Дар Муассисаи таҳсилоти миёнаи умумии №89-уми ноҳияи Синои шаҳри Душанбе барои омӯзиши фанҳои дақиқ, табиӣ ва риёзӣ шароити муносиб фароҳам оварда шудааст. Тибқи иттилои масъулин дар соли таҳсили 2021-2022 иштироки хонандагони таълимгоҳ дар озмуну олимпиадаҳои фаннӣ зиёд гардидааст. Аз ҷумла, 40 нафар хонанда дар олимпиадаҳои фаннӣ, 3-нафар хонанда дар озмуни ҷумҳуриявии «Фурӯғи субҳи доноӣ китоб аст» ва 3 – хонандаи дигар дар озмуни шаҳрии «Ту қалби Тоҷикистонӣ - Душанбе» ширкат варзида, сазовори ҷойҳои 1, 2, 3 ва ҷойҳои ифтихорӣ гардидаанд. Ҳамзамон 10 нафари дигар дар мусобиқаҳои варзишӣ иштирок намуда, бо медалу ифтихорнома қадрдонӣ гардидаанд. Бояд гуфт, ки маъмурият ва омӯзгорони таълимгоҳ мақсад доранд, ки дар соли таҳсили 2022- 2023 иштироки хонандагонро дар озмуну олимпиадаҳои мухталиф дучанд намоянд.
«Парчамбардорони Ватан»
«Ангубин»
Таҷлили Рӯзи Парчами давлатӣ дар пойтахти кишвар.
Бахшида ба Рӯзи Парчами давлатӣ бо ибтикори Мақомоти иҷроияи ҳокимияти давлатии шаҳри Душанбе дар Майдони Истиқлоли пойтахт ҳамоиши тантанавӣ баргузор гардид. Дар ҳамоиши мазкур намоядагони сохторҳои ҷумҳуриявию шаҳрӣ, роҳбарияту донишҷӯёни Донишгоҳу донишкадаҳо ва дигар қишрҳои ҷомеа ширкат доштанд. Ин ҷамъомади сатҳи баланд бо садо додани Суруди миллии Ҷумҳурии Тоҷикистон оғоз гардида, дар идома роҳпаймоии оммавии осоишта ҷараён гирифт. Бояд гуфт, ки ин роҳпаймоӣ аз майдони "Истиқлол" оғоз гардида, то саҳни «Боғи Парчами давлатӣ» идома ёфт. Дар қисмати дигар аз ҷониби сарбозону афсарон машқҳои низомӣ гузаронида шуд, ки иҷрои ҳар як амали он дар дили насли наврасу ҷавон меҳру муҳаббат ва садоқат ба ватанро бедор месозад. Қисмати фарҳангии чорабинӣ низ хотирмон ҷараён гирифта, аз ҷониби аҳли санъат барномаи идона пешниҳод карда шуд, ки писанди ҳамагон гардид.
Рӯзи Парчами давлатӣ муборак, хамкасбони муҳтарам!
Рӯзи Парчами давлатӣ муборак, ҳамкасбони муҳтарам. Бигузор Парчами давлатии Тоҷикистон ҳамчун ливои бахту озодӣ ва нишонаи соҳибдавлатии тоҷикон дар фазои беғубори кишварамон то абад парафшон бошад!
Тараннум ва арҷгузорӣ ба пораи нангу номуси миллат.
«Сафои саҳар»
«Лавҳа»
«Анонс»
Идомаи даври ниҳоии озмуни ҷумҳуриявии «Илм-фурӯғи маърифат» дар ш. Душанбе.
Давоми 3 рӯз аст,ки даври чоруми озмуни ҷумҳуриявии «Илм-фурӯғи маърифат» дар пойтахти азизамон шаҳри Душанбе ҷараён дорад. Ёдовар мешавем, ки имсол ба даври чоруми озмун 374 нафар роҳхат гирифт. Озмуни мазкур аз рӯи номинатсияи ихтироъкорӣ ва навоварӣ дар Институти геология, сохтмони ба заминҷунбӣ тобовар ва сейсмология доир гардида истодааст. Бояд гуфт, ки 66 нафар довталаб, 30 нафар хонанда, 17 нафар донишҷӯ ва 19 нафари дигар калонсолон аз рӯи номинатсияи ихтироъкорӣ ва навоварӣ дониши хешро месанҷанд. Бар асоси низомномаи озмун бо мақсади баҳогузорӣ намудан ба дониш, маҳорат ва малакаи довталабон аз ҷониби комиссияи озмун ҷадвали 10-хола муқаррар карда шудааст.
