Раздел: Хабарҳо

Бо мақсади санҷидани қобилияту маҳорати суханварии дӯстрӯякон таи чанд соли  охир дар 4 ноҳияи шаҳри Душанбе бо ибтикори Масъулини мақомоти иҷроияи ҳокимияти давлатии шаҳри Душанбе ва Сарраёсати маорифи пойтахт миёни тарбиятгирандагони Муассисаҳои томактабӣ озмуни «Доноякон» роҳандозӣ мегардад. Даври ноҳиявии озмун бо дастгирии шуъбаи маорифи ноҳияи Исмоили Сомонии шаҳри Душанбе бо иштироки тарбиятгирандагони 12-Муассисаи томактабии  ноҳияи мазкур дар Муассисаи томактабии рақами 15-уми ноҳияи номбаршуда, ҷараён гирифт. Бояд қайд намуд, ки довталабони озмун нахуст, маҳорати хешро аз рӯи шарти шеърхонӣ санҷиданд. Натиҷаи  озмун аз рӯи холҳои ба дастовардаи  довталабон бо пешниҳоди аъзои ҳакамон рӯзҳои наздик маълум гардида, ғолибон ба даври шаҳрии озмун роҳхат  мегиранд.

Имрӯзҳо мусобиқаи ҷумҳуриявӣ оид ба шоҳмот ва шашка дар Маҷмааи варзишии Борбади ш. Душанбе дар сатҳи хуб ҷараён гирифта истодааст. Мусобиқаи варзишӣ барои дарёфти ҷоми "Пешвои миллат" бо ташаббуси Кумитаи кор бо ҷавонон ва варзиши назди Ҳукумати ҶТ ва Федератсияи шоҳмоти Тоҷикистон роҳандозӣ гардид. Ёдовар мешавем, ки даври шаҳрии сабқати мазкур аз санаи 24-уми моҳи ноябр оғоз гардида, то 30-юми моҳи равон идома ёфт. Даври ҷумҳуриявӣ бошад то санаи 9-уми моҳи равон идома карда, 8 даста ширкат хоҳанд намуд. Тибқи иттилои масъулини соҳа дар даври ниҳоии ин мусобиқа зиёда аз 160 нафар аз вилоятҳои Суғду Хатлон, ВМКБ ва шаҳру навоҳии тобеи ҷумҳурӣ миёни ҳам сабқати зеҳнӣ менамоянд. Мусобиқа аз рўйи системаи швейтсарӣ  сурат мегирад.

ДУШАНБЕ, 06.12.2023 /АМИТ «Ховар»/. Имрӯз, 6 декабр зимни иҷлосияи 18-уми Кумитаи байниҳукуматӣ оид ба ҳифзи мероси фарҳангии ғайримоддии ЮНЕСКО номинаи муштараки Ҷумҳурии Тоҷикистон ва Ҷумҳурии Исломии Эрон «Ҷашни Сада» ба Феҳристи мероси ғайримоддии башарият ворид гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Идома

ДУШАНБЕ, 06.12.2023 /АМИТ «Ховар»/. 5 декабр номинаи муштараки Ҷумҳурии Тоҷикистон, Ҷумҳурии Исломии Эрон, Ҷумҳурии Озарбойҷон, Ҷумҳурии Узбекистон ва Ҷумҳурии Туркия «Тазҳиб – санъати зарҳалкорӣ» ба Феҳристи мероси ғайримоддии башарияти ЮНЕСКО ворид шуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Идома

ДУШАНБЕ, 06.12.2023. /АМИТ «Ховар»/. Бахшида ба Рӯзи байналмилалии волонтёрон, ки ҳамасола 5 декабр бо баргузории ҳамоишу чорабиниҳои гуногун мегузарад, дар шаҳри Душанбе таҳти унвони «Ҷавонон — ояндаи давлат» Форуми миллии волонтёрон идома дорад, хабар доданд ба АМИТ «Ховар» дар Кумитаи кор бо ҷавонон ва варзиш.

Идома

ДУШАНБЕ, 05.12.2023. /АМИТ «Ховар»/. Варзишгари шинохтаи тоҷик Фариноз Абдуллоева дар Чемпионати ҷаҳон оид ба бокс миёни наврасон ба гирифтани медали нуқра мушарраф гардид. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.

Идома

ДУШАНБЕ, 05.12.2023. /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон имрӯз зимни суханронӣ дар Симпозиуми байналмилалӣ ба ифтихори 115-солагии академик Бобоҷон Ғафуров дастур доданд, ки ба хотири огоҳии ҳарчи бештари мардум аз таъриху фарҳанг ва тамаддуни аҷдодони хеш «Шоҳнома»-и безаволи Абулқосим Фирдавсӣ нашр ва ба тамоми мардуми мамлакат дастрас шавад, иттилоъ медиҳад АМИТ «Ховар».

Идома

05.12.2023, шаҳри Душанбе

Ҳамватанони азиз!

Меҳмонони олиқадри Симпозиуми байналмилалии «Бобоҷон Ғафуров – бузургтарин муҳаққиқ ва муаррифгари таърихи халқи тоҷик»!

Хонумҳо ва ҷанобон!

Дар таърихи зиёда аз шашҳазорсолаи миллати тоҷик садҳо чеҳраҳои мондагоре ҳастанд, ки нақши онҳо барои пойдории миллат, посдории илму фарҳанг, худшиносиву худогоҳии мардум ва ободии сарзамини аҷдодӣ басо арзишманд мебошад.

Идома

ДУШАНБЕ, 05.12.2023. /АМИТ «Ховар»/. Аз нимаи дуюми солҳои 30-юм фаъолияти сиёсии Бобоҷон Ғафуров оғоз мегардад ва дар ин давра ӯ дар вазифаҳои гуногуни ҳизбиву давлатӣ кор намуда, то мақоми роҳбари аввали ҷумҳурӣ, яъне котиби якуми Кумитаи марказии ҳизби ҳокими вақт интихоб мешавад. Бобоҷон Ғафуров нахустин тоҷике буд, ки пас аз ташкилёбии Ҷумҳурии Шӯравии Сотсиалистии Тоҷикистон ба чунин мақоми баланди сиёсӣ интихоб ва таъин гардидааст, иброз доштанд Президенти Тоҷикистон муҳтарам Эмомалӣ Раҳмон имрўз зимни суханронӣ дар Симпозиуми байналмилалии «Бобоҷон Ғафуров – бузургтарин муҳаққиқ ва муаррифгари таърихи халқи точик», ба ифтихори 115-солагии академик Бобоҷон Ғафуров.

Идома

ДУШАНБЕ, 05.12.2023. /АМИТ «Ховар»/. Мехоҳам як нуктаи муҳимро хотирнишон намоям, ки илова ба иҷрои вазифаҳои гуногуни роҳбарӣ маҳз Бобоҷон Ғафуров пас аз устод Садриддин Айнӣ ба таҳқиқи мукаммали таъриху тамаддуни тоҷикон иқдом намудааст. Ин матлабро Президенти Ҷумҳурии Тоҷикистон Эмомалӣ Раҳмон зимни суханронӣ дар Симпозиуми байналмилалии «Бобоҷон Ғафуров – бузургтарин муҳаққиқ ва муаррифгари таърихи халқи точик», ба ифтихори 115-солагии академик Бобоҷон Ғафуров, ки имрўз дар шаҳри Душанбе доир шуд, баён намуданд.

Идома