Автор: ТВБ

Шаршара.

Бахшида ба Рӯзи Рӯдакӣ.

ДУШАНБЕ, 25.09.2023 /АМИТ «Ховар»/. Нимаи дуюми имрӯз паҳлавони тоҷик Сомон Маҳмадбеков дар вазни то 81 кг дар Бозиҳои Осиёии Ханжоу оид ба гӯштини ҷудо ба финал роҳ ёфт. Дар финал ӯ бо Ли Ҷунван аз Кореяи Ҷанубӣ гӯштин мегирад. Дар ин хусус ноиби президенти Кумитаи миллии олимпии Тоҷикистон Дилшод Назаров ба шореҳи варзиши АМИТ «Ховар» хабар дод.

Сомон Маҳмадбеков дар даври аввал бо ду имтиёзи вазарӣ бар Муаяд Звайб аз Фаластин пирӯз шуда, ба даври чаҳорякниҳоӣ роҳ ёфт. Дар даври чаҳорякниҳоӣ Сомон бо имтиёзи иппон бар Асад Масабирови қирғиз ғалаба намуда, ба даври нимниҳоии Бозиҳои Осиёии Ханжоу баромад. Дар даври нимниҳоӣ Сомон тавонист, ки бар Абулайхан Жубаназари қазоқ бо имтиёзи вазарӣ ғалаба намуда, ба финал роҳ ёбад. Нимаи дуюми имрӯз варзишгари тоҷик дар финал бо Ли Ҷунван аз Кореяи Ҷанубӣ гӯштин мегирад.

Инчунин имрӯз варзишгари дигари тоҷик дар риштаи ҷудо Беҳрӯз Хоҷазода дар вазни то 73 кг дар даври аввали Бозиҳои Осиёи Ханжоу -2022 бар ҷудочии Филиппин Накано Кейсей бо имтиёзи иппон ғалаба намуда, ба даври чаҳорякниҳоӣ баромад. Дар даври чаҳорякниҳоӣ ӯ бар Данияр Шамшаеви қазоқ бо имтиёзи вазарӣ зафар ёфта, дар даври нимниҳоӣ аз Соичи Ҳашимотои ҷопонӣ бо як имтиёзи вазарӣ мағлуб шуд. Нимаи дуюми имрӯз Беҳрӯз Хоҷазода дар вазни то 73 кг барои нишони биринҷӣ бо Кингдага аз Чин рақобат менамояд.

Ёдовар мешавем, ки Бозиҳои Осиёии Ханжоу – 2022 аз 23 сентябр то 8 октябр дар шаҳри Ханжоуи Ҷумҳурии Мардуми Чин баргузор мешавад. Дар ин мусобиқа 481 маҷмуи медалҳо аз рӯи 40 намуди варзиш ба роҳ монда шудааст. Дар ин мусобиқа 138 варзишгар аз Тоҷикистон дар 18 намуди варзиш ҳунарнамоӣ менамоянд.

ДУШАНБЕ, 25.09.2023. /АМИТ «Ховар»/. Ҷудочии маъруфи Тоҷикистон Беҳрӯз Хоҷазода дар Бозиҳои Осиёии Ханжоу -2022 аз намуди ҷудо аввалин медали биринҷиро соҳиб шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Варзишгари тоҷик дар риштаи ҷудо Беҳрӯз Хоҷазода дар вазни то 73 кг дар даври аввали Бозиҳои Осиёи Ханжоу -2022 бар ҷудочии Филиппин Накано Кейсей бо имтиёзи иппон ғалаба намуда, ба даври чаҳорякниҳоӣ баромад.

Дар даври чаҳорякниҳоӣ ӯ бар Данияр Шамшаеви қазоқ бо имтиёзи вазарӣ зафар ёфта, дар даври нимниҳоӣ аз Соичи Ҳашимотои ҷопонӣ бо як имтиёзи вазарӣ мағлуб шуд.

Дар рақобат барои ҷойи сеюм Беҳрӯз Хоҷазода (-73 кг) бар Кингдага аз Чин бо имтиёзи иппон зафар ёфта, соҳиби нишони биринҷӣ гардид.

Ёдовар мешавем, ки Бозиҳои Осиёии Ханжоу-2022 аз 23 сентябр то 8 октябри соли 2023 дар шаҳри Ханжоуи Ҷумҳурии Мардуми Чин баргузор мегарданд. Дар он 481 маҷмуи медалҳо аз рӯи 40 намуди варзиш гузошта шудааст. Аз Тоҷикистон дар ин мусобиқа 138 варзишгар дар 18 намуди варзиш сабқат менамоянд.

Ба ғолибону ҷоизадорони Бозиҳои Осиёӣ Ҷоизаи Президенти Ҷумҳурии Тоҷикистон дода мешавад. Ба варзишгароне, ки дар мусобиқаи мазкур медали тилло мегиранд, 150 000 сомонӣ, медали нуқра 100 000 сомонӣ ва медали биринҷӣ 50 000 сомонӣ мукофотпулӣ дода мешавад.

Бо такя ба сиёсати хирадмандонаи Пешвои муаззами миллат баҳри дастгирии варзишгарон дар Бозиҳои 19-уми Осиёӣ қарори дахлдори Раиси шаҳри Душанбе низ ба тасвиб расидааст, ки тибқи он, ба гирандагони медали тилло хонаи 3 ҳуҷрадор, медали нуқра 2 ҳуҷрадор ва медали биринҷӣ хонаи 1 ҳуҷрадор тақдим мегардад.

ДУШАНБЕ, 25.09.2023. /АМИТ «Ховар»/. Имрӯз паҳлавони тоҷик Сомон Маҳмадбеков дар Бозиҳои Осиёии Ҳанжоу-2022 медали тилло ба даст овард, иттилоъ медиҳад АМИТ «Ховар».

Мавриди тазаккур аст, ки Сомон Маҳмадбеков дар даври аввал бо ду имтиёзи вазарӣ бар Муаяд Звайб аз Фаластин пирӯз шуда, ба даври чаҳорякниҳоӣ роҳ ёфт. Дар даври чаҳорякниҳоӣ Сомон бо имтиёзи иппон бар Асад Масабирови қирғиз ғалаба намуда, ба даври нимниҳоии Бозиҳои Осиёи Ханжоу баромад.

Дар қисмати ниҳоӣ Сомон Маҳмадбеков дар вазни то 81 кг бо Ли Ҷунван аз Кореяи Ҷанубӣ сабқат намуда, бар ӯ бо як вазарӣ ғолиб омад ва сазовори медали тилло гардид.

Ёдовар мешавем, ки Бозиҳои Осиёии Ханжоу-2022 аз 23 сентябр то 8 октябри соли 2023 дар шаҳри Ханжоуи Ҷумҳурии Мардуми Чин баргузор мегарданд. Дар он 481 маҷмуи медалҳо аз рӯи 40 намуди варзиш гузошта шудааст. Аз Тоҷикистон дар ин мусобиқа 138 варзишгар дар 18 намуди варзиш сабқат менамоянд.

Ба ғолибону ҷоизадорони Бозиҳои Осиёӣ Ҷоизаи Президенти Ҷумҳурии Тоҷикистон дода мешавад. Ба варзишгароне, ки дар мусобиқаи мазкур медали тилло мегиранд, 150 000 сомонӣ, медали нуқра 100 000 сомонӣ ва медали биринҷӣ 50 000 сомонӣ мукофотпулӣ дода мешавад.

Бо такя ба сиёсати хирадмандонаи Пешвои миллат баҳри дастгирии варзишгарон дар Бозиҳои 19-уми Осиёӣ қарори дахлдори Раиси шаҳри Душанбе низ ба тасвиб расидааст, ки тибқи он, ба гирандагони медали тилло хонаи 3-ҳуҷрадор, медали нуқра- 2 ҳуҷрадор ва медали биринҷӣ хонаи 1- ҳуҷрадор тақдим мегардад.

ДУШАНБЕ, 26.09.2023. /АМИТ «Ховар»/. Даври шаҳрии озмуни «Илм-фурӯғи маърифат» дар пойтахт оғоз гардид. Дар маросими оғози даври шаҳрии озмуни мазкур роҳбарияти шаҳри Душанбе, намояндагон аз вазорату идораҳо, ҳайати ҳакамони озмун ва иштирокчиён иштирок намуданд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Гуфта шуд, ки озмун имсол бо якчанд имконият амалӣ мегардад. Аз ҷумла, ҷиҳати ҷалби васеи иштирокчиён ба озмуни мазкур соли 2023 дар ҳамаи номинатсияҳо ғолибони ҷойи 3-юм аз ду нафар ба се нафар расонида шуда, шумораи ҷойҳои ифтихорӣ аз рӯйи ҳар номинатсия ба 6 адад расид.

Дар ин замина, шумораи мукофоти пулӣ барои омӯзгороне, ки шогирдонашон дар даври чоруми озмун ҷойҳои 1, 2, 3 ва Шоҳҷоизаро соҳиб мешаванд, 49-то зиёд шуда, дар маҷмуъ ба 84 адад расид.

Ҳамин тавр, иштирокчиёни даври шаҳрии озмун ба аъзои ҳакамон маҳорату малакаи хешро нишон доданд.

Бояд тазаккур дод, ки Озмуни ҷумҳуриявии «Илм-фурӯғи маърифат» соли сеюм аст, ки таҳти сарпарастии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат доир мегардад.

Даври шаҳрии Озмуни ҷумҳуриявии «Илм-фурӯғи маърифат» дар пойтахт то 30 сентябр идома меёбад.

ДУШАНБЕ, 03.09.2023 /НИАТ «Ховар»/. VII Международный фестиваль театров кукол «Чодари хаёл» пройдёт с 24 по 29  октября в Душанбе. Об этом сообщили в Государственном театре кукол «Лухтак» города Душанбе.

«Главная цель фестиваля — укрепление сотрудничества в  области театрально-кукольного искусства, возрождение и развитие традиционного театра кукол древнего    таджикского народа, а также улучшение эстетического воспитания и расширение мировоззрения подрастающего поколения», — сообщили в театре.

Участники фестиваля — профессиональные театры кукол Содружества Независимых Государств, а также кукольники   дальнего зарубежья. В этом году зрители и гости столицы смогут насладиться самыми яркими, необычными и зрелищными постановками из России, Казахстана, Узбекистана, Ирана. Впервые на фестивале выступят студенты кукольного отделения Туркменского государственного института культуры Ашхабада (Туркменистан).

По инициативе Министерства культуры Республики Таджикистан и при поддержке Правительства Республики Таджикистан, начиная с 2007 года, Государственный театр кукол провел уже шесть международных фестивалей.

ДУШАНБЕ, 25.09.2023 /АМИТ «Ховар»/. «Ба Феҳристи мероси ҷаҳонии ЮНЕСКО ворид гардидани мамнуъгоҳи «Бешаи палангон» дар номинатсияи «Ҷангали туғайи мамнуъгоҳи Бешаи палангон» барои Тоҷикистон дар солҳои Истиқлолияти давлатӣ ҷиҳати баланд бардоштани мавқеи ҷумҳуриамон дар раддабандиҳои байналмилалӣ дастоварди бузург аст». Чунин иброз намуд зимни суҳбат ба хабарнигори АМИТ «Ховар» муовини сардори «Муассисаи давлатии ҳудудҳои табиии махсус муҳофизатшаванда»-и Кумитаи ҳифзи муҳити зисти назди Ҳукумати ҷумҳурӣ Наҷмиддин Наҷмиддинов.

Идома

ДУШАНБЕ, 25.09.2023. /АМИТ «Ховар»/. Мураббии муассисаи таҳсилоти томактабии №119-и ноҳияи Фирдавсии шаҳри Душанбе Шукрона Мадиева ғолиби даври ҷумҳуриявии озмуни «Мураббии соли Тоҷикистон-2023» гардид. Дар ин  хусус ба АМИТ «Ховар» дар  Сарраёсати маорифи шаҳри Душанбе  хабар доданд.

Озмун аз 21 то 23 сентябр баргузор гардида, дар он 5 нафар: мураббии муассисаи таҳсилоти томактабии №24-и шаҳри Бохтари вилояти Хатлон Мастура Алимзода,  мураббии кӯдакистони №4-и ноҳияи Бобоҷон Ғафурови вилояти Суғд Марҳабо Бобоҷонова, мураббии муассисаи таҳсилоти томактабии №8-и шаҳри Ҳисор Фариза Ғафурова,  мураббии муассисаи таҳсилоти томактабии №119-и ноҳияи Фирдавсии шаҳри Душанбе  Шукрона Мадиева, мураббии кӯдакистони №5-и шаҳри Хоруғи Вилояти Мухтори Кӯҳистони Бадахшон Саврина Оҷибангиева иштирок намуда, аз рӯйи шаш шарт ҳунару маҳорат нишон доданд.

Озмун аз рӯйи 6 шарт: муаррифии фаъолияти педагогӣ, дониш ва маҳорати касбии мураббӣ, мизи мудаввар, машғулияти таълимӣ, тасвир намудан ва сохтани манзара бо дархости ҳайати доварон ва таҳлили ҳолатҳои равонӣ доир шуд.

Мақсад аз гузаронидани озмун- баланд бардоштани мақом ва сатҳу сифати таҳсили томактабӣ, нишон додани мавқеъ ва маҳорати мураббиён дар пешрафти ҷомеаи кунунӣ, табодули таҷриба ва ҳавасмандгардонии онҳо ба шумор меравад.

Маросими ҷоизасупорӣ ба иштирокчиён ва ғолиби озмун 30 сентябр зимни таҷлили Рӯзи омӯзгор баргузор мегардад.

ДУШАНБЕ, 25.09.2023. /АМИТ «Ховар»/. Чемпионати кушоди шаҳри Душанбе оид ба таэквондо WT байни писарон ва духтарон барои дарёфти «Ҷоми Раиси шаҳри Душанбе» ҷамъбаст гардид. Дар ин хусус ба АМИТ «Ховар» дар Раёсати кор бо ҷавонон ва варзиши шаҳри Душанбе хабар доданд.

Ҳадаф аз баргузории мусобиқа- рушди соҳаи варзиш дар пойтахт, ҷалби наврасону ҷавонон ба намуди варзиши таэквондо, алалхусус духтарон, инчунин самараноку мақсаднок истифода намудани иншооти варзишии пойтахт мебошад.

Мусобиқаи варзишӣ дар толори варзишии КВД «Қасри теннис»-и Мақомоти иҷроияи ҳокимияти давлатии шаҳри Душанбе бо иштироки муовини Раиси шаҳри Душанбе Дилбар Одилзода, муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбезода, сардори Раёсати кор бо ҷавонон ва варзиши шаҳри Душанбе Шоҳзод Раҳимзода ва дигар масъулини соҳаи варзиш доир гардид.

Мусобиқа 23-24 сентябр доир шуда, дар он варзишгарон барои дарёфти “Ҷоми Раиси шаҳри Душанбе” байни ҳам сабқат намуданд.

Дар охири мусобиқа ғолибон муайян гардиданд. Ҳамин тавр, варзишгарони дастаи Душанбе 1 бо “Ҷоми Раиси шаҳри Душанбе” ва дастаи Душанбе 2 бо медалҳои нуқра сарфароз гардонида шуданд.