Қаҳрамони барнома мақомсарои навраси умедбахш - Дилшод Ҳомидов.
Автор: ТВБ
«Let’s speak english»
Забони англисиро осон ва дар муддати кутоҳ омӯзед.
«Дар меҳмонии витаминҳо»
Суҳбат атрофи манфиат ва зарари зироатҳои донагӣ.
Ифтитоҳи Мактаби велосипедронӣ дар шаҳри Хоруғ.
Дар доираи таҷлили 31-солагии Истиқлолияти давлатии Ҷумҳурии Тоҷикистон дар Маҷмааи варзишии шаҳри Хоруғ нахустин Мактаби велосипедронӣ ташкил гардид. Ҳамзамон аз ҷониби роҳбарияти Федератсияи велосипедронӣ ба мактаби номбурда, лавозимоти муосири таълимӣ 25 номгӯйи таҷҳизот ва лавозимот аз ҷумла, 20 дучарха, 5 велосипеди шоҳроҳ, 20 адад либоси тобистонаи варзишӣ, 20 адад либоси зимистонаи варзишӣ ва дигар таҷҳизоту лавозимотро барои омода намудани ин намуди варзиш шароити сатҳи баландро фароҳам оварданд.
Идомаи таҳсили нави хониш дар МТМУ №70 ш. Душанбе
Бо оғози соли нави таҳсил дар муассисаҳои таълимии кишвар хонандагон ба дарсҳо фаро гирифта шуданд. Муассисаи таҳсилоти миёнаи умумии рақами 70-уми ноҳияи Исмоили Сомонии шаҳри Душанбе низ барои қабули хонандагон ба синфи якум шароити мусоид муҳайё карда, дар соли ҷорӣ 94 нафарро ба ин зина қабул кардаанд. Синфҳои якуми Муассиса ба 3 гуруҳ ҷудо гардида, барои онҳо синфхонаҳои таълимӣ бо ашёву лавозимотҳои хониш таъмин карда шудааст. Ёдовар мешавем,ки дар соли ҷорӣ ба синфи якум дар ҳамаи муассисаҳои таълимии ҷумҳурӣ 272 ҳазор нафар хонанда қабул карда шуда, ба онҳо омӯзгорони соҳибтаҷриба дарс мегӯянд.
Намоишномаи нав бо номи «Тулӯи умед».
Дар Театри давлатӣ - драмавии русии ба номи Владимир Маяковскии шаҳри Душанбе ба ифтихори ҷашни бузурги миллӣ 31-солагии Истиқлолияти давлатии ҶТ намоишномаи нав таҳти унвони «Тулӯи умед» пешниҳоди тамошобинон гардид. Бояд гуфт, ки намоишномаи мазкур аз рӯи асари адиб, нависандаи Халқии Тоҷикистон Ато Ҳамдам ва порчаҳо аз «Шоҳнома» -и безаволи Абулқосим Фирдавсӣ ва дигар асарҳои таърихӣ таҳия гардидааст. Намоишномаи мазкур таърихи гузаштаи халқи тоҷик дар бораи корнамоии бемисли Қаҳрамони халқи тоҷик «Спитамен» ва дастовардҳои 31-соли Истиқлолияти давлатии Ҷумҳурии Тоҷикистонро дар сатҳи хуб инъикос карда, ҷолибу нишонрас манзури алоқамандону дӯстдорони театр гардонида шуд.
Чемпионати кушодаи шаҳри Душанбе оид ба муҳорибаи ғайрикасбии унифайт.
Мусобиқа барои дарёфти ҷоми Раиси шаҳри Душанбе оид ба муҳорибаи ғайрикасбии унифайт, ки дар ҳамкорӣ бо Мақомоти иҷроияи ҳокимияти давлатии шаҳри Душанбе роҳандозӣ гардид, ба ифтихори 31 солагии Истиқлолияти давлатӣ бахшида шуд. Дар мусобиқаи мазкур муовини раиси шаҳри Душанбе Дилбар Одилзода иштироку суханронӣ намуд. Аз ҷумла, қайд карда шуд, ки соҳаи варзиш дар даврони соҳибистиқлолӣ рушду нумуъ ёфта, ширкати варзишгарони ватанӣ дар мусобиқаҳои бурунмарзӣ ҳам бештар гардид. Дар натиҷа дар мусобиқа варзишгарон Абубакр Дилшодзода, Бежан Нурматов, Муҳаммад Сафаров, Комилҷон Ҳасанов дар вазни 18 кг байни 6 ва 7 солаҳо, Анӯшервон Салимов дар вазни 20 кг, Аҳмадҷон Дӯстмуродов дар вазни 24 кг, Сулаймон Миров дар вазни 31 кг , Аҳмадҷон Латифов дар вазни 35 кг, Умар Табаров дар байни 8 ва 9 сола пирӯз омаданд.
Фаъолияти маркази ҷавонони ш. Кӯлоб
Маркази фарҳангии ҷавонони шаҳри Кӯлоб тайи солҳои соҳибистиқлолӣ бунёд гардида, мутобиқ ба талаботи замони муосир сохта шудааст. Иншооти мазкур барои ҷалб ва дастгирии ҷавонон мусоидат намуда, дар рушди ин самт саҳмгузор аст. Тибқи иттилоъи масъулин Маркази фарҳангии ҷавонони шаҳри Кӯлоб дорои шароити муосир буда, аз толори фарҳангӣ, синфхонаи дӯзандагӣ, қаннодӣ, озмоишгоҳи инноватсионӣ, утоқи волонтёрон ва дигар ҳуҷраҳои кориву ёрирасон иборат мебошад. Бояд гуфт, ки дар ин Марказ дар баробари омӯзиши ҳунарҳои мардумӣ, ҳамзамон маҳфилҳои адабиву фарҳангӣ ва курсҳои омӯзиши забонҳои хориҷӣ ба таври ройгон ба роҳ монда шудааст.
Азнавсозии МТМУ №90 ш. Душанбе
Бо ташабуси Ҳукумати мамлакат ва соҳибкорони ватанӣ ба истиқболи соли нави хониш ва ҷашни фархундаи миллат дар шаҳру ноҳияҳои ҷумҳурӣ корҳои созандагиву бунёдкорӣ ҷараён дорад. Аз ҷумла, МТМУ №90-уми н. Синои ш. Душанбе пурра таъмир гардида, барои таълиму тарбияи насли наврас шароити мусоид фароҳам оварда шудааст. Муассисаи мазкур аз 3 ошёна иборат буда, барои 1276 нафар хонанда дар 1 баст пешбинӣ гардидааст. Ёдовар мешавем, ки таълимгоҳи мазкур дорои 62 синфхона аз ҷумла 24 синфхона барои синфҳои ибтидоӣ 38 синфхона барои синфҳои болоӣ, утоқҳои корӣ, 7 адад кабинетҳои фаннии химия, физика, биология, 3 адад синфхонаи компютерӣ, инчунин толори фарҳангӣ бо 172 ҷойи нишаст, толори варзишӣ ва ошхона бо 166 ҷойи нишаст, майдони варзишӣ бо 246 ҷойи нишаст, пешниҳоди хонандагон мегардад.
«Дар вақти таътил»
Боздид аз истироҳатгоҳи «Шарора».