Перейти к содержимому
 

ДУШАНБЕ, 28.10.2023. /АМИТ «Ховар»/. 28 октябр дар Китобхонаи миллии Тоҷикистон таҳти раёсати муовини Сарвазири мамлакат, раиси Комиссияи Озмуни ҷумҳуриявии «Фурӯғи субҳи доноӣ китоб аст» Матлубахон Сатториён ҷаласаи кории ҳайати комиссияи ҷумҳуриявӣ баргузор гардид.

Идома

ДУШАНБЕ, 27.10.2023. /АМИТ «Ховар»/. Бо ташаббуси раёсати Донишгоҳи миллии даври омӯзишии «Зан-сарвар» оғоз  гардид, ки дар он беш аз 100 донишҷӯдухтари фаъоли донишгоҳ иштирок менамояд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.

Идома

ДУШАНБЕ, 27.10.2023. /АМИТ «Ховар»/. 30 октябр дар шаҳри Душанбе даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад. Дар даври ҷумҳуриявии озмун 528 нафар иштирок намуда, ҳунару истеъдоди худро ба ҳакамон нишон медиҳанд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Идома

ДУШАНБЕ, 27.10.2023 /АМИТ «Ховар»/. 26 октябр Раиси вилояти Хатлон Давлаталӣ Саид дар ноҳияи Шамсиддини Шоҳин бо вазъи будубоши тарбиятгирандагони Мактаб- интернати ҷумҳуриявӣ барои кӯдакони ятим шинос шуд. Дар ин хусус АМИТ «Ховар» бо истинод ба  шуъбаи иттилоотию таҳлилии дастгоҳи Раиси вилояти Хатлон хабар медиҳад.

Идома

ДУШАНБЕ, 27.10.2023 /АМИТ «Ховар»/. 26 октябр дар муассисаҳои илмию таҳқиқотии Академияи миллии илмҳои Тоҷикистон ва Донишгоҳи миллии Тоҷикистон рӯзи чоруми Озмуни ҷумҳуриявии «Илм – фурӯғи маърифат» аз рӯи номинатсияҳои «математика», «физика ва астрономия», «химия», «биология», «география», «технологияи иттилоотӣ», «ихтироъкорӣ ва навоварӣ ҷамъбаст гардид. Имрӯз дар Академияи миллии илмҳои Тоҷикистон қабул ва баррасии муроҷиатҳо (апеллятсия) баргузор шуда, ғолибон муайян мегарданд. Пагоҳ, 28 октябр дар Театри давлатии академии опера ва балети ба номи Садриддин Айнӣ маҷлиси тантанавӣ баргузор шуда, ба ғолибони озмун ҷоизаҳо супорида мешаванд.

Идома

26 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Чоргултеппаи ноҳияи Рӯдакӣ Корхонаи истеҳсоли пойафзоли Ҷамъияти дорои масъулияти маҳдуди “Сарҷамъ”-ро мавриди истифода қарор доданд.

Идома

26 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ ба ноҳияи Рӯдакӣ, бинои маъмурии Кумитаи иҷроияи Ҳизби Халқии Демократии Тоҷикистон дар ноҳияи Рӯдакиро мавриди истифода қарор доданд.

Иншоот бо дарназардошти талаботи замони муосир дар масоҳати умумии 7 садяк замин бунёд шудааст. Масоҳати худи бино бо назардошти иншооти ёрирасон 125 метри мураббаъро ташкил медиҳад.

Корҳои сохтмонӣ дар иншоот соли 2021 оғоз гардида, он аз ҳисоби маблағҳои Кумитаи Иҷроияи Марказии Ҳизби Халқии Демократии Тоҷикистон, Мақомоти иҷроияи ҳокимияти давлатии ноҳияи Рӯдакӣ ва бо ҷалби аъзои фаъоли ҳизб-соҳибкорони маҳалливу шахсони саховатпеша бунёд ёфтааст. Пудратчии иншоот Ҷамъияти дорои масъулияти маҳдуди “Ёсин-сохтмон” буда, дар рафти корҳои созандагӣ сохтмончиёни маҳаллӣ ба кор ҷалб шудаанд.

Иншоот аз се ошёна иборат буда, қабати якум аз китобхона бо 1500 нусха адабиёти классику муосир, шуъбаи таблиғот ва иттилоот, утоқи қабули шаҳрвандон иборат буда, ошёнаи дуюм ва сеюмро утоқҳои корӣ, маъмурият, маҷлисгоҳ бо дарназардошти 100 ҷойи нишаст ташкил медиҳад.

Пешвои миллат муҳтарам Эмомалӣ Раҳмон зимни боздид ба сифати корҳои бунёдӣ баҳои баланд дода, масъулинро ҷиҳати беҳтар намудани фаъолияти корӣ ва амалӣ намудани ҳадафҳову барномаҳои оинномавии ҳизб муваззаф намуданд.

26 октябр дар доираи сафари корӣ дар ноҳияи Рӯдакӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боғи фарҳангию фароғатии ноҳия бо зиёда аз 60 нафар ятими кулл аз ноҳияи Рӯдакӣ мулоқот доир намуда, ба онҳо туҳфаҳо тақдим карданд.

Идома

26 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Рӯдакӣ бо лоиҳаи муфассали банақшагирии ҷамоатҳои шаҳраки Сомониён, Мирзо Турсунзода, Навобод, деҳоти Роҳатӣ ва Чортеппа шинос шуданд.

Идома

26 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Рӯдакӣ Боғи фарҳангию фароғатиро баъди таҷдиду навсозӣ мавриди баҳрабардорӣ қарор доданд.

Идома