Раздел: Хабарҳо

ДУШАНБЕ, 14.09.2023 /АМИТ «Ховар»/. Имрӯз дар Осорхонаи миллии Тоҷикистон таҳти унвони «Ҳифзи пиряхҳо – омили ҳифзи баҳри Арал» намоиши офаридаҳои рассомони давлатҳои Осиёи Марказӣ ифтитоҳ гардид. Дар ин хусус ба АМИТ «Ховар» дар Осорхонаи миллии Тоҷикистон хабар доданд.

Дар намоиш наздик ба 100 асари рассомӣ ба маърази тамошо  гузошта шудааст, ки аз ҷониби мусаввирони давлатҳои Осиёи Марказӣ офарида шудаанд. Мавзуи асосии мусаввараҳо табиат, об, тағйёбии иқлим ва наҷоти баҳри Арал буда, дар сатҳи баланд ва жанрҳои гуногуни ҳунари рассомӣ офарида шудаанд.

Бояд тазаккур дод, ки Тоҷикистон ҷумҳурии сероб буда, дорои 13 000 пирях, 1300 кӯл, 947 дарё, ҳазорҳо чашма ва обҳои маъданӣ мебошад. Аз ҳамин лиҳоз, дар асарҳои рассомони Тоҷикистон манзараҳои зебои диёр, аз ҷумла пирях, кӯл, обанбор ва руду дарёҳо зиёд тасвир гардидаанд.

Дар асарҳои рассомони давлатҳои Қазоқистон ва Узбекистон бештар фоҷеаи баҳри Арал инъикос гардидааст. Зеро, яке аз фоҷиаҳои экологии Осиёи Марказӣ – аз байн рафтани баҳри Арал мебошад. Баҳри мазкур то тамоюли хушкшавӣ, калонтарин кӯл дар Осиёи Марказӣ ва чорумин дар ҷаҳон ба ҳисоб мерафт ва аз дарёҳои Сир ва Ому об мегирад. Зимнан Ҷумҳурии Тоҷикистон аз давлатҳои болооби минтақа буда, зиёда аз 60%-и захираҳои обии Осиёи Марказӣ аз ҳудуди Тоҷикистон сарчашма мегирад. Сарчашмаи асосии обҳои Осиёи Марказӣ пиряхҳо буда, Тоҷикистон аз ин сарват бой мебошад. Масоҳати умумии пиряхҳои Ҷумҳурии Тоҷикистон тақрибан 8500 км2 буда, қариб 6 фоизи ҳудуди ҷумҳуриро ташкил медиҳанд ва дар баландиҳои аз 3500 то 7495 метр ҷойгир мебошанд.

Ҳифзи ин пиряхҳо омили ҳифз ва наҷоти баҳри Арал буда, дар асарҳои рассомони далатҳои Осиёи Марказӣ инъикос ёфтааст. Ҳадафи асосии намоиш ҷалби таваҷҷуҳи ҷомеаи ҷаҳонӣ ба мавзуи ҳифзи пиряхҳо ва бо ин омил наҷоти баҳри Арал мебошад.

Дар доираи намоиш ба рассомони иштирокчӣ ва нафароне, ки дар ташкил ва баргузории ин намоиш саҳми назаррас гузоштанд «Гувоҳнома» тақдим карда шуд.

Намоиши мазкур дар доираи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал (ФБНА), ки 14-15 сентябри соли 2023 дар шаҳри Душанбе баргузор мегардад, ифтитоҳ гардид ва то пагоҳ идома меёбад.

ДУШАНБЕ, 14.09.2023 /АМИТ «Ховар»/. Байни Донишгоҳи байналмилалии сайёҳӣ ва соҳибкории Тоҷикистон  ва Донишкадаи соҳибкорӣ ва педагогикаи Деҳнави Узбекистон  санади ҳамкорӣ ба имзо расонида шуд. Ҷонибҳо ба мувофиқа расиданд, ки дар доираи санадҳои меъёрии ҳуқуқӣ ва шартномаи баимзорасида ҳамкории дуҷониба дар самти табодули академии донишҷӯён, ташкили даврҳои такмили ихтисоси омӯзгорон, даъвати профессорон, гузаронидани таҳқиқоти илмии муштарак ва ташкили конфронсу форумҳои муштарак ба роҳ монда шавад.

АМИТ «Ховар» бо истинод ба Донишгоҳи  байналмилалии сайёҳӣ ва соҳибкории Тоҷикистон иттилоъ медиҳад, ки шартномаи ҳамкориро дар Душанбе ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва ректори Донишкадаи соҳибкорӣ ва педагогикаи Деҳнав Ғанишер Раҳимов ба имзо расониданд.

Дар мулоқоте, ки байни ду роҳбари муассисаи олии Тоҷикистон ва Узбекистон баргузор гардид,   ҷонибҳо барои ҳамкорӣ дар дар самтҳои гуногуни фаъолияти муассисаҳои таълимӣ гуфтушунид анҷом доданд.

Ҳайати Донишкадаи соҳибкорӣ ва педагогикаи Деҳнави Узбекистон инчунин бо пойгоҳи моддӣ-техникии омодасозии кадрҳо ва шароиту имконияти таҳсил дар Донишгоҳи байналмилалии сайёҳӣ ва соҳибкории Тоҷикистон  шинос гардид. Ҳамзамон ҳамчун рамзи дӯстӣ ва эҳтиром ректори Донишкадаи соҳибкорӣ ва педагогикаи Деҳнав, профессор Ғанишер  Раҳимов дар назди  ҳайати омӯзгорону донишҷӯёни Донишгоҳи байналмилалии сайёҳӣ ва соҳибкории Тоҷикистон  маъруза намуд.

Бояд тазаккур дод, ки ректори Донишкадаи соҳибкорӣ ва педагогикаи Деҳнав Ғанишер Раҳимов дар доираи сафари корӣ ба Тоҷикистон ҷиҳати иштирок дар Форуми дуюми ректорони муассисаҳои таҳсилоти олии касбии Осиёи Марказӣ ба Донишгоҳи байналмилалии сайёҳӣ ва соҳибкории Тоҷикистон ташриф овард.

ДУШАНБЕ, 14.09.2023 /АМИТ «Ховар»/. Дар доираи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал, ки 14-15 сентябр дар Душанбе баргузор мегардад, иштирокчиёни вохӯрии аъзои муколамаи занон ва Форуми волонтёрони давлатҳои Осиёи Марказӣ, аз ҷумла Раиси Сенати Олий Мажлиси Ҷумҳурии Узбекистон Танзила Нарбаева бо Осорхонаи миллии Тоҷикистон шинос шуданд. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фариддун Кенҷаев иттилоъ дод.

Барои меҳмонон сайрҳои осорхонавӣ баргузор шуда, ба ин восита онҳо бо мероси ниёгони тоҷикон дар мисоли бозёфтҳои нодир шинос шуда, аз таърихи куҳан, фарҳанги пурғановат, саҳми тоҷикон дар рушди тамаддуни ҷаҳонӣ, табиати зебо ва дастовардҳои замони соҳибистиқлолии Ҷумҳурии Тоҷикистон огоҳии бештар пайдо намуданд.

Баъд аз тамошои толорҳои намоишӣ меҳмонон таассуроти худро дар китоби «Меҳмонони фахрӣ»-и Осорхонаи миллии Тоҷикистон навиштанд.

ДУШАНБЕ, 14.09.2023 /АМИТ «Ховар»/. Имрӯз дар Академияи миллии илмҳои Тоҷикистон Форуми олимони мамлакатҳои Осиёи Марказӣ баргузор шуд, хабар медиҳад АМИТ «Ховар» бо истинод ба Академияи миллии илмҳо.

Дар форум роҳбарон ва коршиносони академияҳои илмҳои Тоҷикистон, Қазоқистон, Қирғизистон, Туркманистон ва Узбекистон иштирок намуданд.

Президенти Академияи миллии илмҳои Тоҷикистон Фарҳод Раҳимӣ форумро ифтитоҳ намуда, зимни баррасии илмӣ оид ба вазъи илми тоҷик дар замони муосир иброз дошт, ки илм вожаи номаҳдуд мебошад. Ҳамкории судманд байни олимони давлатҳои Осиёи Марказӣ бояд густариш ёфта, аксар мушкилиҳои гуногун, ки хоси ҳамаи мамлакатҳои минтақа ҳастанд, дар ҳамоҳангӣ ва ҳамкории ҳамаҷониба баррасӣ шаванд. Фарҳод Раҳимӣ таманно намуд, ки ҳамкории илмӣ-интеллектуалии олимон минбаъд низ тақвият ёбад.

Дар ҳамоиш президентҳои Академияи илмҳои Қазоқистон, Қирғизистон, Туркманистон, Узбекистон барои ташкил намудани ҳамоиши илмӣ изҳори миннатдорӣ намуда, изҳор доштанд, ки ҳамкории илмӣ байни олимони Осиёи Марказӣ боз ҳам густариш меёбад.

Иштирокдорон дар мавзуъҳои «Ҳолат ва дурнамои ҳамкории академии минтақавӣ дар соҳаи илмҳои дақиқ ва табиӣ», «Масъалаҳо ва дурнамои рушди илмҳои ҷамъиятшиносӣ дар Тоҷикистон дар давраи ҳозира» ва ғайра маъруза намуданд.

Иброз гардид, ки дар марҳилаи кунунӣ давлат яке аз ҳадафҳои стратегии худро дастгирӣ ва таҳкими неруи илмӣ барои рушди муваффақ ва устувори ҷумҳурӣ медонад.

Дар солҳои истиқлол аз ҷониби шуъбаҳои илмҳои ҷамъиятшиносии Академияи миллии илмҳои Тоҷикистон оид ба таърих, бостоншиносӣ ва этнография, фалсафа ва ҳуқуқ, адабиётшиносӣ ва фолклоршиносӣ, забоншиносӣ ва шарқшиносӣ асарҳои бунёдӣ омода ва ба табъ расидаанд.

ДУШАНБЕ, 14.09.2023 /АМИТ «Ховар»/. Соли 2022 гардиши савдои хориҷии Ҷумҳурии Тоҷикистон бо давлатҳои Осиёи Марказӣ нисбат ба соли 2021 23 фоиз афзуда, ҳиссаи мамлакатҳои Осиёи Марказӣ дар ҳаҷми умумии гардиши савдои Ҷумҳурии Тоҷикистон 28,2 фоизро ташкил медиҳад. Шарикони асосии тиҷоратии Ҷумҳурии Тоҷикистон давлатҳои Осиёи Марказӣ, аз ҷумла Қазоқистон, Узбекистон ва Туркманистон ба ҳисоб мераванд. Дар ин хусус имрӯз Вазири рушди иқтисод ва савдои ҷумҳурӣ Завқӣ Завқизода зимни баргузории Форуми иқтисодии давлатҳои Осиёи Марказӣ дар мавзуи «Иқтисоди рақамӣ, савдои рақамӣ ва инноватсия» иттилоъ дод.

Тавре қаблан хабар додем, имрӯз дар доираи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал, Форуми иқтисодии давлатҳои Осиёи Марказӣ баргузор гардид, ки дар он Вазири рушди иқтисод ва савдои Тоҷикистон, Вазири иқтисоди миллии Қазоқистон, Вазири молия ва иқтисоди Туркманистон ва Вазири инноватсия, саноат ва савдои Узбекистон иштирок доранд.

Вазири рушди иқтисод ва савдои ҷумҳурӣ зимни ифтитоҳи форум баён дошт, ки дар асоси дастуру супоришҳои Пешвои миллат дар мамлакат барои рақамикунонии соҳаҳои иқтисоди миллӣ, тиҷорати электронӣ ва содагардонии расмиёти савдо якчанд корҳои назаррас анҷом дода шудаанд. Аз ҷумла, Консепсия ва Барномаи рушди иқтисоди рақамӣ барои солҳои 2021-2025, Қонуни Ҷумҳурии Тоҷикистон «Дар бораи савдои электронӣ», Қонуни Ҷумҳурии Тоҷикистон «Дар бораи ҳуҷҷати электронӣ ва имзои электронӣ» қабул шуда, Портали савдои Тоҷикистон аз соли 2019 инҷониб расман фаъолият менамояд.

Баён гардид, ки савдои рақамӣ 20 фоизи тиҷорати ҷаҳониро ташкил дода, тибқи арзёбии коршиносони соҳа, он то соли 2025 то 25 фоиз афзоиш меёбад.

Ҳамзамон таъкид гардид, ки ММД-и минтақаи Осиёи Марказӣ дар 20 соли охир 7 маротиба зиёд шуда, рушди иқтисодии миёнасолонаи он дар сатҳи 6,2 фоиз таъмин гардид, ки нисбат ба рушди иқтисоди глобалӣ (2,6) 3,6 банди фоизӣ зиёд мебошад.

Ҳиссаи Осиёи Марказӣ дар ММД-и ҷаҳонӣ аз рӯи Таносуби қобилияти харидорӣ (ТҚХ) 1,8 маротиба, гардиши савдои хориҷӣ 6 маротиба, ҳаҷми сармояи мустақими хориҷӣ дар минтақа 17 маротиба ва гардиши савдои хориҷии молу маҳсулоти давлатҳои Осиёи Марказӣ 6 маротиба афзоиш ёфтааст.

Изҳор шуд, ки ин рақамҳо аз дурнамо ва имконияти васеи минтақаи Осиёи Марказӣ гувоҳӣ медиҳанд, ки ҳангоми истифодаи самараноки онҳо рушди иқтисодии минтақа бамаротиб зиёд мегардад.

Дар солҳои охир минтақаи Осиёи Марказӣ дар соҳаҳои рушди иқтисоди рақамӣ, савдои рақамӣ ва инноватсия ба пешравиҳои назаррас ноил гардидааст, аммо дар ин самтҳо ҳанӯз ҳам имконоти зиёди истифоданашуда мавҷуд мебошанд. Дар робита ба ин ҷонибҳо ба мувофиқа расиданд, ки Нақшаи чорабиниҳо оид ба баланд бардоштани ҳиссаи иқтисоди рақамӣ дар рушди иқтисодиёт таҳия намуда, дар самтҳои татбиқи лоиҳаҳои муштараки паркҳои технологӣ ва рушди технологияҳои рақамӣ бо мақсади рақамикунонии соҳаҳои иқтисодиёт, рушди сармояи инсонӣ ва омодасозии мутахассисон дар соҳаи Технологияи иттилоотӣ-коммуникатсионӣ (ТИК) ва рушди инфрасохтори иқтисоди рақамӣ тадбирҳои зарурӣ амалӣ намоянд.

Дар 3 сессия мавзуъҳои «Мубодилаи таҷриба ва дурнамои ҳамкории давлатҳои Осиёи Марказӣ дар соҳаи иқтисодиёти рақамӣ ва ҷорӣ намудани низоми ҳукумати электронӣ дар мамлакат», «Таҷриба ва дурнамои ҳамкории давлатҳои Осиёи Марказӣ дар соҳаи инноватсия» ва «Мубодилаи таҷриба ва муайян намудани дурнамои ҳамкории давлатҳои Осиёи Марказӣ дар соҳаи тиҷорати электронӣ ва рақамикунонии хизматрасониҳои давлатӣ»-ро намояндагони мамлакатҳои Осиёи Марказӣ муаррифӣ ва таклифҳои судманд пешниҳод намуданд.

ДУШАНБЕ, 14.09.2023 /АМИТ «Ховар»/. Тавре ба ҳамагон маълум аст, 14-15 сентябри соли 2023 шаҳри Душанбе — пойтахти Ҷумҳурии Тоҷикистон мизбони ду чорабинии муҳими сатҳи баланд — Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал мегардад. Тоҷикистон бо мақсади дар сатҳи баланд ва шоиста баргузор намудани ин саммитҳо омодагии ҷиддӣ дидааст. Мудири шуъбаи ҳуқуқи байналмилалии Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон, профессор Саидумар Раҷабов дар ин мавзуъ ибрози назар намуд.

идома

ДУШАНБЕ, 14.09.2023 /НИАТ «Ховар»/. Сегодня, 14 сентября, во Дворце нации под председательством Президента Республики Таджикистан уважаемого Эмомали Рахмона состоится Пятая юбилейная Консультативная встреча глав государств Центральной Азии, сообщает корреспондент НИАТ «Ховар».

Для участия в работе Пятой юбилейной Консультативной встречи глав государств Центральной Азии в Душанбе прибыли президенты: Казахстана — Касым-Жомарт Токаев, Кыргызстана — Садыр Жапаров, Туркменистана — Сердар Бердымухамедов, Узбекистана — Шавкат Мирзиёев и почётный гость — Президент Азербайджана Ильхам Алиев.

Ожидается, что по итогам Пятой юбилейной Консультативной встречи будет принят ряд важных документов, главным из которых станет Совместное заявление глав государств Центральной Азии.

Также ожидается, что главы государств посетят концерт «Шоми дӯстӣ» («Вечер дружбы») и выставку ЭКСПО Центральная Азия 2023.

Отметим, что в рамках встречи с 13 по 14 сентября в Душанбе проходит ряд мероприятий с участием представителей всех государств Центральной Азии, направленных на дальнейшее развитие сотрудничества стран региона в торгово-экономической и культурно-гуманитарной сферах.

Поддержание доверительного диалога и дальнейшее развитие отношений между государствами Центральной Азии во всех направлениях является одним из важных приоритетов во внешней политике Республики Таджикистан.

«Душанбинские встречи на высшем уровне будут способствовать укреплению процесса развития регионального сотрудничества, дальнейшего упрочения безопасности и стабильности в регионе», — подчеркнули в МИД Таджикистана.

ДУШАНБЕ, 14.09.2023. /АМИТ «Ховар»/.  Имрӯз дар шаҳри Душанбе  дар мавзуи «Ноил шудан ба баробарии гендерӣ дар заминаи мутобиқшавӣ ба тағйирёбии иқлим дар Осиёи Марказӣ» вохӯрии аъзои Муколамаи занони Осиёи Марказӣ ба кор шуруъ намуд. Дар ин хусус хабарнигори АМИТ «Ховар» иттилоъ  медиҳад.

Вохӯрӣ аз ду ҷаласаи панелӣ иборат буда, дар он масъалаҳои «Ноил шудан ба баробарии гендерӣ дар заминаи мутобиқшавӣ ба тағйирёбии иқлим ва офатҳои табиӣ дар Осиёи Марказӣ», «Ташаббусҳои экологии Осиёи Марказӣ дар татбиқи Ҳадафҳои рушди устувор» мавриди таҳлил ва муҳокима қарор мегиранд. Хамзамон вобаста ба мавзуъҳои мазкур меҳмонону иштирокдорон мубодилаи афкор менамоянд.

Таъсиси майдони машваратии занон, аз ҷумла Муколамаи занони Осиёи Марказӣ шаҳодат аз он аст, ки роҳбарони давлатҳои Осиёи Марказӣ ба масъалаи ноил шудан ба баробарии гендерӣ ва иштироки фаъолонаи занон дар ҳаёти сиёсию ҷамъиятӣ таваҷҷуҳи хосса доранд.

Ин нуқтаи муҳимро ҳатто сессияи 66-уми Комиссия оид ба мақоми зан эътироф намуд, ки ноил гардидан ба баробарии гендерӣ, васеъ намудани ҳуқуқ ва уҳдадориҳои занону духтарон ва таъмини иштироки фаъоли онҳо дар ҳаёти ҷамъиятӣ, ҳамзамон иштироки онҳо дар қабули қарор оид ба тағйирёбии иқлим, ҳифзи муҳити зист ва коҳиш додани хавфи офатҳои табиӣ аҳамияти ниҳоят муҳим дорад.

Доир ба масъалаҳои баррасишаванда ва вобаста ба андешидани тадбирҳои мушаххас дар самти ноил шудан ба баробарии гендерӣ дар заминаи мутобиқшавӣ ба тағйирёбии иқлим дар Осиёи Марказӣ аз ҷониби иштирокчиён тавсияҳои ҳамкорӣ дода шуда, ба унвони сарони давлатҳо изҳороти аъзои Муколамаи занони Осиёи Марказӣ қабул мешавад.

Сафари кории меҳмонон ба Ҷумҳурии Тоҷикистон 2 рӯз идома ёфта, 15 сентябр аъзои Муколамаи занони Осиёи Марказӣ бо Неругоҳи барқи обии «Норак» шинос мешаванд.

ДУШАНБЕ, 14.09.2023 /АМИТ «Ховар»/. Имрӯз, 14 сентябр ба пойтахти Ҷумҳурии Тоҷикистон – шаҳри Душанбе сарони давлатҳои Осиёи Марказӣ ва Президенти Озарбойҷон ташриф меоранд.

Фурудгоҳи байналмилалии Душанбе барои қабули меҳмонон омода аст, хабар медиҳад мухбири АМИТ «Ховар».

Дар тақвияти гуфтаҳои боло суратгузориши навбатии АМИТ «Ховар» аз Фурудгоҳи байналмилалии Душанбе таҳия гардид.

ДУШАНБЕ, 14.09.2023 /НИАТ «Ховар»/. Сегодня, 14 сентября, Президент Туркменистана Сердар Бердымухамедов прибыл в Республику Таджикистан для участия в Пятой юбилейной Консультативной встрече глав государств Центральной Азии и в очередном заседании Совета глав государств-учредителей Международного фонда спасения Арала (МФСА), сообщает корреспондент НИАТ «Ховар».

В Международном аэропорту Душанбе Президента Туркменистана Сердара Бердымухамедова встретили Премьер-министр Республики Таджикистан Кохир Расулзода и другие официальные лица.

В рамках этого визита также предусмотрены встречи и переговоры высокого уровня между Таджикистаном и Туркменистаном, будет рассмотрен широкий круг двустороннего сотрудничества.

Напомним, что 14-15 сентября в Душанбе под председательством Президента Республики Таджикистан уважаемого Эмомали Рахмона состоятся Пятая юбилейная Консультативная встреча глав государств Центральной Азии и очередное заседание Совета глав государств-учредителей Международного фонда спасения Арала (МФСА).