«Ҳафтранг» - Сагчаи баҳрнавард.

ДУШАНБЕ, 02.10.2023 /АМИТ «Ховар»/. 2 октябри соли 2023 дар шаҳри Ботканди Ҷумҳурии Қирғизистон ҷаласаи муштараки навбатии байниҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатӣ баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Ҳайати гурӯҳи кории ҷониби Тоҷикистонро Раиси Кумитаи давлатии амнияти миллӣ Саймумин Ятимов ва ҷониби Қирғизистонро Раиси Кумитаи давлатии амнияти миллӣ Қамчибек Тошиев роҳбарӣ намуданд.

Дар рафти ҷаласа мубодилаи афкор оид ба масъалаи делимитатсия ва демаркатсияи  сарҳади давлатии Тоҷикистон ва Қирғизистон анҷом дода шуд.

Роҳбарони гурӯҳҳои корӣ муҳиммияти ҳаллу фасл намудани минтақаҳои боқимондаи сарҳади давлатии байни Тоҷикистон ва Қирғизистонро иброз намуда, ба аъзои гурӯҳҳои корӣ дастурҳои мушаххас доданд.

Гурӯҳҳои кории топографӣ ва масъалаҳои ҳуқуқии ҳайати ҳукуматҳои Тоҷикистон ва Қирғизистон корҳоро барои тартиб додани нақшаи лоиҳаи хатти марзи давлатӣ дар қисматии боқимондаи сарҳади давлатӣ  идома медиҳанд.

Дар рафти вохӯрӣ муҳиммияти тақвият бахшидани дӯстӣ, якдигарфаҳмӣ ва эътимодӣ байни сокинони минтақаҳои наздисарҳадӣ ва ҷоннок намудани ҳамкории дуҷониба зарур шуморида шуд.

Аз натиҷаи вохӯрии ҳайатҳои байнидавлатии ду ҷониб протокол ба имзо расид.

Вохӯрӣ дар фазои ҳусни тафоҳум баргузор гардид.

Марям Абдураҳимова варзишгардухтари серталош ва муваффақ.

Дар ноҳияи Мир Сайид Алии Ҳамадонӣ 50 муассисаи таълимӣ ва 5 муасисаи томактабӣ фаъолият мекунад. Яке аз ин муассисаҳо таълимгоҳи №14- ум мебошад, ки соли 2017 ба фаъолият оғоз намудааст. Муассисаи мазкур 3 ошёна буда, дар он 753 нафар хонанда дар ду баст ба таълиму тарбия фаро гирифта шудаанд, ки ба онхо 47 нафар омўзгорони соҳибтахассус дарс мегўянд. Тибқи иттилоъ дар таълимгоҳ  13 синфхона ва барои омўзиши фанҳои дақиқ 4 синфхона, ҳамзамон толори варзишӣ,  китобхона, маҷлисгоҳ барои 204 ҷойи нишаст мавҷуд мебошад. Сатҳу сифати таълим дар ин макони илму маърифат хуб ба роҳ монда шуда, иштироки хонандагон дар олимпиадаҳои фаннӣ аз забони англисӣ назаррас мебошад. Чун фасли сармо наздик аст, тамоми муасисаҳои таълимиву томактабӣ ва дигар идораҳо ба ин фасл омодагӣ дида истодаанд.  

Дар шаҳри Душанбе вобаста ба иҷрои Фармони Президенти Ҷумҳурии Тоҷикистон аз 31 августи соли 2023 «Дар бораи ба эҳтиёт рухсат додани хизматчиёни ҳарбие, ки муҳлати мқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 ба хизмати ҳарбӣ» ва Қарори Раиси шаҳри Душанбе аз 12 сентябри соли 2023 «Дар бораи даъвати навбатии шаҳрвандони солҳои таваллуди 1996-2005 ба хизмати ҳарбӣ» маросими ботантанаи гусели ҷавонон ба хизмати ҳарбӣ баргузор шуд. Ба муносибати Рӯзи даъватшаванда дар Амфитеатри «Аҳорун» ҳамоиши тантанавӣ ва маъракаи гусели наваскарон аз шаҳри Душанбе ба сафи Қувваҳои мусаллаҳи мамлакат баргузор гардид. Дар ҳамоиши мазкур намояндагони Мақомоти иҷроияи ҳокимияти давлатии шаҳри Душанбе, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Вазорати мудофиаи Ҷумҳурии Тоҷикистон, Кумитаи иҷроияи Ҳизби Халқии Демократии Тоҷикистон дар шаҳри Душанбе, раисони ноҳияои Исмоили Сомонӣ, Шоҳмансур, Сино ва Фирдавсӣ, масъулини  сохторҳои марбутаи шаҳр, соҳаи кор бо ҷавонон, роҳбарони комиссариатҳо ва қисмҳои ҳарбӣ ва волидайни даъватшудагон иштирок намуданд. Дар рӯзи аввали даъвати ҷавонон ба хизмати ҳарбӣ аз шаҳри Душанбе 426 нафар ҷавонон ихтиёран ба хизмати ҳарбӣ гусел шуданд.

ДУШАНБЕ, 02.10.2023 /АМИТ «Ховар»/. Имрӯз дар Бозиҳои Осиёии Ханжоу-2022 Ҳақназар Назаров аз намуди гӯштини кураш дар вазни то -90 кг медали 5-умро барои Тоҷикистон ба даст овард, хабар медиҳад АМИТ «Ховар».

Паҳлавони тоҷик дар даври якум бар Жамалбек Уулу аз Қирғизистон ва дар даври чаҳорякниҳоӣ бар Коматсу Чисатои ҷопонӣ пирӯз гардид.

Дар даври нимниҳоӣ Ҳақназар Назаров аз паҳлавони Кореяи Ҷанубӣ Ким Мингю мағлуб шуда, соҳиби медали биринҷӣ гардид.

Қаблан аз Тоҷикистон дар ин Бозиҳо Сомон Маҳмадбеков (ҷудо, -81 кг)- медали тилло, Темур Раҳимов (ҷудо, +100 кг)- медали нуқра, Беҳрӯз Хоҷазода (ҷудо, -73 кг)- медали биринҷӣ ва Хайрандеш Муродзода (гӯштини кураш, -66 кг)- медали биринҷӣ ба даст оварда буданд.

Ёдовар мешавем, ки Бозиҳои Осиёии Ханжоу-2022 23 сентябр оғоз гардида, то 8 октябр идома меёбанд.

ДУШАНБЕ, 02.10.2023. /АМИТ «Ховар»/. Дар рӯзи ҳаштуми Бозиҳои Осиёии Ханжоу-2022 муштзанони тоҷик ба дастовардҳои шоён ноил гардиданд. Гарчанде дар ин рӯз Шоира Зулқайнарова дар вазни то 66 кг ва Шаббос Негматуллоев дар вазни 80 кг мағлуб шуда, аз идомаи мусобиқа маҳрум шуданд, Миҷгона Самадова дар вазни 57 кг ва Давлат Болтаев дар вазни 92 кг тавонистанд, ки пирӯзӣ ба даст оварда, роҳхати Бозиҳои тобистонаи Олимпии Париж-2024-ро соҳиб шаванд.

Бояд гуфт, ки муштзани тоҷик Давлат Болтаев дар даври нимниҳоии Бозиҳои Осиёии Ханжоу-2022 бар Ҷаеминг Ҷионг аз Кореяи Ҷанубӣ бо қарори якдилонаи доварон бо ҳисоби калони 5:0 дастболо гардида, ба финал баромад. Дар финал 3 октябр Давлат Болтаев бо Ҳан Хуежен аз Чин баҳри ба даст овардани медали тиллои мусобиқа талош менамояд.

Ёдовар мешавем, ки Давлат Болтаев дар рақобати якум бар Арсланбек Очилови туркман пирӯз шуд. Давлат Болтаев тавонист, ки дар раунди дуюм Очиловро ба нокаут фиристад ва ғалабаи боварибахшро соҳиб шавад. Дар даври чаҳорякниҳоӣ Давлат бар Эркин Одилбек Уулуи қирғиз бо қарори якдилонаи доварон бо ҳисоби 4 бар 0 зафар ёфт ва ба даври нимниҳоии Бозиҳои Осиёии Ханжоу -2022 баромад.

Қобили тазаккур аст, ки муштзани тоҷик Миҷгона Самадова дар вазни то 57 кг аз байни варзишгарони тоҷик аввалин шуда, роҳхати Бозиҳои тобистонаи олимпии Париж-2024 –ро аз риштаи бокс соҳиб шуд. Миҷгона дар даври чаҳорякниҳоии Бозиҳои Осиёии Ханжоу-2022 бо Сатсуки Ёшизава аз Ҷопон қувваозмоӣ намуд ва дар ин рақобат тавонист, ки музаффарият ба даст орад. Пас аз ғалаба Миҷгона ба даври нимниҳоии Бозиҳои Осиёии Ханжоу-2022 роҳ ёфт ва 4 октябр бо Карина Ибрагимова аз Қазоқистон қувва меозмояд.

Пас аз ғалаба бар муштзани ҷопонӣ Миҷгона аллакай медали биринҷии Бозиҳои Осиёии Ханжоу-2022-ро ба даст овардааст.

Миҷгона дар даври аввал бар намояндаи Ветнам – Нгуйен Ҳуен Тран бидуни мушкилӣ бо қарори якдилонаи доварон бо ҳисоби 5 бар 0 ғолиб омад.

Бозиҳои Осиёии Ханжоу-2022 23 сентябр оғоз гардида, то 8 октябр идома меёбанд. Дар ин мусобиқа 481 маҷмуи медалҳо аз рӯи 40 намуди варзиш ба роҳ монда шудааст.

ДУШАНБЕ, 01.10.2023. /АМИТ «Ховар»/. Бо мақсади ҷалби таваҷҷуҳи бештари ҷомеа ба мушкилоти пиронсолон, ки аз рӯи таҳлилҳо шумораи онҳо дар сохтори умумии аҳолии кураи Замин тамоюли зиёдшавӣ дорад, ҷиҳати мусоидат ба некуаҳволии насли калонсол Ассамблеяи генералии Созмони Милали Муттаҳид 14 декабри соли 1990 қатъномае қабул намудааст, ки тибқи он 1 октябр Рӯзи байналмилали пиронсолон эълон карда шудааст.

Идома

ДУШАНБЕ, 01.10.2023. /АМИТ «Ховар»/. Тибқи Қонуни Ҷумҳурии Тоҷикистон «Дар бораи рӯзҳои ид» якшанбеи аввали моҳи октябр дар Тоҷикистон Рӯзи омӯзгорон эълон гардидааст. Имсол ин сана ба 1 октябр рост омад. Бо дарназардошти баланд будани шаъну эътибори муаллим дар ҷомеа ин ид дар тамоми муассисаҳои таълимии мамлакат бо гузаронидани ҳамоишу маҳфилҳои гуногун доир мегардад. Ба ин муносибат хабарнигори АМИТ «Ховар» бо ректори Донишгоҳи давлатии омӯзгории Тоҷикистон Аҳлиддин Ибодуллозода оид ба тайёр намудани омўзгорони касбӣ суҳбат намуд.

Идома