Дар Муассисаи давлатии таълимии Литсейи барои хонандагони болаёқат дар шаҳри Душанбе даври сеюми олимпиадаи «Spelling bee» ва олимпиада оид ба шоҳмот байни хонандагони муассисаҳои таҳсилоти миёнаи умумии шаҳру ноҳияҳои тобеи ҷумҳурӣ баргузор гардид.Дар даври минтақавии олимпиадаҳои мазкур 178 нафар хонанда аз 13 муассисаҳои таҳсилоти миёнаи умумӣ ва инчунин аз муассисаҳои типпи нав иштирок намуданд. Бояд гуфт, ки дар олимпиадаи «Spelling bee» 85 нафар довталаб аз муассисаҳои таҳсилоти миёнаи умумӣ ва аз Гимназияву Литсей байни худ рақобати зеҳнӣ намуданд. Дар олимпиадаи шоҳмот 93 нафар хонанда аз 13 шаҳру ноҳияҳои тобеи ҷумҳурӣ ширкат варзиданд.
Раздел: Хабарҳо
«Нақши занон дар хизмати давлатӣ».
Дар Академияи идоракунии давлатии назди Президенти ҶТ бахшида ба Рӯзи Модар ҳамоиш дар мавзӯи «Нақши занон дар хизмати давлатӣ» баргузор гардид. Дар ин чорабинӣ фаъолзанон ва омӯзгорону донишҷӯёни Академияи мазкур иштирок ва дар мавзӯъҳои зан,модар, роҳбар, Зан ва Ваҳдат, суханронӣ намуданд. Тавре қайд гардид,имрӯз нақши занон дар баробари мардон дар сохторҳои гуногуни кишвар назаррас буда, дар рушду пешрафти давлат ҳиссаи муносиби хешро гузошта истодаанд.Айни замон шумораи умумии хизматчиёни давлатӣ 25 фоиз, аз ҷумла аз шумораи кадрҳои роҳбарикунанда қариб 20 фоизро занону духтарон ташкил медиҳанд.
Таҷлили рӯзи Модар дар Муассисаҳои томактабӣ.
Дар Муассисаи томактабии №112 ноҳияи Синои пойтахт бахшида ба Рӯзи Модар маҳфили адабӣ-фарҳангӣ баргузор гардид. Тадбири мазкур бо иштироки тарбиятгирандагон ва модарону мураббияҳо ҷараён гирифт. Хурдсолон бо лафзи ширини хеш дар васфи модар, «Ватан», «Баҳор» шеърҳо қироат намуданд. Инчунин дар бораи қадру манзалати модар саҳначаи тарбиявӣ низ иҷро карда шуд. Аз ҷониби дустрӯякон рақсҳои мавзун иҷро гардид, ки ба ҳозирин писанд омад.
Ғолибони мусобиқаи кушоди ҷумҳуриявӣ оид ба бокс муайян гардиданд.
Дар Муассисаи давлатии «Қасри теннис ва маҷмааи обӣ» -и шаҳри Душанбе Мусобиқаи кушоди ҷумҳуриявӣ оид ба бокс байни калонсолон ( мардон ва бонувон ) баргузор гардид. Мусобиқаи кушоди ҷумҳуриявӣ оид ба бокс нахустин сабқати расмӣ дар мавсими нав маҳсуб ёфта, тўли 3 рўз идома кард. Дар натиҷа миёни бонувон Миҷгона Самадова, Шоира Зулқайнарова, Нигора Олимова, Мавлуда Абдуллозода, Гулафзо Қақназарова дар вазнҳои худ чемпион шуданд. Байни мардон Шаббос Неъматуллоев, Меҳрон Шафиев, Баҳодур Усмонов, Меҳроб Ҳамидов , Меҳроҷ Зоидов, Воҳид Асроров, Бахтовар Сагизов, Некрӯз Салимов зафар ёфтанд.
Оғози курси омӯзишии «Ҷавонон-пайрави Пешвои миллат».
Дар толори Кумитаи миллии олимпии Тоҷикистон бо иқдоми Кумитаи кор бо ҷавонон ва варзиши назди Ҳукумати ҶТ дар доираи «Барномаи миллии рушди иҷтимоии ҷавонон дар ҶТ барои солҳои 2022-2026» курси омӯзишии «Ҷавонон-пайрави Пешвои миллат» баргузор гардид. Ба курси омӯзишӣ 50 нафар донишҷӯёни фаъоли муассисаҳои олии кишвар ба муҳлати се моҳ ҷалб гардиданд. Баъди анҷоми курси мазкур иштирокчиён бо шаҳодатномаи хатм сарфароз гардонида мешаванд.
Оғози марҳилаи асосии бақайдгирии довталабон барои иштирок дар ИМД дар соли 2023.
Шурӯъ аз 1 март марҳилаи асосии бақайдгирии довталабон барои иштирок дар Имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2023 оғоз гардид. Ёдовар мешавем, ки марҳалаи номнависӣ дар 59 шаҳру ноҳияи интихобшудаи ҷумҳурӣ ба роҳ монда мешавад. Аз ин миқдор шаҳру ноҳияи ҷумҳурӣ соли ҷорӣ дар 44-тои онҳо 49 нуқтаи доимии бақайдгирӣ ва дар 15-тои дигари онҳо нуқтаҳои сайёри бақайдгирии довталабон барои иштирок дар имтиҳонҳои марказонидаи дохилшавӣ фаъолият мекунанд. Довталабон дар интихоби ихтисосҳо озод буда, чун солҳои пеш, то 12 комбинатсияи ихтисоси ба худ писандро танҳо аз як гуруҳи ихтисосҳо интихоб карда метавонанд. Муҳлати марҳалаи асосии бақайдгирӣ то 30-юми апрел муқаррар гардидааст.
Омӯзиши илмҳои дақиқ дар муассисаҳои типпи нав.
Вобаста ба омӯзиши бистсолаи илмҳои дақиқ омӯзгорони литсейи Донишгоҳи байналмилалии сайёҳӣ ва соҳибкории Тоҷикистон чораю тадбирҳои мушаххас андешида, фаъолияти хешро тибқи талаботи замони муосир ба роҳ монда аз роҳу усул ва барномаҳои нави таълимӣ истифода намуд,ки дар натиҷа ба натиҷаҳои назаррас ноил гардид. Айни замон дар Литсейи мазкур 630 хонанда ба таълим фаро гирифта шуда, ба онҳо 38 нафар омӯзгори соҳибтаҷриба ва сохибтахассус таълиму тарбия медиҳанд. Бояд қайд намуд, ки таълимгирандагони Литсейи номбаршуда дар олимпиадаи фаннӣ дар даври шаҳрӣ 16 нафар ширкат варзида, 3 нафари онҳо ба даври ҷумҳуриявӣ роҳхат гирифтанд.
Омӯзиши фанни технологияи иттилоотӣ.
Дар МТМУ №70 пойтахт дарси технологияи иттиллоотӣ тибқи талаботи замони муосир ба роҳ монда шудааст. Ба иттилои масъулин дар таълимгоҳ 2 синфхонаи технологияи иттилоотӣ мавҷуд буда, бо тахтаҳои электронӣ муҷаҳҳаз гардонида шудаанд. Мавриди зикр аст, ки муассиса дорои 125 адад компютер буда, хонандагон ба компютерхо дастрасӣ доранд. Иштироки хонандагони талимгоҳ дар озмуну олимпиадаҳо низ назаррас мебошад. Аз ҷумла, 5 нафар хонанда дар даври ноҳиявӣ ва 3 нафар хонандаи дигар дар даври шаҳрии олимпиадаи фаннӣ иштирок намуда, сазовори ҷойҳои намоён гардидаанд.
Ҷалби кӯдакон ба тарзи ҳаёти солим.
Дар Мактаби ҷумҳуриявии маҳорати олии варзишӣ оид ба якҳарбаҳои шарқӣ мусобиқаи шаҳрӣ оид ба каратэ-кёкушинкай миёни кӯдакону наврасон баргузор гардид. Дар натиҷа Муҳаммад Шарифов миёни муҳорибачиёни 9 то 10 сола ҷои аввалро ишғол намуд. Самир Раҳмонов дар байни варзишгарни 9 то 10 сола қаҳрамон шуд. Шаҳром Худойдодов дар вазни 28 кг, Билол Саидов дар вазни то 28 кг, Раҳим Алиев дар вазни то 24 кг ҷои аввалро соҳиб шуданд. Дар вазни 35 кг Сафо Назарамонов ҷои аввалро касб намуд. Миёни варзишгарони 14 то 15 сола мақоми аввал насиби Комрон Назаров гардид. Дар байни варзишгарони 10-11 сола Муҳаммад Раҳимзода аз ҳама пештар шаҳди пирӯзиро чашид. Муҳаммад Фидоев дар вазни то 30 килло зафар ёфт.
Роҳандозии семинар-машварати равоншиносон дар Кӯдакистонҳо.
Семинар-машварати равоншиносони Кӯдакистонҳои ноҳияи Исмоили Сомонӣ дар асоси нақшачорабиниҳои Раёсати маорифи шаҳри Душанбе ва шуъбаи маорифи ноҳияи мазкур, дар як моҳ ду маротиба баргузор карда мешавад. Чорабинии навбатӣ дар Муассисаи томактабии рақами 3-и ноҳияи Исмоили Сомонӣ бо иштироки равоншиносони Кӯдакистонҳои ҳудуди ноҳия сурат гирифт. Дар доираи семинар нахуст машғулияти омӯзишӣ бо иштироки тарбиятгирандагон дар мавзуъи «Об манбаи ҳаёт» баргузор гардида, дар ҷараёни он кӯдакон фаъолона иштирок намуданд.
