         |
ДУШАНБЕ, 30.11.2023. /АМИТ «Ховар»/. Дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон масъалаи маблағгузории иловагӣ ба лоиҳаи фарогирӣ бо хизматрасонии босифати тиббӣ дар 3 ноҳияи таҷрибавӣ- Дарвоз, Данғара ва Айнӣ мавриди барассӣ қарор дода шуд. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
ДУШАНБЕ, 30.11.2023. /АМИТ «Ховар»/. 30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Конфронси 28-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим ба шаҳри Дубайи Амороти Муттаҳидаи Арабӣ сафар намуданд.
ИдомаДУШАНБЕ, 29.11.2023 /АМИТ «Ховар»/. Имрӯз дар шаҳри Душанбе маросими ҷоизасупорӣ ба ғолибони Озмуни ҷумҳуриявии «Беҳтарин содироткунандаи Тоҷикистон» баргузор шуд, ки дар он 51 субъекти ватанӣ ғолиб дониста шуда, ҳавасманд гардиданд. Дар ин хусус ба АМИТ «Ховар» дар Агентии содироти назди Ҳукумати Ҷумҳурии Тоҷикистон хабар доданд.
ДУШАНБЕ, 29.11.2023. /АМИТ «Ховар»/. Дар деҳаҳои Чинор ва Ҳалқарӯди Ҷамоати деҳоти Ориёни шаҳри Ҳисор ду бинои иловагии мактабҳо дар назди муассисаҳои таҳсилоти миёнаи умумии рақамҳои 61 ва 65 ифтитоҳ ёфт. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор хабар доданд.
То оғози фасли дай рӯзҳои ба шумор боқӣ мондааст. Ва омодагиҳо ҷиҳати бе мушкилӣ паси сар намудани он дар Муассисаҳои таълимию томактабии кишвар ҳанӯз аз фасли тобистон рӯи кор гирифта шуд. Гуруҳи эҷодии барнома барои мушаххас намудани ин масъалаи муҳим аз Муассисаи томактабии рақами 50-уми назди Сарраёсати маорифи шаҳри Душанбе дидан ба амал овард. Тавре маълум гардид, дар Муассиса омодагӣ ба мавсими сармо ҳанӯз аз моҳи марти соли равон оғоз ёфта, тамоми гуруҳҳо ва роҳраву ошхона аз таъмирӣ ҷорӣ бароварда шудааст. Ба мавсими сармо 200 литр сӯзишворӣ, инчунин 5 куб ҳезум, 500 кг ангишт захира гардидааст. 4 гуруҳи Кӯдакистон бо фурӯзонакҳои каммасраф, гармикунакҳои барқӣ ва батареяҳо таъмин карда шуда, тирезаҳо дуқабата шишабандӣ шудаанд. Захираи хӯрока ва донагиҳо, инчунин пиёзу картошка, гӯшту равған , маҳсулоти ширӣ ва дигар маҳсулот сари вақт ҳар ҳафта таъмин карда мешавад.
Чорабинии варзишӣ, ки бо ташаббуси Раёсати маорифи шаҳри Ҳисор дар ҳамбастагӣ бо бахши ҷавонон ва варзиши шаҳр роҳандозӣ гардид, ба Рӯзи Парчами давлатӣ бахшида шуд. Дар мусобиқаи футболи хурд, ки беш аз 50 дастаро аз Муассисаҳои таълимии ҳудуди шаҳр ҷамъ овард, дар чор майдон: сунъӣ, майдонҳои кушода ва болопўш гузаронида шуд. Ва бар асоси низомномаи сабқати футболи хурд танҳо дастаи ғолиб имкони идома додани муборизаро пайдо месозаду халос. Ҳамин тавр, барои ҷои сеюм дастаи МТМУ рақами 21 бо Гимназия барои хонандагони болаёқати шаҳри Ҳисор бозӣ кард. Дар натиҷа дастаи Гимназия ғолиб омад. Барои ишғол намудани мақоми аввали сабқат дастаҳои МТМУ рақами 3 ва МТМУ рақами 53 бо ҳам талош варзиданд. Ҳамин тариқ дастаи МТМУ №3 бо ҳисоби 1 бар 0 зафар ёфта, соҳиби ҷоми таъсис намудаи кумитаи тадорукот гардид.
ДУШАНБЕ, 29.11.2023. /АМИТ «Ховар»/. Сарояндаи хушовози тоҷик, ғолиби озмуни «Ну-ка, все вместе!» Фаррух Ҳасановро шоми 28 ноябр дар фурудгоҳи Душанбе пешвоз гирифтанд, иттилоъ медиҳад АМИТ «Ховар».
ДУШАНБЕ, 29.11.2023. /АМИТ «Ховар»/. Бо мақсади омӯзиши таҷрибаи пешқадам дар доираи шартномаҳои байналмилалӣ таҷрибаомӯзии навбатии устодони Донишгоҳи давлатии омӯзгории Тоҷикистон ба номи Садриддин Айнӣ дар Ҷумҳурии Беларус оғоз шуд, хабар доданд ба АМИТ «Ховар» дар Донишгоҳи давлатии омӯзгорӣ.
Ин навбат декани факултети таърих ва ҳуқуқ Давлатхон Назарзода, декани факултети математика Умар Зеваршозода дар Донишгоҳи давлатии омӯзгории Беларус ба номи Максим Танк ҷиҳати таҷрибаомӯзӣ ва табодули таҷриба қарор доранд.
Дар асоси нақшаи раёсати Донишгоҳи давлатии омӯзгории Тоҷикистон омӯзгорону деканони факултетҳо давра ба давра дар донишгоҳҳои олии хориҷи мамлакат табодули таҷриба менамоянд.
ДУШАНБЕ, 28.11.2023. /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Шурои машваратӣ оид ба беҳтар намудани фазои сармоягузорӣ муҳтарам Эмомалӣ Раҳмон дар ҷаласаи XXIII Шуро иброз доштанд, ки бояд дар мамлакат сафи соҳибкорзанон зиёд шавад.
Идома
ДУШАНБЕ, 28.11.2023 /АМИТ «Ховар»/. Аз 27 ноябр то 2 декабр дар шаҳри Душанбе бо ташаббуси Академияи миллии илмҳои Тоҷикистон Мактаби химикони давлатҳои иштирокчии Иттиҳоди Давлатҳои Мустақил таҳти унвони «Дастовардҳои муосири илм ва технологияи химия» мегузарад. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Идома