Қулфинай дар шоколад.
«Пайроҳаи умед»
Муслиҳиддин Раҳимхӯҷаев.
«Консерт»
Бахшида ба Рӯзи ҷавонон.
«Ҳафтранг»
Гурбача.
«Анонс»
«Дар меҳмонии ТВБ» - Мавлона Наҷмиддинова.
Маҳфили «Суханреза».
Дар Китобхонаи давлатии бачагонаи ҷумҳуриявии ба номи Мирсаид Миршакар бо иштироки адибаи хушбаён Гулчеҳра Муҳаммадиева маҳфили навбатии «Суханреза» баргузор гардид. Ҳамзамон дар ин чорабинӣ омӯзгорону хонандагони Муассисаҳои таълимии шаҳри Душанбе ширкат варзида, аз осори ин шоира бори дигар хабардор гардиданд. Дар маҳфили адабӣ гуфта шуд, ки осори эҷоднамудаи шоир, ки аллакай рӯйи чоп омадааст ба 28 адад расидааст. Дар идомаи чорабинӣ хонандагони Муассисаи таҳсилоти миёнаи умумии рақами 122-и ноҳияи Фирдавсии шаҳри Душанбе баромад намуда, бо барномаи хотирмони худ, ки саршор аз осори шоир буд, хотири аҳли нишастро болида гардониданд.
Оғози даври ноҳиявии озмуни «Мураббии сол-2023».
Дар Муассисаи томактабии рақами 128-уми ноҳияи Фирдавсии шаҳри Душанбе даври ноҳиявии озмуни «Мураббии сол-2023» баргузор гардид. Дар ин озмун ғолибони марҳилаи якум ширкат варзида, аз рӯйи шартҳои пешниҳодшуда донишу малакаи худро нишон доданд. Гуфта шуд, ки даври аввали озмуни мазкур дар Муассисаҳои томактабии ноҳия гузаронида шуда, аз миёни онҳо 19 нафар беҳтарин дониста шуданд ва ба марҳилаи ноҳиявӣ роҳ ёфтаанд. Хотиррасон менамоем, ки даври ноҳиявии озмуни «Мураббии сол-2023» дар ноҳияи Фирдавсии пойтахтро ҳайати ҳакамон пурра баҳогузорӣ карда, рафти он 1 рӯз идома меёбад ва беҳтаринҳо ба даври шаҳрӣ роҳхат мегиранд.
Пагоҳ хонандагони синфҳои 1-уми муассисаҳои таҳсилоти умумии Тоҷикистон ба таътили тобистона мебароянд.
ДУШАНБЕ, 25.05.2023 /АМИТ «Ховар»/. Имрӯз дар Тоҷикистон машғулияти таълимӣ дар муассисаҳои таҳсилоти умумӣ, новобаста аз шакли ташкилию ҳуқуқӣ барои хонандагони синфи 1-ум ба анҷом мерасад. Дар ин хусус ба АМИТ «Ховар» котиби матбуоти Вазорати маориф ва илми Ҷумҳурии Тоҷикистон Наврӯзи Мирзо хабар дод.
Машғулияти таълимӣ барои хонандагони синфҳои 2-11 1 июни соли 2023 ба анҷом мерасад.
Тибқи иттилои манбаъ, бо мақсади анҷом ёфтани соли таҳсили 2022-2023 фармоиши Вазири маориф ва илми Ҷумҳурии Тоҷикистон «Оид ба анҷоми соли таҳсили 2022-2023, аттестатсияи аз синф ба синф гузаронидан ва хатм дар муассисаҳои таҳсилоти умумии Ҷумҳурии Тоҷикистон» ба тасвиб расид.
Аттестатсияи аз синф ба синф гузаронидани хонандагони синфҳои 4-8 ва 10-и муассисаҳои таҳсилоти умумӣ (рӯзона) аз 3 то 10 июн, инчунин аттестатсияи хатми синфҳои 9-и муассисаҳои таҳсилотӣ аз 3 то 15 июн ва аттестатсияи хатми синфҳои 11-и муассисаҳои таҳсилоти умумӣ аз 3 то 20 июн гузаронида мешавад.
Оғози даври ноҳиявии озмуни ҷумҳуриявии «Мураббии сол-2023».
Дар Муассисаи томактабии рақами 1-уми ноҳияи Шоҳмансури шаҳри Душанбе даври ноҳиявии озмуни Мураббии сол-2023 баргузор гардид. Довталабони озмун аз 10 Муассисаи томактабии ҳудуди ноҳияи Шоҳмансури шаҳри Душанбе ширкат варзида, дар назди ҳакамони озмун аз рӯи 10 шарти пешниҳодшуда, аз ҷумла намоиши дастовардҳои довталабон, ҳисоботи эҷодӣ, донистани ҳуқуқҳои меъёрии соҳаи маориф, маҳорати сухандонию суханварии довталаб, донистани муаммоҳои педагогӣ ва психологӣ, кор бо технологияи муосир, машғулият дар гуруҳ дониш ва маҳорати худро санҷиданд. Озмуни мазкур пас аз натиҷагирӣ ва саволу ҷавоб бо довталабон аз ҷониби аъзои ҳакамон ҷамъбаст гардида, ғолиб ба даври шаҳрии озмуни ҷумҳуриявии «Мураббии сол-2023» роҳхат мегирад.
Рӯзи Дави миллӣ.
Чун анъана Дави миллӣ аз маҳаллаи Чорбоғ шурӯъ шуда то Наврӯзгоҳи пойтахтамон идома ёфт, ки дар маҷмӯъ масофа 10 км-ро дарбар гирифт. Тибқи маълумоти Кумитаи кор бо ҷавонон ва варзиши назди Ҳукумати ҶТ дар Дави миллӣ 53 ҳазору 700 нафар шаҳрвандони касбу кори гуногун ва дар марафони велосипедронӣ 1560 кас иштирок намуд. Ёдовар мешавем, ки Дави миллӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола якшанбеи сеюми моҳи май дар ҷумҳурӣ гузаронида мешавад. Мақсад аз баргузории мусобиқа-таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ мебошад.
