Бунёду азнавсозии Муассисаҳои таълимиву томактабӣ дар ин минтақаи дурдасти кишвар бомаром ҷараён дошта, дар айни ҳол бештари иншоотҳо дар ҳоли анҷомёбӣ қарор доранд. Муассисаи таҳсилоти миёнаи умумии рақами 49 дар деҳаи Хуфаки ҷамоати деҳоти Қалъанаки ноҳияи Рашт ҷойгир буда, айни замон дар он 276 нафар хонанда пайи таҳсил ҳастанд. Таълимгоҳи мазкур дорои 8 синфхонаи таълимӣ буда, омӯзгорон бо истифодаи шароити мавҷудаи таълим ба хонандагон дарс мегӯянд. Корҳои сохтмонӣ дар бинои иловагии назди таълимгоҳ аз моҳи августи соли 2022 оғоз гардида, дар назар аст, ки то таҷлили ҷашни Ваҳдати миллӣ ба анҷом расад. Ҳамзамон дар доираи корҳои бунёду азнавсозии Муассисаҳои таълимӣ ва томактабӣ Муассисаи таҳсилоти миёнаи умумии рақами 61-и деҳаи Шаҳринави ҷамоати деҳоти Қалъанаки ноҳияи Рашт низ азнавсозӣ гардида истодааст. Бунёди ин таълимгоҳ низ бо дастгириҳои соҳибкорони маҳаллӣ ва мардуми деҳа амалӣ карда шуда, корҳои сохтмонӣ аз соли 2021 оғоз гардидааст ва дар назар аст, ки то оғози соли нави таҳсил ба истифода супорида шавад.
Раздел: Хабарҳо
Оғози даври дуюми озмуни ҷумҳуриявии «Фурӯғи субҳи доноӣ китоб аст» дар ноҳияи Ш. Шоҳин.
Дар ноҳияи Шамсидин Шоҳини вилояти Хатлон даври ноҳиявии озмун бо иштироки беш аз 660 нафар сокинон аз рӯи 6 номинатсия баргузор шуд. Бинобар иттилоъи масъулини шуъбаи маорифи мақомоти иҷроияи ҳокимияти давлатии ноҳияи Шамсиддин Шоҳин бештари иштирокчиёни озмун маҳз хонандагони муассисаҳои таҳсилоти миёнаи умумӣ ба ҳисоб мераванд, ки аксарияти онҳо дар номинатсияи адабияти кӯдакон ва наврасон, адабиёти муосир иштирок карданд ва дар миёни онҳо ҳамзамон наврасоне иштирок доштанд, ки худро дар номинатсияи эҷоди назм санҷиданд. Дар ноҳияи Шамсиддин Шоҳин дар солҳои қаблии баргузории озмун шумораи зиёди сокинон ҳам миёни наврасон ва ҳам калонсолон ба даврҳои ҷумҳуриявӣ роҳ ёфта буданд, ки сол аз сол шавқу рағбатшон нисбат ба китобдориву китобхонӣ зиёд гардида истодааст.
Оғози даври ноҳиявии озмуни ҷумҳуриявии «Тоҷикистон-Ватани азизи ман».
Даври якуми озмуни ҷумуҳуриявии «Тоҷикистон-Ватани азизи ман» дар мактаб-интернати миёнаи махсуси мусиқии ҷумхуриявии ба номи Зиёдулло Шаҳидӣ дар сатҳи баланди ташкилӣ доир шуд. Аъзои ҳакамон аз ҳисоби омӯзгорон ва аҳли санъат интихоб шуда, ба ҳар як довталаб аз руӣ асари навохтааш баҳогузорӣ намуданд. Тибқи иттилоъ дар даври ноҳиявии озмуни мазкур 60 нафар таълимгирандагони мактабҳои мусиқии ноҳияи Фирдавсӣ ва дӯстдорони санъат ширкат намуданд. Хотирасон менамоем, ки озмун бо ибтикори Мақомоти иҷроияи ҳокимияти давлатии ноҳияи Фирдавсӣ ташкил ва баргузор карда шуд.
Идомаи даври дуюми озмуни ҷумҳуриявии «Фурӯғи субҳи доноӣ китоб аст».
Дар толори таълимгоҳи рақами 90-уми ноҳияи Синои пойтахт даври дуюми озмуни ҷумҳуриявии «Фурӯғи субҳи доноӣ китоб аст» бо муваффақият идома дорад. Ба ин даври озмуни мазкур аз муассисаҳои таълимии ноҳияи Сино 1860 нафар довталаб роҳхат гирифтанд, ки онҳо аз рўи 6 номинатсия дар назди ҳайати ҳакамон ҳунару истеъдоди худро нишон доданд. Бояд гуфт, ки ба узви ҳакамони озмуни мазкур кормандони соҳаи маориф, аҳли адаб шомил шуданд ва ба ҷавобҳои иштирокчиён холисона баҳогузорӣ менамоянд. Тибқи иттилоъ пас аз натиҷагирӣ ғолибон муайян гардида, ба даври дигар роҳхат мегиранд.
Забономӯзӣ дар Муассисаҳои томактабӣ.
Омӯзиши забонҳои хориҷӣ тақозои замон аст. Ва омӯзиши он дар Муассисаҳои томактабӣ низ бояд ба таври зарурӣ ба роҳ монда шавад. Зеро кӯдакон дар синни хурдсолӣ зеҳни қавӣ дошта, зуд забонҳоро аз худ менамоянд. Масъалаи мазкур дар Муассисаи томактабии рақами 67-уми ноҳияи Шоҳмансури шаҳри Душанбе ба таври лозима ба роҳ монда шудааст. Дар ин Муассиса 8 гуруҳ фаъолият карда 290 нафар дӯстрӯяк ба таълиму тарбия фаро гирифта шудааст, ки ба онҳо 18 нафар мураббия ва омӯзгор тарбия ва тадрис медиҳанд. Дар машғулияти забони англисӣ кӯдакон фаъолона ширкат варзида, аз омӯзгори ин фан дар бораи оила, тарзи салом гуфтану одоби муоширатро омӯхтанд.
Идомаи даври ноҳиявии озмуни ҷумҳуриявии «Фурӯғи субҳи доноӣ китоб аст».
Дар МТМУ №31 ш. Душанбе даври ноҳиявии озмуни ҷумҳуриявии «Фурўғи субҳи доноӣ китоб аст» идома дорад. Тибқи иттилоъ 1200 нафар довталаб аз рўи 6 номинатсия дар ин озмун иштирок намуда, малакаву дониши хешро месанҷанд. Яке аз довталаби озмун Заррина Ҷӯрабекзода хонандаи синфи 8-и муассисаи мазкур мебошад. Мавсуф муддати се сол аст, ки дар ин озмуни шеъру шоирӣ ширкат намуда истодааст. Довталаби дигари озмун Марҷона Шарифова мебошад. Ба гуфти номбурда ҳар шахс аз китобҳои хондааш дарси одобу ахлоқ омӯхта барои хубтару хуштар гузаронидани умр камари ҳиммат мебандад, накӯкору покахлоқ ва ватандӯст тарбия ёфта ба камол мерасад.
Рушди муассисаҳои таълимӣ.
Бо шарофати истиқлолияти давлатӣ бунёди Муассисаҳои типпи нав тақвият ёфт. Ва ин боис шуд, то сатҳу сифати таълим низ беҳтар гардад. Муассисаи давлатии Литсейи рақами панҷи шаҳри Душанбе дар арафаи ҷашни бузурги миллат, 31 солагии истиқлолияти давлатӣ сохта мавриди баҳрабардорӣ қарор ёфтааст. Дар таълимгоҳи мазкур 480 хонанда дар 2 баст ба таълиму тарбия фаро гирифта шудааст. Дар муассисаи мазкур 5 синфхонаи фаннӣ, 8 тахтаи электронӣ мавҷуд буда, 31 нафар омӯзгори соҳибтахассус ба хонандагон таълиму тадрис мегӯянд.
Оғози даври ноҳиявии озмуни ҷумҳуриявии «Фурӯғи субҳи доноӣ китоб аст».
Дар Гимназияи №74 ноҳияи Фирдавсии шаҳри Душанбе даври ноҳиявии озмуни ҷумҳуриявии «Фурӯғи субҳи доноӣ китоб аст» баргузор гардид. Дар маросими кушодашавии даври дуюми озмуни мазкур намояндагони Мақомоти иҷроияи ҳокимияти давлатии ноҳияи Фирдавсӣ, масъулини шуъбаи маорифи ноҳия, ғолибони даври аввали озмун ва омӯзгорон иштирок доштанд. Ёдрас мешавем, ки дар даври ноҳиявии озмуни зикршуда 630 нафар довталаб иштирок намуда, ҳунару маҳорат ва истеъдоди хешро дар назди ҳакамон нишон медиҳанд. Даври ноҳиявии озмуни ҷумҳуриявии «Фурӯғи субҳи доноӣ китоб аст» дар ноҳияи Фирдавсии шаҳри Душанбе тўли 6-рўз идома меёбад.
«Навоят розҳо дорад».
Дар Мактаб - интернати миёнаи махсуси санъати ҷумҳуриявӣ ба номи Миратулло Атоев бахшида ба фаъолияти эҷодии Ҳунарпешаи халқии Тоҷикистон Мастона Эргашева маҳфили фарҳангӣ, таҳти унвони «Навоят розҳо дорад» баргузор гардид. Дар тадбири мазкур ҳунармандони шинохта ва омӯзгорону хонандагони Мактаб - интернат ҳузур доштанд. Дар маҳфил масъулин доир ба ҳаёт ва фаъолияти эҷодии Ҳунарпешаи халқии Тоҷикистон Мастона Эргашева суханронї намуданд. Гуфта шуд, ки Мастона Эргашева аз овони хурдсолӣ ба сарояндагӣ шавқи беандоза дошта, нахустин сурудашро дар замони мактабхонӣ сабт намуда, манзури шунавандагон намудааст. Сипас, барномаи омода намудаи омўзгорону хонандагони Мактаб - интернати мазкур манзури ҳозирин гардонида шуд.
Рушди Муассисаҳои томактабӣ шаҳри Душанбе.
Семинар - машварати мудирони Муассисаҳои томактабии ноҳияи Исмоили Сомонии шаҳри Душанбе ин навбат дар Муассисаи томактабии рақами 12-уми ноҳия баргузор гардид. Дар ин тадбир намояндагони шуъбаи маорифи ноҳияи Сино ва дигар шахсони масъул ширкат варзиданд. Машварати мазкур нахуст дар гуруҳҳо сурат гирифта, ҳайати комиссия аз рафти машғулиятҳо дидан намуданд. Нахуст мураббия Садриой Холибекова дарсро оғоз намуд ва тавассути аёниятҳои мавҷуда тавонист бо кӯдакон машғулиятҳои гуногунро гузаронад ва иброз дошт ки тавассути бозихои дидактикию варзишӣ ҷори намудани дарсҳо ҳам ба ҳолати ҷисмонии кӯдак ва ҳам барои инкишофи зеҳнии наврасон мусоидат менамояд.
