ДУШАНБЕ, 31.08.2023. /АМИТ «Ховар»/. Дар солҳои истиқлоли давлатӣ дар Тоҷикистон 3430 муассисаи нави таълимӣ барои қариб якуним миллион хонанда сохта, ба истифода дода шудааст. Ҳол он ки дар 70 соли замони пеш аз истиқлол дар ҷумҳурӣ ҳамагӣ 3229 муассисаи таълимӣ бунёд гардида буд. Ин маълумот дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» 23 декабри соли 2022 дарҷ гардидааст.

Мавриди ёдоварист, ки танҳо имрӯз, 31 август дар пойтахти мамлакат бо иштироки Президенти мамлакат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ 6 муассисаи таҳсилоти миёнаи умумӣ бо 3 ҳазору 380 ҷойи нишаст ва 2 муассисаи томактабӣ барои 350 нафар мавриди баҳрабардорӣ қарор гирифт.

Бояд тазаккур дод, ки соли равон дар ҷумҳурӣ аз ҳисоби ҳамаи сарчашмаҳои маблағгузорӣ 30 муасисаи таълимӣ ва бинои иловагӣ дар назди 4 муассисаи таълимӣ барои 8632 ҷойи нишаст дар як баст сохта, ба истифода дода шуд.

Дар Паём ба Маҷлиси Олии Ҷумҳурии Тоҷикистон Президенти мамлакат муҳтарам Эмомалӣ Раҳмон иброз доштанд, ки «дар панҷ соли охир танҳо барои рушди соҳаҳои маориф ва тандурустӣ 36 миллиард сомонӣ равона гардида, ҳиссаи маблағгузории соҳаҳои иҷтимоӣ дар ҳаҷми умумии хароҷоти буҷети давлатӣ 44 фоизро ташкил кард. Дар ин давра аз ҳисоби ҳамаи сарчашмаҳои маблағгузорӣ 842 бинои муассисаи таълимӣ барои 382 ҳазор хонанда, аз ҷумла дар соли 2022-юм 190 бинои таълимӣ барои 87 ҳазор хонанда сохта, ба истифода дода шудааст. Бо вуҷуди ин, корҳои то имрӯз дар ин самт амалигардида ҳоло ҳам басанда нестанд».

Бо ҳамин мақсад дар соли таҳсили 2023-2024 дар қаламрави ҷумҳурӣ аз ҳисоби ҳамаи сарчашмаҳои маблағгузорӣ сохтмони 312 бинои муассисаи таълимӣ ва бинои иловагӣ дар назди муассисаҳои таълимӣ барои 68 ҳазору 138 ҷойи нишаст ба нақша гирифта шудааст.

Дар айни замон теъдоди муассисаҳои таҳсилоти умумӣ дар ҷумҳурӣ 3967 ададро ташкил медиҳад. Аз ин шумора 301 адад муассисаи таҳсилоти ибтидоӣ, 431 адад муассисаи таҳсилоти умумии асосӣ ва 3235 адад муассисаи таҳсилоти миёнаи умумӣ мебошанд. Теъдоди муассисаҳои типи нав 159 адад буда, аз ҷумла 76 гимназия ва 83 литсей сабт шудааст. Нисбат ба ҳамин давраи соли таҳсили 2021-2022 дар мамлакат 27 муассисаи таҳсилоти умумӣ зиёд шудааст.

Шумораи умумии хонандагон 2 миллиону 232 ҳазору 114 нафарро ташкил медиҳад, ки аз он 1 миллиону 79 ҳазору 197 нафар духтарон мебошанд.

Тибқи таҳлили оморӣ, имсол тақрибан 220 ҳазор кӯдак ҳамчун хонандаи синфи якум ба мактаб мераванд.

ДУШАНБЕ, 31.08.2023. /АМИТ «Ховар»/. Дар арафаи Рӯзи дониш аз ҷониби Мақомоти иҷроияи ҳокимияти давлатии шаҳри Ҳисор ба 45 нафар ятими кулл, ки бо амри тақдир аз падару модар маҳрум шудаанд, либосҳои мактабӣ тақдим шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор хабар доданд.

Иқдоми мазкур дар партави сиёсати ятимпарваронаи Ҳукумати Ҷумҳурии Тоҷикистон ва ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон амалӣ гардид.

Дар сиёсати иҷтимоии давлату ҳукумат, ки ба фароҳам овардани шароити зиндагии шоистаи мардум равона гардидааст, табақаҳои ниёзманди аҳолӣ, бахусус ятимону бепарасторон авлавият дошта,  мавқеи хосро сазовор ҳастанд.

Ятимони кулл ба Пешвои маҳбуби миллат ва мақомоти иҷроияи ҳокимияти давлатии шаҳр барои дастгириву ғамхориҳои пайваста изҳори миннатдорӣ намуда, азм намуданд, ки илмҳои муосирро аз бар менамоянд, донишманду бомаърифат ба воя расида, ба арзишҳои миллӣ, Истиқлолияти давлатӣ арҷ мегузоранд ва ба халқу Ватани хеш хизмати содиқона менамоянд.

ДУШАНБЕ, 31.08.2023 /АМИТ «Ховар»/. 30 август дар шаҳри Берни Конфедератсияи Швейтсария Фестивал-намоиши хӯрокҳои миллӣ ва мусиқӣ баргузор гардид, ки дар он  имконияти сайёҳӣ ва ҳунарҳои мардумии Тоҷикистон низ муаррифӣ карда шуд. Дар ин хусус ба АМИТ «Ховар» дар Сафорати Ҷумҳурии Тоҷикистон дар Конфедератсияи Швейтсария хабар доданд.

Ба иттилои Сафорат, дар қатори дигар муассисаҳои дипломатии давлатҳо хӯрокҳои миллӣ, аксу ангора ва ҳунарҳои мардумии таҷассумгари таъриху фарҳанги Тоҷикистон ба  намоиш гузошта шуд.

Иштирокдорони Фестивал-намоиш ба гӯшаи Тоҷикистон таваҷҷуҳи хосса зоҳир намуда, аз ҷониби меҳмонон ба ҳунарҳои мардумӣ ва хӯрокҳои миллии тоҷикӣ баҳои баланд доданд.

Фестивали мазкур бо ташаббуси Котиботи давлатии Швейтсария оид ба масъалаҳои иқтисодӣ бо иштироки сафоратҳои кишварҳои хориҷии муқими Конфедератсияи Швейтсария баргузор гардид.

31 август Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Муассисаи таҳсилоти томактабии рақами 40-и ноҳияи Исмоили Сомонии пойтахтро ифтитоҳ намуданд.

Ба Пешвои миллат муҳтарам Эмомалӣ Раҳмон иттилоъ доданд, ки дар бинои Муассисаи таҳсилоти томактабии рақами 40 шароиту имконияти муосири ба таълиму тарбия фаро гирифтани 250 кўдак мавҷуд аст. Таълим дар 11 гуруҳ дар муассисаи томактабӣ бо забонҳои тоҷикӣ, русӣ ва англисӣ ба роҳ монда шудааст. Иншоот аз таҳхона ва 4 ошёна иборат буда, дар он 23 нафар бо ҷойи кори доимӣ таъмин гардиданд.Ба ғайр аз синфхонаҳои тарбиявӣ дар муассиса ошхона, толорҳои варзишию мусиқӣ, толор барои маҳфили кўдакон, ҳуҷраи тиббӣ, анбор барои нигоҳдории маҳсулоти хўрокворӣ ва дигар ҳуҷраҳои ёрирасон мавҷуд мебошанд. Ҳуҷраҳои алоҳидаи хобу истироҳати кўдакон бо таҷҳизоти муосир, аз қабили рахти хоб ва дигар ашёи фароғатӣ таъмин аст.

31 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Исмоили Сомонии пойтахт бинои хуштарҳу замонавии Муассисаи таҳсилоти миёнаи умумии рақами 53-ро мавриди баҳрабардорӣ қарор доданд.

Муассисаи таълимӣ аз 5 бинои бо ҳам пайвасти 4-ошёна иборат буда, мутобиқ ба меъёрҳои сатҳи ҷаҳонӣ дар масоҳати 0,76 гектар бунёд ёфтааст ва барои 2400 нафар хонанда дар ду баст пешбинӣ гардидааст.Мактаб аз 50 синфхонаи барҳаво, аз ҷумла кабинетҳои фаннии химия, физика, математика, биология, география, синфхонаҳои лингафонӣ, нақшакашӣ, таълими меҳнат барои писарон ва духтарон, синфхонаи компютерӣ, омодагии дифои ҳарбӣ, толори мусиқӣ ва хореографӣ, озмоишгоҳҳо, китобхона бо толори барҳавои хониш, китобхонаи электронӣ, ҳуҷраҳои корӣ барои омўзгорону кормандони муассиса, равоншинос, нуқтаи тиббӣ ва дигар иншооти ёрирасон иборат мебошад.

ДУШАНБЕ, 30.08.2023 /НИАТ «Ховар»/. В Худжанде завершился Чемпионат Таджикистана по футболу среди девушек до 13 лет (Лига U-13), который прошел при поддержке Федерации футбола Таджикистана и программы FIFA LEAGUE DEVELOPMENT. Об этом передает НИАТ «Ховар» со ссылкой на Федерацию футбола Таджикистана.

В Чемпионате Таджикистана по футболу среди девушек до 13 лет (Лига U-13) в Согдийской области принимали участие 8 команд. Игры проходили в формате «дома – выезд» в 1 круг.

В церемонии закрытия Чемпионата приняли участие  представители  Комитета по делам молодежи и спорта, Исполнительного органа государственной власти Согдийской области, Федерации футбола Согдийской области и женской футбольной лиги Таджикистана в Согдийской области.

Победители и призеры, а также лучшие игроки были награждены медалями, кубками и памятными статуэтками.

Зафаробод (Зафаробод)

Бунджикат (Шахристон)

Ашт (Ашт)

ДУШАНБЕ, 30.08.2023 /АМИТ «Ховар»/. Имрӯз дар Муассисаи давлатии «Осорхонаи миллӣ» бахшида ба 32 — солагии Истиқлолияти давлатии Ҷумҳурии Тоҷикистон толори «Мардумшиносӣ», ки инъикосгари паҳлуҳои гуногуни ҳаёти мардуми тоҷик мебошад, ифтитоҳ гардид. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фариддун Кенҷаев иттилоъ дод.

Директори Осорхонаи миллӣ Зафаршо Иброҳимзода иброз дошт, ки толори мазкур доимӣ буда, инъикосгари тарзи зисту зиндагӣ, урфу одат ва маданияти моддию маънавии халқи тоҷик мебошад. Он дар муаррифии арзишҳои таъихиву фарҳангии миллати тоҷик нақши муассир хоҳад гузошт.

Ҳамзамон дигар баромадкунандагон таъкид намуданд, ки осори мазкур ифодагари ҳунарҳои волои қадимии занону мардони тоҷик буда, дар

ҷалби қишрҳои гуногуни ҷомеа ва меҳмонону сайёҳони хориҷӣ нақши муассир мегузорад.

Дар толори «Мардумшиносӣ» беш аз 900 маводи марбут ба мардумшиносӣ ба маърази тамошо гузошта шудааст, ки таваҷҷуҳи меҳмонону сайёҳони хориҷиро ба худ ҷалб менамоянд. Осори дар толор ба тамошо бароварда марбут ба ҳунарҳои гулдӯзӣ, чакандӯзӣ, чӯбгарӣ, чармгарӣ, оҳангарӣ, заргарӣ, читгарӣ, зардӯзӣ ва ғайраҳо буда, аз таърихи куҳани ин ҳунарҳо ва маҳорати баланди ҳунармандони тоҷик шаҳодат медиҳанд.

Дар як гӯшаи толор ҷома, камзулча, тоқӣ, шамолдиҳак, пешбандак, чойхалта, куртаи чакан, миёнбанд, сӯзанӣ, шероза, оинахалта, чодар, болинпӯш, рӯймол, дастархон, кӯрпача, ҷӯроб, матоъҳои атласу беқасаб ва читгарӣ ба намоиш гузошта шудаанд. Зимнан дар гӯшаи дигар сандуқча, чархчӯб, чархдег, табақча, кафча, ғалтак, кафлез, элак, қолаб, панҷара, шона, сабад, обгир, асбоби риштабофӣ ва дигар навъи ашёи марбут ба ҳунари чӯбгарӣ гирд оварда шудаанд.

Заргарӣ, ки яке аз ҳунарҳои қадимии ниёгони тоҷикон аст. Дар гӯшаи охирини толори мазкур гӯшвор, ангуштарин, дастпона, гарданбанд, камарбанд, қулфи гиребон, пешонабанд, туморгардан ва амсоли инҳо пешниҳоди тамошобинони осорхона гардонида шудаанд.

Бояд тазаккур дод, ки дар Осорхонаи миллӣ осори марбут ба ҳунармандии тоҷикон низ ҷамъоварӣ ва дар сатҳи зарурӣ ҳифз мешавад. Ифтитоҳи толори «Мардумшиносӣ» имкон медиҳад, ки ҳунарҳои мардумии тоҷикон боз ҳам бештар муаррифӣ гарданд.

ДУШАНБЕ, 29.08.2023. /АМИТ «Ховар»/. То оғози соли нави таҳсил   рӯзҳои башумор боқӣ монда, ҳоло дар тамоми муассисаҳои таълимии  мамлакат  барои сазовор пешвоз гирифтани ин рӯз омодагӣ мебинанд.  Имсол таҷлили Рӯзи Дониш ва Дарси сулҳ бо иштироки Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Донишгоҳи давлатии тиббии Хатлон дар ноҳияи Данғара дар назар дошта шудааст.

Идома

ДУШАНБЕ, 29.08.2023. /АМИТ «Ховар»/. Дар шаҳри Нижний Новгороди Федератсияи Русия Форуми байналмилалии ҷавонон таҳти унвони «Шаҳри ояндаи ман -шаҳри рушди устувор аст» бо иштироки намояндагон аз 30 давлати дунё идома дорад. Дар он намояндагони филиалҳои Иттифоқи ҷавонони Тоҷикистон КВД «Маркази ташаккули шахсият ва рушди сиёсии ҷавонон», Иттифоқи ҷавонони шаҳри Турсунзода, Иттифоқи ҷавонони ноҳияи Лахш ширкат доранд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд.

Намояндагони Тоҷикистон дар Форуми мазкур иброз доштанд, ки дастгириҳои имрӯзаи Ҳукумати Тоҷикистон, бахусус таваҷҷуҳи ҳамешагии Ассосгузори сулҳу ваҳдати миллӣ- Пешвои милллат, Президенти Ҷумҳурии Тоҷикистон муҳтарам Эмомалӣ Раҳмон дар самти татбиқи бомароми сиёсати давлатии кор бо ҷавонон бараъло мушоҳида гардида, баҳри фароҳам овардани шароити таҳсил ва касбу ҳунаромўзии онҳо дар мамлакат тадбирҳои мушаххас андешида мешавад.

Таъкид шуд, ки Ҳукумати Ҷумҳурии Тоҷикистон дар шароити муосири таззодҳои ҷаҳонӣ, пайваста дар талош аст, ки фарҳанги сиёсӣ ва маърифати ҳуқуқии ҷавононро бо омӯзиши таҷрибаи давлатҳои пешрафта густариш диҳад. Маҳз бо ин мақсад ҷавонони фаъолро баҳри омӯзиш ва табодули таҷрибаи давлатҳои пешрафта ва дарёфти роҳҳои муассир ба давлатҳои хориҷӣ мефиристад. Зеро дар шароити мустақилияти комили давлатӣ ва бунёди ҷомеаи ҳуқуқбунёду дунявӣ ва демократӣ ин масъалаҳо мақоми афзалиятнок доранд.

Дар идома гуфта шуд, ки Тоҷикистон мамлакати ҷавонон ба ҳисоб рафта, дар солҳои соҳибистиқлолӣ ба пешрафт ноил гардидааст, ки саҳми ин қишри ояндасоз дар рушди он намоён аст.

Ҳамчунин гуфта шуд, ки ба иқдомҳои наҷиби Раиси шаҳри Душанбе муҳтарам Рустами Эмомалӣ пойтахти мамлакат ба шаҳри фарҳангию варзишӣ табдил ёфта, бо мақсади интихоби ҳаёти солим барои ҷавонон садҳо толору майдончаҳо, қасру маҷмааҳои варзишӣ ва боғу гулгаштҳои наву замонавӣ бунёд ёфтаанд.

Намояндагони Тоҷикистон иштирокчиёни Форумро даъват намуданд, ки ба ҷумҳурии мо ташриф биёранд ва аз меҳмоннавозӣ, табиати дилфиреб ва манзараҳои нотакрори он баҳра баранд.

Иштирокчиён дар ҳошияи Форум дар корҳои панелӣ ва форсайт сесияҳо фаъолона иштирок ва баромад намуданд.

Форум 27 август оғоз гардида, то 31 август идома меёбад.

ДУШАНБЕ, 29.08.2023. /АМИТ «Ховар»/. Нашриёти Баали шаҳри Димишқи Ҷумҳурии Арабии Сурия шоҳасари фарзанди баруманди Тоҷикистон, академик Бобоҷон Ғафуров —«Тоҷикон»-ро дар ду ҷилд ба забони арабӣ аз чоп баровард. Дар ин хусус ба АМИТ «Ховар» узви Иттифоқи нависандагони Тоҷикистон Назруллоҳи Назар, ки нашри китоб таҳти назорат ва бо муқаддимаи ӯ анҷом ёфтааст, хабар дод.

Китобро адиб ва тарҷумони шинохтаи Сурия  доктор Иброҳим Истанбулӣ ба забони арабӣ баргардонидааст.

Ёдовар мешавем, ки тарҷумаи осори як силсила адибони бузурги Русия, аз ҷумла Расул Ғамзатов ва дигар нависандагони Доғистон ба забони арабӣ ба қалами доктор Иброҳим Истанбулӣ тааллуқ дорад.

Дар муқаддимаи «Тоҷикон» ба забони арабӣ, аз ҷумла омадааст: «Лоҷарам, хонандаи араб бо таърихи халқи тоҷики куҳанбунёд ҳанӯз тавассути китоби Президенти Ҷумҳурии Тоҷикистон муҳтарам Эмомалӣ Раҳмон «Тоҷикон дар оинаи таърих», ки ду маротиба дар Қоҳира солҳои 2009 ва 2011 дар чор ҷилд дар нашриёти Дору-л-фикри-л-арабӣ ба табъ расида буд, бори нахуст шинос шудааст ва акнун чопи ин китоб фурсати дигареро ба хонандаи араб барои шиносоии амиқтар муҳайё месозад».

Ҳамчунин муаллифи муқаддима ба таваҷҷуҳи хонандаи араб мерасонад, ки китоби «Тоҷикон» дар даврони Истиқлолияти давлатии Тоҷикистон аҳамияти беандоза касб намуда, бо ташаббуси Сарвари давлат ба забони тоҷикӣ нашр ва ба ҳар хонадон эҳдо шуд. Ҳамзамон маъракаи тарҷумаи он ба забонҳои хориҷӣ, аз ҷумла забони арабӣ оғоз шуда, соли 2023 дар Тоҷикистон Соли бузургдошти китоби «Тоҷикон» ва муаллифи он академик Бобоҷон Ғафуров эълон гардид.

Ноширон, тавре ки дар паёми худ (нусхаи он дар ихтиёри АМИТ «Ховар» қарор дорад) ба унвони Сафорати Тоҷикистон дар Москва изҳор доштаанд, чопи якуми тарҷумаи ин шоҳасарро ба муносибати Соли бузургдошти китоби «Тоҷикон» ва муаллифи он академик Бобоҷон Ғафуров ҳамчун армуғон ба Соҳиби ташаббуси тарғиби он- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшидаанд.