Дар Китобхонаи миллии Тоҷикистон конференсияи ҷумҳуриявӣ дар мавзӯи Тарбияи ватандӯстӣ ва масъулияти шаҳрвандӣ омили пешгирии падидаҳои номатлуби кӯдакону наврасон баргузор гардид. Дар тадбири мазкур масъулини Вазорати маориф ва илми ҶТ, намояндагон аз ташкилотҳои мухталиф, ҳамзамон гирандагони стипендияи Президентӣ аз муассисаҳои таълимии пойтахт ҳузур доштанд. Дар чорабинӣ қайд гардид, ки ҶТ пешгирӣ ва мубориза бар зидди тероризм ва экстремизмро ҳамчун вазифаи муҳимтарини таъмини амнияти миллии худ ва тамоми ҷаҳониён зери таваҷҷуҳи махсус қарор дода, барои тақвияти минбаъдаи ҳамкориҳои муштарак дар ин самт чораҳои заруриро меандешад.
Автор: ТВБ
Беҳтарин варзишгарон дар соли 2022 муайян гардиданд.
Дар кохи Парфенони ш.Душанбе маросими ҷоизасупорӣ ба варзишгарони беҳтарин дар соли 2022 баргузор гардид. Ҳамин тариқ паҳлавони номдори кишвар Темур Раҳимов, ки дар чемпионати Осиё оид ба гӯштини ҷудо сазовори ҷои дуюм гардид, бо мукофотпулӣ дар ҳаҷми 40 ҳазор сомонӣ сарфароз гардонида шуд. Илова бар ин Темур Раҳимов беҳтарин варзишгар байни калонсолон дар соли 2022 эътироф гашт. Ҳамчунин гӯштингирон Шодмон Ризоев, Эмомалӣ Нуралӣ, Сомон Маҳмадбеков, Асламҷон Азизов, Муҳаммадамин Абдуллоев, боксчиён Баҳодур Усмонов, Акбаралӣ Абдураҳмонзода, Шаҳбоз Ҳаитов, Сумая Қосимова, таэквондочӣ Моҳрӯ Ҳалимова бо Ҷоизаи Президенти Ҷумҳурии Тоҷикистон қадрдонӣ шуданд.
Даври сеюми олимпиадаи фаннӣ.
Дар Литсейи Президентӣ барои хонандагони болаёқати ш. Душанбе даври сеюми олимпиадаи фаннӣ барои кӯдакону наврасон аз фанҳои табиӣ-риёзӣ ва ҷамъиятӣ-гуманитарӣ байни хонандагони синфҳои 7-ум ва 8-уми муассисаҳои таҳсилоти миёнаи умумии шаҳру ноҳияҳои тобеи ҷумҳурӣ баргузор гардид. Бино бар иттилои масъулин, дар даври минтақавии олимпиада шумораи умумии иштирокчиён 910 нафар хонандаро ташкил дод, ки 521 нафар хонанда аз фанҳои табиӣ-риёзӣ ва 389 нафар аз фанҳои ҷамъиятӣ-гуманитарӣ миёни ҳам сабқати зеҳнӣ намуданд. Олимпиадаи мазкур шаффоф ва дар сатҳи баланди ташкилӣ доир гардид.
«Бо ҳам меёбем»
Назира ва Нигора хонандагони фаъоли МТМУ № 32-и ш. Ваҳдат.
«Ману модарам»
Саволу ҷавоб бо модару кӯдак. Кани кӣ дуруст мегӯяд?
«Ширинак»
Омода намудани ширинӣ бо номи «Чизкейк».
«Таҷриба»
«Ангубин»
Ин навбат меҳмони хурдакаку кунҷкоб Абубакри Сиддиқ ширкат доранд.
«Ғунча»
Ҷалби кӯдакону наврасон ба тарзи ҳаёти солим.
Чорабинии варзишӣ бо ташаббуси мактаби варзишию фарҳангии мактаби варзишии ҷавонон ва наврасони иттифоқи касабаи Иттифоқи касабаи кормандони маориф ва илми ҶТ баргузор гардид. Дар мусобиқаи футболи хурд шаш даста ширкат варзид. Дар натиҷа дастаи Мактаби ҷумҳуриявии маҳорати олии варзишӣ, ки дар бештари бозиҳо имтиёзҳои лозимаро соҳиб шуд, ғолиби мусобиқаи мазкур дониста шуд. Ҳамчунин дар як вақт бо иқдоми мактаби варзишию фарҳангии мактаби варзишии ҷавонон ва наврасони иттифоқи касабаи Иттифоқи касабаи кормандони маориф ва илми ҶТ мусобиқа аз рӯи шоҳмот ва шашка низ гузаронида шуд. Пас аз натиҷагирии ҳайати ҳакамон ғолибони мусобиқаҳо аз рӯи футболи хурд, шоҳмот ва шашка муайян карда шуда, бо ҷом ва диплом қадршиносӣ гардиданд.