҳон беҳтар буд. Зеро соли қаблӣ варзишгарони мо соҳиби 7 медали гуногун гашта буданд. Имсол шумораи медалҳо ба 20 адад расид, ки аз он 4-тоаш медали тилло аст.
Идомаи баргузории даври якуми озмуни ҷумҳуриявии «Тоҷикон-оинаи таърихи миллат» дар муассисаҳои таълимӣ.
Даври якуми озмун дар Литсейи №2 барои хонандагони болаёқати шаҳри Душанбе бо омодагии ҷиддии хонандагон ба таври шаффоф доир гардид.Дар ин давр беҳтарин хонандагон аз синфҳои 5 то 11, дар умум 58 нафар ширкат намуданд. Тибқи маълумот аз байни довталабон танҳо 22 нафар беҳтаринҳо ба даври ноҳиявӣ роҳхат мегиранд.
